ਪੰਜਾਬ ਦੇ ਜਿਲ੍ਹਾ ਰੂਪਨਗਰ (ਰੋਪੜ੍ਹ) ਸ਼ਹਿਰ ਵਿੱਚ ਐਂਟਰੀ ਕਰਨ ਵਾਲੇ ਪੁੱਲ ਬਾਜ਼ਾਰ ਵਿੱਚ ਸਥਿਤ ਐਕਸਿਸ ਬੈਂਕ ਦੇ ਏਟੀਐਮ ATM ਵਿੱਚ ਐਤਵਾਰ ਨੂੰ ਤੜਕੇ-ਤੜਕੇ 2 ਵਜੇ ਇਕ ਲੁੱਟ ਦੀ ਕੋਸ਼ਿਸ਼ ਨੂੰ ਪੀਸੀਆਰ ਪੁਲਿਸ ਦੀ ਟੀਮ ਵਲੋਂ ਨਾਕਾਮ ਕਰ ਦਿੱਤਾ ਗਿਆ ਹੈ। ਮੌਕੇ ਤੇ ਪਹੁੰਚੇ ਪੁਲਿਸ ਮੁਲਾਜਿਮ ਜਿਉਂ ਹੀ ਲੁਟੇਰੇ ਗਰੋਹ ਨੂੰ ਫੜਨ ਦੀ ਕੋਸ਼ਿਸ਼ ਕਰਨ ਲੱਗੇ ਤਾਂ ਲੁਟੇਰੇ ਗਰੋਹ ਦੇ ਮੈਂਬਰਾਂ ਵਲੋਂ ਗੋਲੀ ਚਲਾ ਕੇ ਇੱਕ ਪੁਲਿਸ ਜਵਾਨ ਨੂੰ ਜਖਮੀ ਕਰ ਦਿੱਤਾ ਗਿਆ ਅਤੇ ਘਟਨਾ ਵਾਲੀ ਥਾਂ ਤੋਂ ਭੱਜਣ ਵਿਚ ਸਫਲ ਹੋ ਗਏ।
ਇਸ ਵਾਰਦਾਤ ਸਮੇਂ ਹੱਥ ਵਿੱਚ ਗੋਲੀ ਲੱਗਣ ਕਾਰਨ ਜਖ਼ਮੀ ਹੋਏ ਹੋਮ ਗਾਰਡ ਜਵਾਨ ਨੂੰ ਉਸਦੇ ਸਾਥੀਆਂ ਵਲੋਂ ਇਲਾਜ਼ ਦੇ ਲਈ ਸਿਵਲ ਹਸਪਤਾਲ ਰੋਪੜ ਵਿੱਚ ਭਰਤੀ ਕਰਵਾਇਆ ਗਿਆ। ਇਥੋਂ ਡਾਕਟਰਾਂ ਨੇ ਮੁਢਲੀ ਇਲਾਜ਼ ਸਹਾਇਤਾ ਦੇਣ ਤੋਂ ਬਾਅਦ ਹਾਲਾਤ ਨੂੰ ਗੰਭੀਰ ਹੋਣ ਦੇ ਕਾਰਨ ਉਨ੍ਹਾਂ ਨੂੰ ਪੀਜੀਆਈ ਚੰਡੀਗੜ ਲਈ ਰੈਫਰ ਕਰ ਦਿੱਤਾ। ਪੀਸੀਆਰ ਗਸ਼ਤ ਵਿੱਚ ਤੈਨਾਤ ਏ ਐਸ ਆਈ ਵਲੋਂ ਇਸ ਪੂਰੀ ਘਟਨਾ ਦੇ ਬਾਰੇ ਵਿੱਚ ਥਾਣਾ ਸਿਟੀ ਦੇ ਇੰਨਚਾਰਜ ਨੂੰ ਜਾਣੂ ਕਰਵਾਇਆ ਗਿਆ।
ਪੁਲਿਸ ਵਲੋਂ ਇਸ ਤੋਂ ਬਾਅਦ ਫਰਾਰ ਏਟੀਐਮ ਲੁਟੇਰਾ ਗਰੋਹ ਦੇ ਮੈਬਰਾਂ ਨੂੰ ਫੜਨ ਦੇ ਲਈ ਸ਼ਹਿਰ ਦੇ ਹੋਰ ਰਸਤਿਆਂ ਉੱਤੇ ਨਾਕਾਬੰਦੀ ਕਰ ਦਿੱਤੀ ਗਈ। ਘਟਨਾ ਥਾਂ ਉੱਤੇ ਪਹੁੰਚੇ ਪੁਲਿਸ ਜਵਾਨਾਂ ਵਲੋਂ ਘਟਨਾ ਥਾਂ ਦੇ ਨਾਲ ਦੁਕਾਨਾਂ ਵਿੱਚ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਸਹਾਇਤਾ ਨਾਲ ਫਰਾਰ ਹੋਏ ਆਰੋਪੀਆਂ ਨੂੰ ਫੜਨ ਦੇ ਲਈ ਟੀਮਾਂ ਬਣਾ ਕੇ ਹਰ ਪਾਸੇ ਤੋਂ ਜਾਂਚ ਪੜਤਾਲ ਕੀਤੀ ਜਾ ਰਹੀ ਹੈ।
ਲੁਟੇਰੀਆਂ ਵਲੋਂ CCTV ਕੈਮਰੇ ਢਕੇ ਹੋਏ ਸੀ ਪੁਲਿਸ ਨੂੰ ਦੇਖ ਮਸ਼ੀਨ ਪਿੱਛੇ ਲੁੱਕੇ
ਇਸ ਘਟਨਾ ਦੇ ਦੌਰਾਨ ਲੁਟੇਰਿਆਂ ਵਲੋਂ ATM ਵਿੱਚ ਲੱਗੇ ਕੈਮਰਿਆਂ ਨੂੰ ਉਖਾੜਨ ਤੋਂ ਇਲਾਵਾ CCTV ਕੈਮਰਿਆਂ ਤੇ ਸਪ੍ਰੇ ਕਰ ਦਿੱਤੀ ਗਈ ਸੀ ਤਾਂਕਿ ਉਨ੍ਹਾਂ ਦੀ ਸ਼ਿਨਾਖਤ ਨਾ ਹੋ ਸਕੇ। ਪੁਲਿਸ ਵਲੋਂ ਨੇੜੇ ਦੇ ਕੁੱਝ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਨੂੰ ਦੇਖਣ ਦੇ ਨਾਲ ਹੀ ਘਟਨਾ ਦੇ ਸਮੇਂ ਵਰਤੇ ਗਏ ਮੋਟਰ ਸਾਈਕਲ ਦੀ ਵੀ ਸ਼ਿਨਾਖਤ ਕੀਤੀ ਜਾ ਰਹੀ ਹੈ।
ਇਸ ਘਟਨਾ ਸਬੰਧੀ ਥਾਣਾ ਸਿਟੀ ਰੋਪੜ ਦੇ ਇੰਨਚਾਰਜ ਇੰਸਪੈਕਟਰ ਗਗਨਦੀਪ ਸਿੰਘ ਨੇ ਦੱਸਿਆ ਕਿ ਇਸ ਮਾਮਲੇ ਵਿੱਚ ਪੁਲਿਸ ਵਲੋਂ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਨੂੰ ਖੰਗਾਲ ਕੇ ਦੋਸ਼ੀਆਂ ਨੂੰ ਫੜਨ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ। ਇਸ ਹਾਦਸੇ ਵਿੱਚ ਜਖ਼ਮੀ ਹੋਏ ਹੋਮਗਾਰਡ ਦੇ ਜਵਾਨ ਦਾ ਇਲਾਜ ਪੀਜੀਆਈ ਚੰਡੀਗੜ ਦੇ ਵਿੱਚ ਚੱਲ ਰਿਹਾ ਹੈ ਅਤੇ ਕ੍ਰਿਸ਼ਨ ਸਿੰਘ ਦੀ ਹਾਲਤ ਹੁਣ ਖਤਰੇ ਤੋਂ ਬਾਹਰ ਹੈ। ਪੁਲਿਸ ਦੇ ਵਲੋਂ ਮਾਮਲੇ ਨੂੰ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।
