ਪੰਜਾਬ ਦੇ ਤਰਨਤਾਰਨ ਰੋਡ ਤੇ ਸਥਿਤ ਮੁਰੱਬੇ ਵਾਲੀ ਗਲੀ ਵਿਚ ਜਾਨਲੇਵਾ ਹਮਲੇ ਦੀ ਖ਼ਬਰ ਸਾਹਮਣੇ ਆਈ ਹੈ । ਇਥੇ ਘਰ ਛੱਡ ਕੇ ਆਪਣੇ ਪੇਕੇ ਰਹਿ ਰਹੀ ਪਤਨੀ ਤੋਂ ਨਰਾਜ ਪਤੀ ਨੇ ਸੜਕ ਵਿਚਕਾਰ ਤੇਜਧਾਰ ਹਥਿਆਰ ਨਾਲ ਉਸ ਉੱਤੇ ਹਮਲਾ ਕਰ ਦਿੱਤਾ। ਪਤਨੀ ਦੇ ਨਾਲ ਗ਼ੁੱਸੇ ਵਿੱਚ ਨੌਜਵਾਨ ਨੇ ਆਪਣੇ ਦੋ ਰਿਸ਼ਤੇਦਾਰਾਂ ਨੂੰ ਵੀ ਜਖਮੀ ਕਰ ਦਿੱਤਾ। ਇਸ ਘਟਨਾ ਤੋਂ ਬਾਅਦ ਕਿਸੇ ਨੇ ਵੀ ਪੁਲਿਸ ਨੂੰ ਸ਼ਿਕਾਇਤ ਨਹੀਂ ਕੀਤੀ। ਲੇਕਿਨ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਪੁਲਿਸ ਨੇ ਐਕਸ਼ਨ ਲੈਂਦੇ ਹੋਏ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਵੀਡੀਓ ਰਿਪੋਰਟ ਦੇਖਣ ਲਈ ਪੋਸਟ ਦੇ ਹੇਠਾਂ ਜਾਓ
ਇਹ ਘਟਨਾ ਤਰਨਤਾਰਨ ਰੋਡ ਤੇ ਸਥਿਤ ਮਰੱਬੇ ਵਾਲੀ ਗਲੀ ਦੀ ਹੈ। ਮਹਿਲਾ ਦੀ ਪਹਿਚਾਣ ਕ੍ਰਿਸ਼ਨਾ ਨਗਰ ਵਾਸੀ ਹਰਸਿਮਰਨ ਕੌਰ ਦੇ ਰੂਪ ਵਿੱਚ ਹੋਈ ਹੈ। ਵਾਇਰਲ ਵੀਡੀਓ ਦੇ ਅਨੁਸਾਰ ਸ਼ੁਕਰਵਾਰ ਦੀ ਦੁਪਹਿਰ 10 ਵਜੇ ਦੇ ਕਰੀਬ 2 ਮਹਿਲਾਵਾਂ ਅਤੇ ਇੱਕ ਵਿਅਕਤੀ ਦੇ ਪਿੱਛੇ ਇੱਕ ਨੌਜਵਾਨ ਚੱਲ ਰਿਹਾ ਸੀ। ਨੌਜਵਾਨ ਅਤੇ ਤਿੰਨਾਂ ਦੇ ਵਿੱਚ ਸੜਕ ਤੇ ਹੀ ਬਹਿਸ ਹੋ ਰਹੀ ਸੀ।
ਇਸ ਵਿੱਚ ਨੌਜਵਾਨ ਨੇ ਆਪਣੀ ਪੈਂਟ ਵਿੱਚੋਂ ਦਾਤਰ ਕੱਢਿਆ ਅਤੇ ਮਹਿਲਾ ਉੱਤੇ ਹਮਲਾ ਕਰ ਦਿੱਤਾ। ਨਾਲ ਚੱਲ ਰਹੇ ਦੋ ਰਿਸ਼ਤੇਦਾਰਾਂ ਵਲੋਂ ਰੋਕਣ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਨੌਜਵਾਨ ਨੇ ਉਨ੍ਹਾਂ ਉੱਤੇ ਵੀ ਦਾਤਰ ਨਾਲ ਵਾਰ ਕੀਤੇ। ਬਚਾਅ ਲਈ ਤਿੰਨੇ ਰਾਹਗੀਰਾਂ ਤੋਂ ਮਦਦ ਮੰਗਦੇ ਰਹੇ ਲੇਕਿਨ ਕਿਸੇ ਦੀ ਵੀ ਅੱਗੇ ਆਕੇ ਨੌਜਵਾਨ ਨੂੰ ਫੜਨ ਦੀ ਹਿੰਮਤ ਨਹੀਂ ਹੋਈ। ਹਰਸਿਮਰਨ ਜਖ਼ਮੀ ਹੋਕੇ ਉਥੇ ਹੀ ਡਿੱਗ ਪਈ ਅਤੇ ਬਾਅਦ ਵਿੱਚ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ।
ਵੀਡੀਓ ਵਾਇਰਲ ਹੋਣ ਦੇ ਬਾਅਦ ਪੁਲਿਸ ਨੇ ਘਟਨਾ ਦਾ ਸੰਗਿਆਨ ਲਿਆ ਅਤੇ ਕਾਰਵਾਈ ਸ਼ੁਰੂ ਕੀਤੀ। ਇਸ ਮੁਟਿਆਰ ਦੀ ਪਹਿਚਾਣ ਹਰਸਿਮਰਨ ਦੇ ਰੂਪ ਵਿੱਚ ਹੋਈ ਲੇਕਿਨ ਉਹ ਬਿਆਨ ਦੇਣ ਲਈ ਤਿਆਰ ਨਹੀਂ ਹੈ। ਕਈ ਵਾਰ ਪੁਲਿਸ ਪਰਵਾਰਿਕ ਮੈਂਬਰਾਂ ਨਾਲ ਸੰਪਰਕ ਕਰ ਚੁੱਕੀ ਹੈ।
ਥਾਨਾ B ਡਿਵੀਜਨ ਦੇ ਅਧੀਨ ਆਉਂਦੀ ਸ਼ਹੀਦਾਂ ਸਾਹਿਬ ਚੌਕੀ ਇੰਨਚਾਰਜ ASI ਅਮਰਜੀਤ ਸਿੰਘ ਨੇ ਦੱਸਿਆ ਕਿ ਉਹ ਪਰਿਵਾਰ ਦੇ ਨਾਲ ਸੰਪਰਕ ਵਿੱਚ ਹੈ ਅਤੇ ਗੱਲਬਾਤ ਕੀਤੀ ਜਾ ਰਹੀ ਹੈ। ਪੂਰੀ ਕੋਸ਼ਿਸ਼ ਹੈ ਕਿ ਮੁਟਿਆਰ ਨੂੰ ਮਨਾ ਕੇ ਅੱਜ ਮੈਡੀਕਲ ਕਰਵਾ ਲਿਆ ਜਾਵੇਗਾ। ਇਸ ਤੋਂ ਬਾਅਦ ਉਸਦੇ ਪਤੀ ਦੇ ਖਿਲਾਫ ਕਾਰਵਾਈ ਸ਼ੁਰੂ ਕਰ ਦਿੱਤੀ ਜਾਵੇਗੀ।
ਦੇਖੋ ਵੀਡੀਓ ਰਿਪੋਰਟ
