ਇਹ ਮੰਦਭਾਗੀ ਖ਼ਬਰ ਪੰਜਾਬ ਦੇ ਜਿਲ੍ਹਾ ਫਰੀਦਕੋਟ ਤੋਂ ਹੈ। ਸ਼ਹਿਰ ਦੇ ਗਲੀ ਨੰਬਰ ਅੱਠ ਫਰੀਦਕੋਟ ਦੇ ਨਿਊ ਕੈਂਟ ਰੋਡ ਵਿਖੇ ਚਾਲ ਚਲਣ ਉੱਤੇ ਸ਼ੱਕ ਦੇ ਚਲਦਿਆਂ ਇੱਕ ਵਿਅਕਤੀ ਨੇ ਕਹੀ ਨਾਲ ਆਪਣੀ ਪਤਨੀ ਦੀ ਹੱਤਿਆ ਕਰ ਦਿੱਤੀ ਅਤੇ ਬਾਅਦ ਵਿਚ ਫਰਾਰ ਹੋ ਗਿਆ। ਇਸ ਘਟਨਾ ਦੀ ਜਾਣਕਾਰੀ ਦਿੰਦਿਆਂ ਹੋਇਆਂ ਮ੍ਰਿਤਕ ਮਹਿਲਾ ਨੀਲਮ ਰਾਣੀ ਦੇ ਪਿਤਾ ਵਜੀਰ ਸਿੰਘ ਨੇ ਦੱਸਿਆ ਹੈ ਕਿ ਉਨ੍ਹਾਂ ਦੀ ਧੀ ਦਾ ਵਿਆਹ 12 ਸਾਲ ਪਹਿਲਾਂ ਸੁਖਵਿੰਦਰ ਸਿੰਘ ਦੇ ਨਾਲ ਹੋਇਆ ਸੀ। ਉਨ੍ਹਾਂ ਦੇ ਸੱਤ ਅਤੇ ਦਸ ਸਾਲ ਦੇ ਦੋ ਬੱਚੇ ਹਨ। ਵਿਆਹ ਦੇ ਬਾਅਦ ਤੋਂ ਹੀ ਸੁਖਵਿੰਦਰ ਉਨ੍ਹਾਂ ਦੀ ਧੀ ਦੇ ਨਾਲ ਅਕਸਰ ਲੜਾਈ ਕਰਦਾ ਰਹਿੰਦਾ ਸੀ।
ਵਜੀਰ ਸਿੰਘ ਨੇ ਦੱਸਿਆ ਕਿ ਨੀਲਮ ਛਾਉਣੀ ਵਿੱਚ ਸਫਾਈ ਦਾ ਕੰਮ ਕਰਦੀ ਸੀ। ਉੱਥੇ ਤੋਂ ਅਕਸਰ ਦੇਰੀ ਹੋਣ ਉੱਤੇ ਕਦੇ ਕਦੇ ਉੱਥੋਂ ਕਿਸੇ ਕੋਲੋਂ ਲਿਫਟ ਮੰਗ ਕੇ ਘਰ ਆ ਜਾਂਦੀ ਸੀ। ਲੇਕਿਨ ਉਸ ਦੇ ਅਜਿਹਾ ਕਰਨ ਉੱਤੇ ਉਸਦਾ ਪਤੀ ਉਸ ਉੱਤੇ ਸ਼ੱਕ ਕਰਦਾ ਸੀ ਅਤੇ ਇਸ ਗੱਲ ਨੂੰ ਲੈ ਕੇ ਉਸਦੇ ਨਾਲ ਲੜਾਈ ਕਰਦਾ ਰਹਿੰਦਾ ਸੀ। ਇਸ ਰੋਜ ਦੇ ਲੜਾਈ ਝਗੜੇ ਤੋਂ ਤੰਗ ਆਕੇ ਨੀਲਮ ਪੇਕੇ ਚੱਲੀ ਗਈ। ਦੋ ਦਿਨ ਬਾਅਦ ਸੁਖਵਿੰਦਰ ਸਿੰਘ ਉਸ ਨੂੰ ਲੈਣ ਆਇਆ ਅਤੇ ਕਿਹਾ ਕਿ ਹੁਣ ਉਹ ਕਦੇ ਉਸ ਨਾਲ ਲੜਾਈ ਨਹੀਂ ਕਰੇਗਾ। ਉਸੀ ਦਿਨ ਤੋਂ ਉਹ ਨਿਊ ਕੈਂਟ ਰੋਡ 8 ਨੰਬਰ ਗਲੀ ਵਿੱਚ ਕਿਰਾਏ ਦਾ ਮਕਾਨ ਲੈ ਕੇ ਰਹਿਣ ਲੱਗਿਆ। ਵੀਰਵਾਰ ਸਵੇਰੇ ਪਤਾ ਲੱਗਿਆ ਕਿ ਸੁਖਵਿੰਦਰ ਨੇ ਉਨ੍ਹਾਂ ਦੀ ਧੀ ਦੀ ਹੱਤਿਆ ਕਰ ਦਿੱਤੀ ਹੈ।
ਥਾਣਾ ਸਿਟੀ ਇੰਚਾਰਜ ਹਰਜਿੰਦਰ ਸਿੰਘ ਨੇ ਦੱਸਿਆ ਕਿ ਵੀਰਵਾਰ ਦੁਪਹਿਰ ਤਿੰਨ ਵਜੇ ਦੇ ਕਰੀਬ ਨੀਲਮ ਕੰਮ ਤੋਂ ਘਰ ਪਰਤੀ ਤਾਂ ਪਤੀ ਉਸ ਨਾਲ ਲੜਾਈ ਕਰਨ ਲੱਗਿਆ। ਇਸ ਦੌਰਾਨ ਸੁਖਵਿੰਦਰ ਸਿੰਘ ਨੇ ਕਹੀ ਨਾਲ ਨੀਲਮ ਦੇ ਸਿਰ ਉੱਤੇ ਵਾਰ ਕਰਕੇ ਉਸ ਦੀ ਹੱਤਿਆ ਕਰ ਦਿੱਤੀ ਅਤੇ ਮੌਕੇ ਤੋਂ ਫਰਾਰ ਹੋ ਗਿਆ। ਵਜੀਰ ਸਿੰਘ ਦੇ ਬਿਆਨ ਤੇ ਨੀਲਮ ਰਾਣੀ ਦੀ ਹੱਤਿਆ ਦੀ ਜਾਂਚ ਪੁਲਿਸ ਅਧਿਕਾਰੀ ਹਰਜਿਦਰ ਸਿੰਘ ਵਲੋਂ ਕੀਤੀ ਜਾ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਹੀ ਦਾ ਵਾਰ ਤਿੰਨ ਤੋਂ ਚਾਰ ਵਾਰੀ ਕੀਤਾ ਗਿਆ। ਜਿਸਦੇ ਨਾਲ ਮੌਕੇ ਉੱਤੇ ਹੀ ਮਹਿਲਾ ਦੀ ਮੌਤ ਹੋ ਗਈ।
