ਜਦੋਂ ਮਜਦੂਰ ਦੀ ਧੀ ਨੇ ਪੇਸ਼ ਕੀਤੀ ਇਮਾਨਦਾਰੀ ਦੀ ਮਿਸਾਲ, ਉਸ ਲਈ ਪੁਲਿਸ ਤੋਂ ਲੈ ਕੇ ਸਭ ਨੇ ਲਾਈ ਇਨਾਮਾਂ ਦੀ ਝੜੀ

ਸਾਨੂੰ ਸਾਰਿਆਂ ਨੂੰ ਬਚਪਨ ਵਿੱਚ ਸਿਖਾਇਆ ਜਾਂਦਾ ਹੈ ਕਿ ਇਨਸਾਨ ਨੂੰ ਆਪਣੀ ਜਿੰਦਗੀ ਵਿੱਚ ਹਮੇਸ਼ਾ ਇਮਾਨਦਾਰ ਰਹਿਣਾ ਚਾਹੀਦਾ ਹੈ। ਕਿਉਂਕਿ ਇਸ ਨਾਲ ਸਾਡੀ ਚੰਗੀ ਸ਼ਖਸੀਅਤ ਦਾ ਪਤਾ ਚੱਲਦਾ ਹੈ। ਪਰ ਇਮਾਨਦਾਰੀ ਦੇ ਰਸਤੇ ਉੱਤੇ ਚੱਲਣਾ ਇੰਨਾ ਵੀ ਆਸਾਨ ਨਹੀਂ ਹੁੰਦਾ। ਇਹੀ ਵਜ੍ਹਾ ਹੈ ਕਿ ਅੱਜ-ਕੱਲ੍ਹ ਦੇ ਇਸ ਦੌਰ ਵਿੱਚ ਇਮਾਨਦਾਰ ਵਿਅਕਤੀ ਦੀ ਤਲਾਸ਼ ਕਰਨਾ ਬਹੁਤ ਹੀ ਮੁਸ਼ਕਲ ਹੋ ਗਿਆ ਹੈ। ਖਾਸਤੌਰ ਤੋਂ ਪੈਸਿਆਂ ਦੇ ਮਾਮਲੇ ਵਿੱਚ ਬੰਦਾ ਬੰਦੇ ਨੂੰ ਧੋਖਾ ਦੇਣ ਅਤੇ ਉਸਦਾ ਕਤਲ ਕਰਨ ਤੋਂ ਵੀ ਪਿੱਛੇ ਨਹੀਂ ਹਟਦਾ। ਅੱਜ ਅਸੀਂ ਤੁਹਾਨੂੰ ਇੱਕ ਅਜਿਹੀ ਬੱਚੀ ਦੇ ਬਾਰੇ ਵਿੱਚ ਦੱਸ ਰਹੇ ਹਾਂ ਜਿਸ ਨੇ 7 ਲੱਖ ਰੁਪਏ ਦੇ ਗਹਿਣੇ ਇਮਾਨਦਾਰੀ ਦੇ ਚਲਦਿਆਂ ਉਸ ਦੇ ਮਾਲਿਕ ਨੂੰ ਵਾਪਸ ਕਰ ਦਿੱਤੇ।

ਲੱਖਾਂ ਦੇ ਗਹਿਣੇ ਦੇਖਕੇ ਵੀ ਨਹੀਂ ਡੋਲਿਆ ਇਮਾਨ 

ਭਾਰਤ ਦੇ ਮੱਧ ਪ੍ਰਦੇਸ਼ Madhya Pradesh ਦੇ ਰਾਈਸੇਨ Raisen ਜਿਲ੍ਹੇ ਵਿੱਚ ਰਹਿਣ ਵਾਲੀ 13 ਸਾਲ ਦੀ ਰੀਨਾ ਨੇ ਸਮਾਜ ਨੂੰ ਇਮਾਨਦਾਰੀ ਦਾ ਅਸਲ ਮਤਲਬ ਸਮਝਾਇਆ ਹੈ। ਜਿਸ ਦੀ ਵਜ੍ਹਾ ਨਾਲ ਹਰ ਕੋਈ ਉਨ੍ਹਾਂ ਦੀ ਸੱਚਾਈ ਅਤੇ ਨੇਕੀ ਦੀ ਤਾਰੀਫ ਕਰਨ ਤੋਂ ਨਹੀਂ ਥੱਕ ਰਿਹਾ। ਰੀਨਾ ਛੇਵੀਂ ਜਮਾਤ ਦੀ ਵਿਦਿਆਰਥਣ ਹੈ। ਜਿਸ ਨੂੰ ਘਰ ਪਰਤਦੇ ਸਮੇਂ ਸੜਕ ਕਿਨਾਰੇ ਤੋਂ ਡਿਗਿਆ ਹੋਇਆ ਇਕ ਬੈਗ ਮਿਲਿਆ ਸੀ।

ਇਸ ਬੈਗ ਨੂੰ ਰੀਨਾ ਨੇ ਜਦੋਂ ਖੋਲਕੇ ਦੇਖਿਆ ਤਾਂ ਉਸਦੇ ਅੰਦਰ ਸੋਨੇ ਦੇ ਗਹਿਣੇ ਸਨ ਜਿਨ੍ਹਾਂ ਦੀ ਕੀਮਤ ਲੱਗਭੱਗ 7 ਲੱਖ ਰੁਪਏ ਦੀ ਦੱਸੀ ਜਾ ਰਹੀ ਹੈ। ਰੀਨਾ ਨੇ ਕਾਫ਼ੀ ਦੇਰ ਤੱਕ ਸੜਕ ਉੱਤੇ ਰੁਕ ਕੇ ਉਸ ਬੈਗ ਦੀ ਨਿਗਰਾਨੀ ਕੀਤੀ ਤਾਂਕਿ ਕੋਈ ਉਸ ਨੂੰ ਚੁੱਕਣ ਆ ਜਾਵੇ।

ਪ੍ਰੰਤੂ ਜਦੋਂ ਕਾਫ਼ੀ ਦੇਰ ਤੱਕ ਕਿਸੇ ਨੇ ਵੀ ਬੈਗ ਨਹੀਂ ਚੁੱਕਿਆ ਤਾਂ ਰੀਨਾ ਉਸ ਬੈਗ ਨੂੰ ਚੁੱਕਕੇ ਘਰ ਲੈ ਆਈ। ਘਰ ਆਕੇ ਰੀਨਾ ਨੇ ਬੈਗ ਦੇ ਬਾਰੇ ਵਿੱਚ ਆਪਣੇ ਪਿਤਾ ਮੰਗਲ ਸਿੰਘ ਹਰਿਜਨ ਨੂੰ ਦੱਸਿਆ ਜੋ ਪੇਸ਼ੇ ਤੋਂ ਇੱਕ ਮਜਦੂਰ ਹਨ।

ਵਪਾਰੀ ਦੀ ਧੀ ਦੇ ਹੱਥ ਵਿਚੋਂ ਛੁੱਟ ਗਿਆ ਸੀ ਬੈਗ

ਅਜਿਹੇ ਵਿੱਚ ਮੰਗਲ ਸਿੰਘ ਨੇ ਤੁਰੰਤ ਹੀ ਸਥਾਨਕ ਪੁਲਿਸ ਨੂੰ ਬੈਗ ਵਦੇ ਬਾਰੇ ਵਿੱਚ ਸੂਚਨਾ ਦਿੱਤੀ ਜਿਸ ਤੋਂ ਬਾਅਦ ਰੀਨਾ ਨੂੰ ਪੁੱਛਗਿੱਛ ਲਈ ਉਦੈਪੁਰਾ ਪੁਲਿਸ ਸਟੇਸ਼ਨ ਬੁਲਾਇਆ ਗਿਆ ਸੀ। ਇਸ ਤੋਂ ਬਾਅਦ ਰੀਨਾ ਨੇ ਥਾਣਾ ਇੰਨਚਾਰਜ ਪ੍ਰਕਾਸ਼ ਸ਼ਰਮਾ ਨੂੰ ਬੈਗ ਦੇ ਬਾਰੇ ਵਿੱਚ ਸਾਰੀ ਗੱਲ ਦੱਸੀ। ਜਿਸ ਤੋਂ ਬਾਅਦ ਉਸ ਨੇ ਬੈਗ ਪੁਲਿਸ ਦੇ ਹਵਾਲੇ ਕਰ ਦਿੱਤਾ।

ਇਸ ਮਾਮਲੇ ਤੇ ਪੁਲਿਸ ਨੇ ਦੱਸਿਆ ਕਿ ਉਹ ਬੈਗ ਯਸ਼ਪਾਲ ਸਿੰਘ ਪਟੇਲ ਨਾਮ ਦੇ ਜਵੈਲਰੀ ਸਰਾਪ ਮਾਲਿਕ ਦਾ ਸੀ ਜੋ ਕਾਕਾਰੁਆ ਪਿੰਡ ਵਿੱਚ ਰਹਿੰਦਾ ਹੈ। ਅਜਿਹੇ ਵਿੱਚ ਯਸ਼ਪਾਲ ਸਿੰਘ ਆਪਣੀ ਧੀ ਦੇ ਨਾਲ ਬਾਇਕ ਉੱਤੇ ਗਹਿਣਿਆਂ ਨਾਲ ਭਰਿਆ ਬੈਗ ਲੈ ਕੇ ਜਾ ਰਿਹਾ ਸੀ। ਜੋ ਉਸ ਦੀ ਧੀ ਨੇ ਫੜਿਆ ਹੋਇਆ ਸੀ। ਲੇਕਿਨ ਯਸ਼ਪਾਲ ਸਿੰਘ ਦੀ ਧੀ ਹੱਥ ਵਿਚੋਂ ਬੈਗ ਛੁੱਟ ਗਿਆ ਸੀ। ਜਿਸ ਉੱਤੇ ਬਾਅਦ ਵਿੱਚ ਰੀਨਾ ਦੀ ਨਜ਼ਰ ਪਈ ਸੀ।

ਰੀਨਾ ਨੂੰ ਦਿੱਤਾ ਇਮਾਨਦਾਰੀ ਦਾ ਇਨਾਮ

ਰੀਨਾ ਅਤੇ ਉਸਦੇ ਪਿਤਾ ਮੰਗਲ ਸਿੰਘ ਦੀ ਇਮਾਨਦਾਰੀ ਤੋਂ ਖੁਸ਼ ਹੋਕੇ ਯਸ਼ਪਾਲ ਸਿੰਘ ਪਟੇਲ ਨੇ ਉਨ੍ਹਾਂ ਨੂੰ 51 ਹਜਾਰ ਰੁਪਏ ਦਾ ਇਨਾਮ ਦੇਣ ਦਾ ਐਲਾਨ ਕੀਤਾ ਹੈ। ਜਦੋਂ ਕਿ ਉਨ੍ਹਾਂ ਨੇ ਰੀਨਾ ਸਮੇਤ ਉਨ੍ਹਾਂ ਦੇ ਪੂਰੇ ਪਰਿਵਾਰ ਨੂੰ ਨਵੇਂ ਕੱਪੜੇ ਵੀ ਤੋਹਫੇ ਦੇ ਰੂਪ ਵਿੱਚ ਦਿੱਤੇ ਹਨ।

ਰੀਨਾ ਦੀ ਇਮਾਨਦਾਰੀ ਅਤੇ ਸੱਚਾਈ ਨੇ ਥਾਣਾ ਇੰਨਚਾਰਜ ਪ੍ਰਕਾਸ਼ ਸ਼ਰਮਾ ਦਾ ਵੀ ਦਿਲ ਜਿੱਤ ਲਿਆ। ਜਿਸ ਤੋਂ ਬਾਅਦ ਥਾਣਾ ਇੰਜਾਰਚ ਨੇ ਰੀਨਾ ਨੂੰ 11 ਸੌ ਰੁਪਏ ਇਨਾਮ ਦੇ ਰੂਪ ਵਿੱਚ ਦਿੱਤੇ ਸਨ। ਇੰਨਾ ਹੀ ਨਹੀਂ ਰੀਨਾ ਦੇ ਸਕੂਲ ਨੇ ਵੀ ਉਸ ਨੂੰ ਇਸ ਨੇਕ ਕੰਮ ਦੇ ਲਈ ਪੁਰਸਕਾਰਤ ਕੀਤਾ ਹੈ। ਕਿਉਂਕਿ ਰੀਨਾ ਨੇ ਆਪਣੇ ਇਮਾਨਦਾਰੀ ਦੇ ਜਰੀਏ ਆਪਣੇ ਅਧਿਆਪਕਾਂ ਸਕੂਲ ਅਤੇ ਮਾਤਾ ਪਿਤਾ ਦਾ ਨਾਮ ਰੋਸ਼ਨ ਕੀਤਾ ਹੈ।