ਪੰਜਾਬ ਸੂਬੇ ਦੇ ਜਿਲ੍ਹਾ ਬਠਿੰਡਾ ਸੰਗਤ ਮੰਡੀ ਬੀਤੇ ਦਿਨ ਦੀ ਸ਼ਾਮ ਪਿੰਡ ਮੱਲਵਾਲਾ ਵਿਚ ਇਕ ਪਰਿਵਾਰ ਉਤੇ ਉਸ ਸਮੇਂ ਸੋਗ ਛਾ ਗਿਆ ਜਦੋਂ ਖੇਤਾਂ ਨੂੰ ਪਾਣੀ ਲਾਉਣ ਤੋਂ ਬਾਅਦ ਘਰ ਨੂੰ ਜਾ ਰਹੇ ਟਰੈਕਟਰ ਦੇ ਪਲਟ ਜਾਣ ਨਾਲ ਉਨ੍ਹਾਂ ਦੇ ਨੌਜਵਾਨ ਪੁੱਤਰ ਦੀ ਮੌ-ਤ ਹੋ ਗਈ। ਇਸ ਘਟਨਾ ਸਬੰਧੀ ਪ੍ਰਾਪਤ ਜਾਣਕਾਰੀ ਮੁਤਾਬਕ ਬੂਟਾ ਸਿੰਘ ਉਮਰ 33 ਸਾਲ ਪੁੱਤਰ ਮਹਿੰਦਰ ਸਿੰਘ ਵਾਸੀ ਸੰਗਤ ਨੂੰ ਮੰਡੀ ਦੇ ਰਾਜਾ ਸਿੰਘ ਭੱਠੇ ਵਾਲੇ ਨੇ ਕੰਮ ਤੇ ਰੱਖਿਆ ਹੋਇਆ ਸੀ। ਬੀਤੇ ਦਿਨ ਦੀ ਸ਼ਾਮ ਨੂੰ ਬੂਟਾ ਸਿੰਘ ਤੇ ਰਾਜੇ ਦੇ ਰਿਸ਼ਤੇਦਾਰ ਖੇਤ ਵਿੱਚ ਕਣਕ ਨੂੰ ਪਾਣੀ ਦੇਣ ਅਤੇ ਯੂਰੀਆ ਖਾਦ ਪਾਉਣ ਲਈ ਆਏ ਹੋਏ ਸਨ।
ਰਾਤ ਨੂੰ ਤਕਰੀਬਨ 8.30 ਵਜੇ ਜਦੋਂ ਉਹ ਟ੍ਰੈਕਟਰ ਉਤੇ ਸਵਾਰ ਹੋ ਕੇ ਘਰ ਨੂੰ ਜਾ ਰਿਹਾ ਸੀ ਤਾਂ ਅਚਾਨਕ ਸੜਕ ਤੋਂ ਹੇਠਾਂ ਉਤਰ ਕੇ ਟਰੈਕਟਰ ਪਲਟੀ ਖਾ ਗਿਆ। ਜਿਸ ਕਰਕੇ ਬੂਟਾ ਸਿੰਘ ਟਰੈਕਟਰ ਦੇ ਹੇ-ਠ ਆ ਗਿਆ। ਇਸ ਘਟਨਾ ਦੀ ਸੂਚਨਾ ਜਦੋਂ ਪਿੰਡ ਵਾਲਿਆਂ ਨੂੰ ਪਤਾ ਨਾ ਲੱਗੀ ਤਾਂ ਵੱਡੀ ਗਿਣਤੀ ਵਿੱਚ ਪਿੰਡ ਵਾਸੀ ਘਟਨਾ ਵਾਲੀ ਥਾਂ ਤੇ ਇਕੱਠੇ ਹੋ ਗਏ। ਜਿਨ੍ਹਾਂ ਨੇ ਮਿਲ ਕੇ ਗੰਭੀਰ ਹਾਲ ਵਿਚ ਜ਼ਖਮੀ ਹੋਏ ਬੂਟੇ ਸਿੰਘ ਨੂੰ ਟਰੈਕਟਰ ਥੱਲਿਓਂ ਬਾਹਰ ਕੱਢਿਆ ਅਤੇ ਇਲਾਜ ਦੇ ਲਈ ਬਠਿੰਡਾ ਦੇ ਸਿਵਲਾ ਹਸਪਤਾਲ ਵਿਚ ਲੈ ਗਏ। ਜਿੱਥੇ ਉਸ ਨੇ ਦ-ਮ ਤੋੜ ਦਿੱਤਾ।
ਪਰਿਵਾਰ ਵਿਚ ਲੋਹੜੀ ਵਾਲੇ ਦਿਨ ਸੋਗ ਛਾ ਗਿਆ। ਜਿਸ ਘਰ ਵਿਚ ਲੋਹੜੀ ਮਨਾਈ ਜਾਣੀ ਸੀ, ਉਥੇ ਹੁਣ ਵੈਣ ਹੰਝੂ ਅਤੇ ਉਦਾਸੀਆਂ ਹਨ। ਪੁਲੀਸ ਨੇ ਮ੍ਰਿਤਕ ਬੂਟੇ ਸਿੰਘ ਦਾ ਪੋਸਟ ਮਾਰਟਮ ਕਰਵਾ ਕੇ ਦੇਹ ਪਰਿਵਾਰ ਵਾਲਿਆਂ ਨੂੰ ਸੌਂਪ ਦਿੱਤੀ ਹੈ। ਇਸ ਦੁੱਖ ਭਰੀ ਘਟਨਾ ਦੇ ਕਾਰਨ ਪੂਰੇ ਪਿੰਡ ਵਿੱਚ ਸੋਗ ਹੈ। ਜਾਣਕਾਰੀ ਦਿੰਦਿਆਂ ਬਲਾਕ ਸਮਿਤੀ ਮੈਂਬਰ ਇਕਬਾਲ ਸਿੰਘ ਅਤੇ ਸਰਪੰਚ ਪਾਲਾ ਰਾਮ ਨੇ ਦੱਸਿਆ ਕਿ ਮ੍ਰਿਤਕ ਬੂਟਾ ਸਿੰਘ ਆਪਣੇ ਪਿੱਛੇ ਪਤਨੀ, ਤਿੰਨ ਛੋਟੇ ਬੱ-ਚੇ, ਇੱਕ ਲੜਕਾ ਅਤੇ ਦੋ ਲੜਕੀਆਂ ਨੂੰ ਛੱਡ ਗਿਆ ਹੈ। ਉਨ੍ਹਾਂ ਨੇ ਸਰਕਾਰ ਨੂੰ ਇਸ ਪਰਿਵਾਰ ਦੀ ਮਦਦ ਕਰਨ ਦੀ ਅਪੀਲ ਕੀਤੀ ਹੈ।
