ਪੰਜਾਬ ਵਿਚ ਆਏ ਦਿਨ ਹੀ ਕਿਸੇ ਨਾ ਕਿਸੇ ਨੂੰ ਲੁੱਟੇ ਜਾਣ ਦੀਆਂ ਵਾਰਦਾਤਾਂ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ। ਹੁਣ ਪੰਜਾਬ ਦੇ ਜਿਲ੍ਹਾ ਜਲੰਧਰ ਵਿਚ ਦੇਰ ਸ਼ਾਮ ਨੂੰ ਸ਼ਹਿਰ ਦੇ ਸਭ ਤੋਂ ਸੁਰੱਖਿਅਤ ਮੰਨੇ ਜਾਂਦੇ ਪਾਸ਼ ਏਰਿਆ ਗ੍ਰੀਨ ਮਾਡਲ ਟਾਉਨ ਵਿੱਚ ਪਿਸਟਲ ਦੀ ਨੋਕ ਤੇ ਲੁਟੇਰਿਆਂ ਨੇ ਇੱਕ ਬੀਐਮਡਬਲਿਊ ਕਾਰ ਨੰਬਰ ਪੀਬੀ08 ਏਕੇ 0077 ਨੂੰ ਲੁੱਟ ਲਿਆ। ਮਾਡਲ ਟਾਉਨ ਦਾ ਹੀ ਰਹਿਣ ਵਾਲਾ ਪੁਨੀਤ ਨਾਮ ਦਾ ਸ਼ਖਸ ਆਪਣੇ ਪਰਿਵਾਰ ਦੇ ਨਾਲ ਦੇਰ ਸ਼ਾਮ ਨੀਲੇ ਰੰਗ ਦੀ ਬੀਐਮਡਬਲਿਊ ਕਾਰ ਵਿੱਚ ਹਾਟ ਡਰਾਇਵ ਵਿੱਚ ਖਾਣੇ ਦੇ ਲਈ ਆਇਆ ਹੋਇਆ ਸੀ। ਪੁਨੀਤ ਨੇ ਖਾਣ ਪੀਣ ਦਾ ਸਾਮਾਨ ਲਿਆ ਅਤੇ ਉਹ ਹਾਟ ਡਰਾਇਵ ਦੇ ਬਾਹਰ ਹੀ ਗੱਡੀ ਵਿੱਚ ਬੈਠ ਕੇ ਪਰਿਵਾਰ ਦੇ ਨਾਲ ਖਾਣ ਲੱਗਿਆ। ਇਨ੍ਹੇ ਨੂੰ ਦੋ ਲੜਕੇ ਗੱਡੀ ਦੇ ਕੋਲ ਆਏ ਅਤੇ ਉਨ੍ਹਾਂ ਨੇ ਕਾਰ ਦੇ ਸ਼ੀਸ਼ੇ ਨੂੰ ਨੂੰ ਖੜਕਾਇਆ ਅਤੇ ਖਿਡ਼ਕੀ ਨੂੰ ਖੋਲ੍ਹਣ ਦਾ ਇਸ਼ਾਰਾ ਕੀਤਾ।
ਜਿਵੇਂ ਹੀ ਪੁਨੀਤ ਵਲੋਂ ਕਾਰ ਦਾ ਦਰਵਾਜਾ ਖੋਲਿਆ ਗਿਆ ਤਾਂ ਉਨ੍ਹਾਂ ਨੇ ਪਿਸਟਲ ਨੂੰ ਪੁਨੀਤ ਦੇ ਵੱਲ ਵਧਾ ਦਿੱਤਾ। ਉਨ੍ਹਾਂ ਨੇ ਪੁਨੀਤ ਅਤੇ ਪਰਿਵਾਰ ਦੇ ਮੈਬਰਾਂ ਨੂੰ ਕਿਹਾ ਕਿ ਉਹ ਗੱਡੀ ਤੋਂ ਹੇਠਾਂ ਉਤਰ ਜਾਣ। ਆਪਣੇ ਸਿਰ ਤੇ ਪਿਸਟਲ ਤਣਿਆ ਹੋਇਆ ਦੇਖ ਜਾਨ ਨੂੰ ਬਚਾਉਣ ਲਈ ਪੁਨੀਤ ਅਤੇ ਉਸ ਦੇ ਪਰਿਵਾਰਕ ਮੈਂਬਰ ਗੱਡੀ ਤੋਂ ਹੇਠਾਂ ਉਤਰੇ ਅਤੇ ਲੁਟੇਰੇ ਝੱਟ ਹੀ ਗੱਡੀ ਨੂੰ ਭਜਾ ਕੇ ਲੈ ਗਏ।
ਪੁਨੀਤ ਵਲੋਂ ਤੁਰੰਤ ਹੀ ਇਸ ਘਟਨਾ ਦੇ ਬਾਰੇ ਵਿੱਚ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ ਅਤੇ ਨੇੜਲੇ ਲੋਕਾਂ ਨੂੰ ਦੱਸਿਆ ਗਿਆ ਪੁਲਿਸ ਵੀ ਮੌਕੇ ਤੇ ਪਹੁੰਚ ਗਈ ਅਤੇ ਉਨ੍ਹਾਂ ਨੇ ਸਾਰੇ ਲੋਕਾਂ ਨੂੰ ਅਲਰਟ ਕਰ ਦਿੱਤਾ ਤਾਂਕਿ ਜਿੱਥੋਂ ਵੀ ਕਿਤੇ ਤੋਂ ਉਹ ਗੱਡੀ ਨਿਕਲੇ ਉਸ ਨੂੰ ਫੜਿਆ ਜਾ ਸਕੇ ਪੁਲਿਸ ਵਲੋਂ ਮਾਡਲ ਟਾਉਨ ਦੇ ਇਲਾਕੇ ਵਿੱਚ ਲੱਗੇ ਸੀਸੀਟੀਵੀ CCTV ਕੈਮਰੇ ਵੀ ਖੰਗਾਲਣੇ ਸ਼ੁਰੂ ਕਰ ਦਿੱਤੇ ਗਏ ਹਨ ਤਾਂਕਿ ਇਹ ਪਤਾ ਚੱਲ ਸਕੇ ਲੁਟੇਰੇ ਗੱਡੀ ਨੂੰ ਕਿਸ ਸਾਇਡ ਲੈ ਕੇ ਗਏ ਹਨ। ਇਸ ਮੌਕੇ ਉੱਤੇ ਆਏ ਐੱਸ ਐੱਚ ਓ ਥਾਣਾ ਨੰਬਰ ਛੇ ਨੇ ਦੱਸਿਆ ਹੈ ਕਿ ਲੁਟੇਰੇ ਪੈਦਲ ਆਏ ਸਨ ਅਤੇ ਉਨ੍ਹਾਂ ਦੇ ਕੋਲ ਪਿਸਟਲ ਸਨ। ਉਨ੍ਹਾਂ ਨੇ ਕਿਹਾ ਕਿ ਸੀਸੀਟੀਵੀ ਫੁਟੇਜ ਨੂੰ ਦੇਖਿਆ ਜਾ ਰਿਹਾ ਹੈ।
