ਪੰਜਾਬ ਦੇ ਜਿਲ੍ਹਾ ਲੁਧਿਆਣਾ ਤੋਂ ਵੱਡੀ ਖੌਫਨਾਕ ਵਾਰਦਾਤ ਸਾਹਮਣੇ ਆਈ ਹੈ। ਇੱਥੇ 30 ਸਾਲ ਦੇ ਮੁਹੰਮਦ ਇਸਲਾਮ ਦੀ ਪੈਸਿਆਂ ਦੇ ਲਾਲਚ ਵਿੱਚ ਹੱਤਿਆ ਕਰ ਦਿੱਤੀ ਗਈ ਹੈ। ਮ੍ਰਿਤਕ ਉੱਤਰ ਪ੍ਰਦੇਸ਼ ਦੇ ਸ਼ਾਮਲੀ ਜਿਲ੍ਹੇ ਦੇ ਪਿੰਡ ਜਲਾਲਾਬਾਦ ਦਾ ਰਹਿਣ ਵਾਲਾ ਸੀ। ਉਹ ਤਕਰੀਬਨ 15 ਦਿਨ ਪਹਿਲਾਂ 25 ਹਜਾਰ ਰੁਪਏ ਲੈਕੇ ਖ੍ਰੀਦਦਾਰੀ ਕਰਨ ਲਈ ਲੁਧਿਆਣੇ ਪਹੁੰਚਿਆ ਸੀ ਅਤੇ ਆਪਣੇ ਸਾਥੀ ਦੇ ਕੋਲ ਰੁਕਿਆ ਸੀ। ਸਾਥੀ ਨੇ ਰੁਪਏ ਦੇ ਲਾਲਚ ਵਿੱਚ ਵਾਰਦਾਤ ਨੂੰ ਅਜਾਮ ਦਿੱਤਾ। ਦੋਸ਼ੀ ਨੇ ਉਸ ਦੀ ਲਾਸ਼ ਦੇ ਨਾਲ ਬੇਰਹਿਮੀ ਵੀ ਕੀਤੀ। ਟੁਕੜਿਆਂ ਵਿੱਚ ਕੱਟਣ ਤੋਂ ਬਾਅਦ ਬੋਰੀ ਵਿੱਚ ਪਾਇਆ ਅਤੇ ਸਿਧਵਾਂ ਨਹਿਰ ਦੇ ਵਿੱਚ ਸੁੱਟ ਦਿੱਤਾ। ਪਰਵਾਰਿਕ ਮੈਂਬਰ ਇਸਲਾਮ ਨੂੰ ਲੱਭਣ ਨਿਕਲੇ ਤਾਂ ਪਤਾ ਚਲਿਆ ਕਿ ਦੋਸ਼ੀ ਨੇ ਹੱਤਿਆ ਕਰ ਦਿੱਤੀ ਹੈ। ਇਸ ਤੋਂ ਬਾਅਦ ਦੋਸ਼ੀ ਨੂੰ ਉਨ੍ਹਾਂ ਨੇ ਆਪਣੇ ਆਪ ਹੀ ਪਾਣੀਪਤ ਤੋਂ ਕਾਬੂ ਕੀਤਾ ਅਤੇ ਲੁਧਿਆਣਾ ਲਿਆਕੇ ਥਾਣਾ ਟਿੱਬਾ ਪੁਲਿਸ ਦੇ ਹਵਾਲੇ ਕਰ ਦਿੱਤਾ। ਥਾਣਾ ਟਿੱਬਾ ਪੁਲਿਸ ਨੇ ਇਸਲਾਮ ਦੇ ਭਰਾ ਮਹਿਬੂਬ ਦੀ ਸ਼ਿਕਾਇਤ ਤੇ ਮੁਹੰਮਦ ਮਹਫੂਜ ਦੇ ਖਿਲਾਫ ਹੱਤਿਆ ਕਰ ਕੇ ਲਾਸ਼ ਖੁਰਦ ਬੁਰਦ ਕਰਨ ਦੇ ਮਾਮਲੇ ਨੂੰ ਦਰਜ ਕੀਤਾ ਹੈ।
ਹੱਤਿਆ ਦੇ ਦੋਸ਼ੀ ਦੀ ਨਿਸ਼ਾਨਦੇਹੀ ਤੇ ਪੁਲਿਸ ਨੇ ਸਿਧਵਾਂ ਨਹਿਰ ਤੋਂ ਇੱਕ ਬਾਂਹ ਅਤੇ ਲੱਤ ਬਰਾਮਦ ਕਰ ਲਈ ਹੈ। ਉੱਤਰ ਪ੍ਰਦੇਸ਼ ਤੋਂ ਆਏ ਮਹਿਬੂਬ ਨੇ ਦੱਸਿਆ ਕਿ ਉਸ ਦਾ ਭਰਾ ਇਸਲਾਮ ਕੱਪੜੇ ਦਾ ਕੰਮ ਕਰਦਾ ਹੈ। ਉਸ ਦੀ ਪਿੰਡ ਵਿੱਚ ਛੋਟੀ ਜਿਹੀ ਦੁਕਾਨ ਹੈ। ਉਹ ਅਕਸਰ ਲੁਧਿਆਣਾ ਮਾਲ ਖ੍ਰੀਦਣ ਆਉਂਦਾ ਸੀ। ਕਰੀਬ 15 ਦਿਨ ਪਹਿਲਾਂ ਵੀ ਉਹ ਖ੍ਰੀਦਦਾਰੀ ਕਰਨ ਆਇਆ ਸੀ।
ਇੱਥੇ ਉਹ ਆਪਣੇ ਪਿੰਡ ਦੇ ਹੀ ਰਹਿਣ ਵਾਲੇ ਦੋਸ਼ੀ ਮੁਹੰਮਦ ਮਹਫੂਜ ਦੇ ਕੋਲ ਟਿੱਬਾ ਰੋਡ ਉੱਤੇ ਰੁਕਿਆ ਸੀ। ਇਸ ਵਿੱਚ ਅਚਾਨਕ ਇਸਲਾਮ ਦਾ ਫੋਨ ਬੰਦ ਹੋ ਗਿਆ ਅਤੇ ਉਸ ਨਾਲ ਸੰਪਰਕ ਟੁੱਟ ਗਿਆ। ਜਦੋਂ ਦੋਸ਼ੀ ਮਹਫੂਜ ਤੋਂ ਪੁੱਛਿਆ ਗਿਆ ਤਾਂ ਉਸ ਨੇ ਦੱਸਿਆ ਕਿ ਉਹ ਤਾਂ ਚਲਾ ਗਿਆ ਹੈ। ਪ੍ਰੰਤੂ ਜਦੋਂ ਪਤਾ ਕਰਾਇਆ ਗਿਆ ਤਾਂ ਦੋਸ਼ੀ ਵੀ ਉੱਥੋਂ ਗਾਇਬ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਸ਼ੱਕ ਹੋ ਗਿਆ।
ਇਸ ਤੋਂ ਬਾਅਦ ਉਨ੍ਹਾਂ ਨੇ ਤੁਰੰਤ ਇਸਦੀ ਜਾਣਕਾਰੀ ਪੁਲਿਸ ਨੂੰ ਦਿੱਤੀ। ਪਤਾ ਚਲਿਆ ਕਿ ਦੋਸ਼ੀ ਪਾਣੀਪਤ ਦੇ ਕੋਲ ਹੈ। ਇਸ ਤੋਂ ਬਾਅਦ ਮਹਿਬੂਬ ਅਤੇ ਉਸਦੇ ਸਾਥੀਆਂ ਨੇ ਮੁਹੰਮਦ ਮਹਫੂਜ ਨੂੰ ਕਾਬੂ ਕਰ ਲਿਆ ਅਤੇ ਲੁਧਿਆਣਾ ਲੈ ਆਏ। ਦੋਸ਼ੀ ਨੂੰ ਟਿੱਬਾ ਪੁਲਿਸ ਦੇ ਹਵਾਲੇ ਕੀਤਾ ਤਾਂ ਉਸ ਨੇ ਸੱਚਾਈ ਉਗਲ ਦਿੱਤੀ ਅਤੇ ਦੱਸਿਆ ਕਿ ਹੱਤਿਆ ਤੋਂ ਬਾਅਦ ਲਾਸ਼ ਦੇ ਟੁਕੜੇ ਕੀਤੇ ਫਿਰ ਬੋਰੀਆਂ ਵਿੱਚ ਭਰਕੇ ਸਿਧਵਾਂ ਨਹਿਰ ਦੇ ਵਿੱਚ ਸੁੱਟ ਦਿੱਤਾ। ਦੋਸ਼ੀ ਨੇ ਮੁਹੰਮਦ ਇਸਲਾਮ ਦੇ 25 ਹਜਾਰ ਰੁਪਏ ਲੁੱਟੇ। ਪੁਲਿਸ ਨੇ ਦੋਸ਼ੀ ਨੂੰ ਹੱਤਿਆ ਦੇ ਇਲਜ਼ਾਮ ਵਿੱਚ ਗ੍ਰਿਫਤਾਰ ਕਰ ਲਿਆ ਹੈ।
ਥਾਣਾ ਟਿੱਬੇ ਦੇ SHO ਨੇ ਕੀ ਕਿਹਾ
ਇਸ ਸਬੰਧੀ ਥਾਣਾ ਟਿੱਬੇ ਦੇ ਐਸਐਚਓ ਇੰਸਪੈਕਟਰ ਰਣਵੀਰ ਸਿੰਘ ਨੇ ਦੱਸਿਆ ਕਿ ਦੋਸ਼ੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਉਸ ਦੀ ਨਿਸ਼ਾਨਦੇਹੀ ਤੇ ਸਿਧਵਾਂ ਨਹਿਰ ਵਿਚੋਂ ਦੋ ਬੋਰੀਆਂ ਬਰਾਮਦ ਕੀਤੀਆਂ ਹਨ। ਇਸ ਵਿੱਚ ਇੱਕ ਲੱਤ ਅਤੇ ਇੱਕ ਬਾਂਹ ਮਿਲੀ ਹੈ। ਬਾਕੀ ਅੰਗ ਬਰਾਮਦ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਦੋਸ਼ੀ ਨੂੰ ਦੋ ਦਿਨ ਦੇ ਪੁਲਿਸ ਰਿਮਾਂਡ ਤੇ ਭੇਜ ਦਿੱਤਾ ਹੈ। ਹੋਰ ਪੁੱਛਗਿੱਛ ਜਾਰੀ ਹੈ।
