ਅਕਸਰ ਹੀ ਜਦੋਂ ਲਾਈਟ ਚਲੀ ਜਾਂਦੀ ਹੈ ਤਾਂ ਲੋਕ ਟਾਰਚ ਜਾਂ LED ਲਾਈਟ ਚਾਲੂ ਕਰਦੇ ਹਨ। ਪਰ ਜੇਕਰ ਟਾਰਚ ਵਿੱਚ ਬੈਟਰੀ ਨਹੀਂ ਹੈ ਤਾਂ ਇਸ ਦਾ ਕੋਈ ਫਾਇਦਾ ਨਹੀਂ ਹੈ। ਇਸ ਦੀ ਵਰਤੋਂ ਕਰਨ ਲਈ ਬੈਟਰੀ ਨੂੰ ਦੁਬਾਰਾ ਲਗਾਉਣਾ ਪੈਂਦਾ ਹੈ ਅਤੇ ਫਿਰ ਇਸਨੂੰ ਵਾਰ-ਵਾਰ ਚਾਰਜ ਕਰਨਾ ਪੈਂਦਾ ਹੈ। ਘੱਟ ਕੀਮਤ ਤੇ ਬਾਜ਼ਾਰ ਵਿਚ ਅਜਿਹੇ ਕਈ ਯੰਤਰ ਮੌਜੂਦ ਹਨ, ਜੋ ਸਾਡੇ ਲਈ ਬਹੁਤ ਵਧੀਆ ਹੋਣ ਦੇ ਨਾਲ-ਨਾਲ ਲਾਭਦਾਇਕ ਵੀ ਹਨ।
ਇਨ੍ਹਾਂ ਵਿੱਚ ਇੱਕ ਅਜਿਹੀ ਟਾਰਚ ਵੀ ਹੈ ਜੋ ਬਿਨਾਂ ਬੈਟਰੀ ਦੇ ਚੱਲਦੀ ਹੈ ਅਤੇ ਸਾਡੇ ਲਈ ਬਹੁਤ ਕੰਮ ਆ ਸਕਦੀ ਹੈ। ਇਹ ਇਕ ਅਜਿਹੀ ਟਾਰਚ ਹੈ ਜੋ ਬਿਨਾਂ ਚਾਰਜ ਦੇ ਚੱਲਦੀ ਰਹਿੰਦੀ ਹੈ। ਸਾਨੂੰ ਇਸ ਨੂੰ ਜੀਵਨ ਭਰ ਚਾਰਜ ਕਰਨ ਦੀ ਲੋੜ ਨਹੀਂ ਹੈ ਅਤੇ ਬੈਟਰੀਆਂ ਲਗਾਉਣ ਦੀ ਕੋਈ ਲੋੜ ਨਹੀਂ ਹੈ। ਇਸ ਟਾਰਚ ਦੀ ਖਾਸ ਗੱਲ ਇਹ ਹੈ ਕਿ ਇਹ ਇਕ ਖਾਸ ਤਕਨੀਕ ਨਾਲ ਲੈਸ ਹੈ ਅਤੇ ਇਸ ਦੀ ਕੀਮਤ ਵੀ ਸਾਧਾਰਨ ਟਾਰਚ ਦੇ ਬਰਾਬਰ ਹੀ ਹੈ। ਆਓ ਅਸੀਂ ਜਾਣਦੇ ਹਾਂ ਅਜਿਹੀ ਹੀ ਇਕ ਖਾਸ ਟਾਰਚ ਬਾਰੇ ਵਿੱਚ।
ਕਿਹੜੀ ਹੈ ਇਹ ਟਾਰਚ
ਇੱਥੇ ਜਿਸ ਟਾਰਚ ਦੀ ਗੱਲ ਕੀਤੀ ਜਾ ਰਹੀ ਹੈ, ਉਸ ਦਾ ਨਾਂ ਡਾਇਨਾਮੋ ਫਲੈਸ਼ਲਾਈਟ ਹੈ। ਇਸ ਦੀ ਸ਼ਾਨਦਾਰ ਗੱਲ ਇਹ ਹੈ ਕਿ ਇਸ ਵਿਚ ਬੈਟਰੀ ਨਾ ਹੋਣ ਦੇ ਬਾਵਜੂਦ ਇਹ ਟਾਰਚ ਆਮ ਟਾਰਚ ਵਾਂਗ ਜਗਦੀ ਹੈ। ਇਸ ਟਾਰਚ ਵਿਚ ਫਰਕ ਸਿਰਫ ਬੈਟਰੀ ਦਾ ਹੈ ਜੋ ਆਮ ਫਲੈਸ਼ਲਾਈਟ ਅਤੇ ਟਾਰਚ ‘ਚ ਮੌਜੂਦ ਹੁੰਦੀ ਹੈ। ਇਸ ਟਾਰਚ ਵਿਚ ਬੈਟਰੀ ਦੀ ਥਾਂ ਉਤੇ ਇਕ ਖਾਸ ਟੈਕਨਾਲੋਜੀ ਦੀ ਵਰਤੋਂ ਕੀਤੀ ਗਈ ਹੈ, ਜਿਸ ਨਾਲ ਇਸ ਨੂੰ ਪਾਵਰ ਸਪਲਾਈ ਮਿਲਦੀ ਹੈ ਅਤੇ ਬਿਨਾਂ ਕਿਸੇ ਬੈਟਰੀ ਤੋਂ ਵੀ ਇਹ ਟਾਰਚ ਸ਼ਾਨਦਾਰ ਤਰੀਕੇ ਨਾਲ ਚਾਨਣ ਕਰਦੀ ਹੈ।
ਆਖ਼ਰ ਕੀ ਹੈ ਇਹ ਖਾਸ ਤਕਨੀਕ?
ਇਹ ਡਾਇਨਾਮੋ ਫਲੈਸ਼ਲਾਈਟ (Dynamo Flashlight) ਇਕ ਵਿਸ਼ੇਸ਼ ਤਕਨੀਕ ਨਾਲ ਲੈਸ ਹੈ ਅਤੇ ਟਾਰਚ ਵਿੱਚ ਬੈਟਰੀ ਦੀ ਵਰਤੋਂ ਨਾ ਕਰਕੇ ਬੈਟਰੀ ਦੀ ਥਾਂ ‘ਤੇ ਇਕ ਡਾਇਨਾਮੋ ਵਰਤਿਆ ਜਾਂਦਾ ਹੈ। ਇਸ ਡਾਇਨਾਮੋ ਤਕਨੀਕ ਦੀ ਵਰਤੋਂ ਵਾਹਨਾਂ ‘ਚ ਵੀ ਕੀਤੀ ਜਾਂਦੀ ਹੈ ਅਤੇ ਇਸ ਦੀ ਮਦਦ ਨਾਲ ਉਨ੍ਹਾਂ ਦੀਆਂ ਹੈੱਡਲਾਈਟਾਂ ਜਗਦੀਆਂ ਹਨ। ਦਰਅਸਲ, ਇਸ ਟਾਰਚ ਦੀ ਰੋਸ਼ਨੀ ਨੂੰ ਲਗਾਤਾਰ ਵਰਤਣ ਲਈ ਜ਼ਰੂਰੀ ਹੈ ਕਿ ਇਸ ਦਾ ਡਾਇਨਾਮੋ ਲਗਾਤਾਰ ਚੱਲਦਾ ਰਹੇ।
ਡਾਇਨਾਮੋ ਨੂੰ ਲਗਾਤਾਰ ਚਲਾਉਣ ਲਈ ਇਸ ਵਿੱਚ ਇੱਕ ਲੀਵਰ ਦਿੱਤਾ ਜਾਂਦਾ ਹੈ, ਸਾਨੂੰ ਇਸ ਨੂੰ ਲਗਾਤਾਰ ਦਬਾ ਕੇ ਰੱਖਣਾ ਪੈਂਦਾ ਹੈ। ਡਾਇਨਾਮੋ ਲੀਵਰ ਨੂੰ ਲਗਾਤਾਰ ਦਬਾ-ਦਬਾ ਕੇ ਘੁੰਮਦਾ ਹੈ ਅਤੇ ਘੁੰਮਣ ਨਾਲ ਊਰਜਾ ਪੈਦਾ ਹੁੰਦੀ ਹੈ। ਇਹੀ ਊਰਜਾ ਟਾਰਚ ਦੀ ਰੋਸ਼ਨੀ ਨੂੰ ਜਲਾਉਣ ਵਿੱਚ ਮਦਦਗਾਰ ਹੁੰਦੀ ਹੈ। ਇਸਦੀ ਕੀਮਤ ਦੀ ਗੱਲ ਕਰੀਏ ਤਾਂ ਤੁਸੀਂ ਇਸਨੂੰ ਸ਼ਾਪਿੰਗ ਪਲੇਟਫਾਰਮ ਅਮੇਜ਼ਨ ਤੋਂ ਸਿਰਫ 599 ਰੁਪਏ ਦੇ ਵਿੱਚ ਖਰੀਦ ਸਕਦੇ ਹੋ।
