ਬੀਤੇ ਦਿਨ ਪੰਜਾਬ ਦੇ ਬਲਾਚੌਰ ਸ਼ਹਿਰ ਦੇ ਪਿੰਡ ਧਰਮਪੁਰ ਦੇ ਵਾਸੀ BSF ਜਵਾਨ ਧਰਮਿੰਦਰ ਕੁਮਾਰ ਉਰਫ ਰਿੱਕੀ ਕਸਾਣਾ ਪੁੱਤਰ ਦਰਸ਼ਨ ਲਾਲ ਨੂੰ ਅੰਤਮ ਵਿਦਾਈ ਦਿੱਤੀ ਗਈ। ਧਰਮਿੰਦਰ ਭਾਰਤ ਬੰਗਲਾਦੇਸ਼ ਦੀ ਸਰਹੱਦ ਤੇ ਆਪਣੀ ਡਿਊਟੀ ਨਿਭਾ ਰਹੇ ਸਨ ਅਤੇ ਡਿਊਟੀ ਦੇ ਦੌਰਾਨ ਹੋਏ ਇਕ ਸੜਕ ਹਾਦਸੇ ਵਿੱਚ ਉਹ ਸ਼ਹੀਦ ਹੋ ਗਏ ਸਨ। ਹਾਦਸਾ ਸ਼ਨੀਵਾਰ ਨੂੰ ਦੱਖਣ ਸਲਮਾਰਾ ਮਨਕਾਚਰ ਜਿਲ੍ਹੇ ਵਿੱਚ ਪੈਟ੍ਰੋਲਿੰਗ ਦੇ ਦੌਰਾਨ ਹੋਇਆ। ਉਨ੍ਹਾਂ ਦੀ ਸਰਕਾਰੀ ਗੱਡੀ ਪਾਣੀ ਵਿੱਚ ਡਿੱਗ ਗਈ ਅਤੇ ਇਸ ਹਾਦਸੇ ਵਿੱਚ ਉਨ੍ਹਾਂ ਦੀ ਮੌਤ ਹੋ ਗਈ।
ਧਰਮਿੰਦਰ ਕੁਮਾਰ ਦੀ ਉਮਰ ਕਰੀਬ 32 ਸਾਲਸੀ। ਉਹ ਲੱਗਭੱਗ 11 ਸਾਲ ਪਹਿਲਾਂ ਬੀਐਸਐਫ ਵਿੱਚ ਭਰਤੀ ਹੋਏ ਸਨ। ਆਪਣੇ ਪਿੱਛੇ ਪਰਿਵਾਰ ਵਿਚ ਉਹ ਪਤਨੀ ਸਮੇਤ ਦੋ ਬੇਟਿਆਂ ਦੇ ਨਾਲ ਮਾਤਾ ਪਿਤਾ ਅਤੇ ਭਰਾ ਭੈਣ ਨੂੰ ਛੱਡ ਗਏ ਹਨ। ਪਤਨੀ ਦਾ ਨਾਮ ਰਜਨੀ ਵੱਡੇ ਬੇਟੇ ਦਾ ਨਾਮ ਰੇਹਾਨ ਛੋਟੇ ਬੇਟੇ ਦਾ ਨਾਮ ਰਾਜ ਕੁਮਾਰ ਹੈ। ਪਿਤਾ ਕਾਰਟਨ ਮਿਲ ਕਰਨਾਟਕ ਵਿੱਚ ਕੰਮ ਕਰ ਰਿਹਾ ਹੈ ਅਤੇ ਭਰਾ ਨੀਟੂ ਰਾਜਸਥਾਨ ਵਿੱਚ ਕਾਤਰ ਮਿਲ ਵਿੱਚ ਕੰਮ ਕਰ ਰਿਹਾ ਹੈ। ਧਰਮਿੰਦਰ ਦਾ ਪਾਰਥਿਵ ਸਰੀਰ ਸੋਮਵਾਰ ਨੂੰ ਸਵੇਰੇ ਤਿਰੰਗੇ ਵਿੱਚ ਲਿਪਟਿਆ ਜੱਦੀ ਪਿੰਡ ਪਹੁੰਚਿਆ ।
ਬੀਐਸ ਸ਼ਾਵਲਾ ਕੈਂਪ ਵਿੱਚ ਡਰਾਇਵਰ ਸੀ ਧਰਮਿੰਦਰ
ਐਸਆਈ ਜਗਜੀਤ ਸਿੰਘ ਨੇ ਦੱਸਿਆ ਕਿ 45 ਬੀਐਸਐਫ ਦੇ ਐਸ ਆਈ ਜਗਜੀਤ ਸਿੰਘ ਧੁਰਾ ਮੇਘਾਲਿਆ ਤੋਂ ਪਾਰਥਿਵ ਦੇਹ ਲੈ ਕੇ ਚੰਡੀਗੜ ਆਏ ਅਤੇ ਉੱਥੋਂ 98 ਬੀਐਸਐਫ ਚੰਡੀਗੜ ਦੇ ਇੰਸਪੈਕਟਰ ਮਨਜੀਤ ਸਿੰਘ ਪਾਰਥਿਵ ਦੇਹ ਲੈ ਕੇ ਪਿੰਡ ਧਰਮਪੁਰ ਪਹੁੰਚੇ। ਧਰਮਿੰਦਰ ਕੁਮਾਰ ਉਰਫ ਰਿੱਕੀ 25 ਬੀਐਸ ਸ਼ਾਵਲਾ ਕੈਂਪ ਵਿੱਚ ਡਰਾਇਵਰ ਦੀ ਨੌਕਰੀ ਕਰ ਰਿਹਾ ਸੀ। 5 ਜਵਾਨ ਪੈਟ੍ਰੋਲਿੰਗ ਕਰ ਰਹੇ ਸਨ ਤਾਂ ਰਸਤੇ ਵਿੱਚ ਕੋਈ ਚੀਜ ਸਾਹਮਣੇ ਤੋਂ ਆ ਗਈ ਜਿਸ ਨੂੰ ਬਚਾਉਂਦੇ ਹੋਏ ਜੀਪ ਹਾਦਸਾ ਗ੍ਰਸਤ ਹੋ ਗਈ।
ਇਨ੍ਹਾਂ ਵਿਚੋਂ 3 ਜਵਾਨ ਬਾਹਰ ਨਿਕਲ ਆਏ ਲੇਕਿਨ ਧਰਮਿੰਦਰ ਅਤੇ ਬਿਹਾਰ ਦੇ ਇੱਕ ਜਵਾਨ ਦੀ ਡੁੱਬਣ ਨਾਲ ਮੌਤ ਹੋ ਗਈ। ਦੋਨਾਂ ਦੇ ਸਰੀਰਾਂ ਨੂੰ ਕਾਫ਼ੀ ਮਸ਼ੱਕਤ ਦੇ ਬਾਅਦ ਬਾਹਰ ਕੱਢਿਆ ਗਿਆ। ਧਰਮਿੰਦਰ ਦਾ ਮ੍ਰਿਤਕ ਸਰੀਰ ਜਦੋਂ ਪਿੰਡ ਪਹੁੰਚਿਆ ਤਾਂ ਮਾਂ ਸਾਰੀਆਂ ਨੂੰ ਕਹਿੰਦੀ ਰਹੀ ਕਿ ਕੋਈ ਰੋਏ ਨਾ ਮੇਰਾ ਪੁੱਤਰ ਘਰ ਆ ਰਿਹਾ ਹੈ ਅਤੇ ਜਿਵੇਂ ਹੀ ਮ੍ਰਿਤਕ ਦੇਹ ਘਰ ਪਹੁੰਚੀ ਤਾਂ ਮਾਂ ਕਹਿਣ ਲੱਗ ਗਈ ਕਿ ਬੇਟੇ ਦਾ ਮੁੰਹ ਦੇਖਣ ਦਿਓ ਬੇਟੇ ਨੂੰ ਸਗਨ ਦੇਣ ਦਿਓ ਉਹ ਹੁਣੇ ਉਠ ਜਾਵੇਗਾ। ਧਰਮਿੰਦਰ ਨੂੰ ਮੁਖ ਅਗਨੀ ਬੇਟੇ ਰੇਹਾਨ ਅਤੇ ਭਰਾ ਨੀਤੂ ਵਲੋਂ ਦਿੱਤੀ ਗਈ।
