ਉੱਤਰ ਪ੍ਰਦੇਸ਼ ਦੇ ਆਗਰਾ ਵਿੱਚ ਬੁੱਧਵਾਰ ਸ਼ਾਮ ਨੂੰ ਇੱਕ ਹੈਰਾਨ ਕਰਨ ਵਾਲੀ ਖਬਰ ਸਾਹਮਣੇ ਆਈ ਹੈ। ਇੱਥੇ ਪਤੀ ਤੇ ਪਤਨੀ ਨੇ ਬੇਟੀ ਨੂੰ ਘਰੋਂ ਬਾਹਰ ਕਰਕੇ ਖੁ-ਦ-ਕੁ-ਸ਼ੀ ਕਰ ਲਈ। ਢਾਈ ਸਾਲ ਦੀ ਲੜਕੀ ਬਾਹਰ ਰੋ ਰਹੀ ਸੀ। ਗੁਆਂਢੀਆਂ ਨੂੰ ਇਹ ਗੱਲ ਥੋੜੀ ਅਜੀਬ ਲੱਗੀ। ਜਦੋਂ ਉਨ੍ਹਾਂ ਨੇ ਘਰ ਅੰਦਰ ਝਾਤ ਮਾਰੀ ਤਾਂ ਦੋਵੇਂ ਜੀਅ ਸਾੜ੍ਹੀ ਦੇ ਸਹਾਰੇ ਫਾ-ਹਾ ਲੈ ਲਟਕ ਰਹੇ ਸਨ। ਗੁਆਂਢੀਆਂ ਨੇ ਇਸ ਮਾਮਲੇ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ।
ਮਾਮਲਾ ਮਾਲਪੁਰਾ ਥਾਣਾ ਖੇਤਰ ਦੇ ਧਨੌਲੀ ਦਾ ਹੈ। ਪੁਲਿਸ ਨੇ ਜਾਂਚ ਕੀਤੀ ਪਰ ਮੌਕੇ ਤੋਂ ਕੋਈ ਸੁਸਾ-ਈਡ ਲੈਟਰ ਨਹੀਂ ਮਿਲਿਆ। ਪੁਲਿਸ ਨੇ ਦੇਹ ਨੂੰ ਪੋਸਟ ਮਾਰਟਮ ਲਈ ਭੇਜ ਦਿੱਤਾ ਹੈ। ਗੁਆਂਢੀਆਂ ਮੁਤਾਬਕ ਦੋਹਾਂ ਵਿਚ ਅਕਸਰ ਝਗੜਾ ਰਹਿੰਦਾ ਸੀ। ਸ਼ਾਇਦ ਇਸੇ ਕਾਰਨ ਦੋਵਾਂ ਨੇ ਇਸ ਤਰਾਂ ਕਰ ਲਿਆ ਹੈ। ਫਿਲਹਾਲ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਧਨੌਲੀ ਵਿਚ ਈਸ਼ਵਰੀ ਉਮਰ 32 ਸਾਲ ਪਤਨੀ ਬਬਲੀ ਉਮਰ 30 ਸਾਲ ਅਤੇ ਢਾਈ ਸਾਲ ਦੀ ਬੇਟੀ ਲਾਵਣਿਆ ਨਾਲ ਰਹਿੰਦੇ ਸੀ। ਚਾਰ ਸਾਲ ਪਹਿਲਾਂ ਉਨ੍ਹਾਂ ਦਾ ਵਿਆਹ ਹੋਇਆ ਸੀ। ਉਹ ਮੂਲ ਰੂਪ ਵਿਚ ਥਾਣਾ ਕਾਗਰੋਲ ਦੇ ਪਿੰਡ ਇਕਰਾਮਨਗਰ ਦਾ ਰਹਿਣ ਵਾਲਾ ਹੈ। ਉਹ ਧਨੌਲੀ ਵਿਚ ਮਜ਼ਦੂਰੀ ਦਾ ਕੰਮ ਕਰਦਾ ਸੀ।ਬੁੱਧਵਾਰ ਸ਼ਾਮ 4 ਵਜੇ ਦੇ ਕਰੀਬ ਬੇਟੀ ਲਾਵਣਿਆ ਘਰ ਦੇ ਬਾਹਰ ਰੋ ਰਹੀ ਸੀ। ਗੁਆਂਢੀਆਂ ਨੇ ਦੇਖਿਆ ਤਾਂ ਘਰ ਦੇ ਬਾਹਰੋਂ ਆਵਾਜ ਲਾਈ ਪਰ ਕੋਈ ਜਵਾਬ ਨਹੀਂ ਮਿਲਿਆ।
ਇਸ ਤੋਂ ਬਾਅਦ ਉਨ੍ਹਾਂ ਨੇ ਦਰਵਾਜ਼ਾ ਖੜਕਾਇਆ ਪਰ ਅੰਦਰੋਂ ਕਿਸੇ ਨੇ ਦਰਵਾਜ਼ਾ ਨਹੀਂ ਖੋਲ੍ਹਿਆ। ਇਸ ਤੋਂ ਬਾਅਦ ਜਦੋਂ ਗੁਆਂਢੀਆਂ ਨੇ ਖਿੜਕੀ ਵਿੱਚੋਂ ਝਾਤੀ ਮਾਰੀ ਤਾਂ ਇਸ ਮਾਮਲੇ ਦਾ ਖੁਲਾਸਾ ਹੋਇਆ। ਇਸ ਨੂੰ ਦੇਖਦੇ ਹੀ ਲੋਕਾਂ ਦੀ ਭੀੜ ਲੱਗ ਗਈ।ਮਾਲਪੁਰਾ ਪੁਲਿਸ ਨੇ ਮੌਕੇ ਤੇ ਜਾ ਕੇ ਜਾਂਚ ਕੀਤੀ। ਗੁਆਂਢੀਆਂ ਤੋਂ ਵੀ ਪੁੱਛ ਗਿੱਛ ਕੀਤੀ। ਇਸ ਸਬੰਧੀ ਮ੍ਰਿਤਕ ਦੇ ਵਾਰਸਾਂ ਨੂੰ ਸੂਚਨਾ ਦਿੱਤੀ ਗਈ।
ਦੋਵਾਂ ਦੇ ਪਰਿਵਾਰ ਵਾਲੇ ਦੇਰ ਸ਼ਾਮ ਧਨੌਲੀ ਪਹੁੰਚੇ। ਪੁਲਿਸ ਨੂੰ ਅਜੇ ਤੱਕ ਕਿਸੇ ਦੀ ਕੋਈ ਸ਼ਿਕਾਇਤ ਨਹੀਂ ਮਿਲੀ ਹੈ। ਗੁਆਂਢੀਆਂ ਨੇ ਦੱਸਿਆ ਕਿ ਬਬਲੀ ਪਤੀ ਨਾਲ ਰੁੱਸ ਕੇ ਅੱਠ ਦਿਨ ਪਹਿਲਾਂ ਪੇਕੇ ਘਰ ਚਲੀ ਗਈ ਸੀ। ਉਹ ਕੱਲ੍ਹ ਸ਼ਾਮ ਹੀ ਘਰ ਆਈ ਸੀ। ਇਸ਼ਵਰੀ ਦਾ ਪਿਤਾ ਸੁਖਰਾਮ ਉਸ ਘਰ ਵਿੱਚ ਰਹਿੰਦਾ ਸੀ ਜਿੱਥੇ ਇਹ ਜੋੜਾ ਰਹਿੰਦਾ ਸੀ। ਉਹ ਇੱਥੇ 30 ਸਾਲਾਂ ਤੱਕ ਰਿਹਾ। ਈਸ਼ਵਰੀ ਦੇ ਬਬਲੀ ਨਾਲ ਵਿਆਹ ਤੋਂ ਬਾਅਦ, ਉਹ ਆਪਣੇ ਜੱਦੀ ਪਿੰਡ ਇਕਰਾਮਨਗਰ ਚਲੇ ਗਏ। ਪਿਤਾ ਨਹੀਂ ਦੱਸ ਸਕਿਆ ਕਿ ਪੁੱਤ ਅਤੇ ਨੂੰਹ ਨੇ ਅਜਿਹਾ ਕਿਉਂ ਕੀਤਾ।
ਉਨ੍ਹਾਂ ਕਿਹਾ ਕਿ ਸਭ ਕੁਝ ਠੀਕ ਚੱਲ ਰਿਹਾ ਹੈ। ਪਤਾ ਨਹੀਂ ਕਿਉਂ ਚੁੱਕਿਆ ਅਜਿਹਾ ਕਦਮ। ਏ. ਸੀ. ਪੀ. ਅਛਨੇਰਾ ਰਾਜੀਵ ਸਿਰੋਹੀ ਨੇ ਦੱਸਿਆ ਕਿ ਪਤੀ ਅਤੇ ਪਤਨੀ ਵੱਲੋਂ ਖੁ-ਦ-ਕੁ-ਸ਼ੀ ਕਰਨ ਦਾ ਮਾਮਲਾ ਆਇਆ ਹੈ। ਅਜੇ ਤੱਕ ਇਸ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ ਹੈ। ਸ਼ਕਾਇਤ ਮਿਲਣ ਤੇ ਅੱਗੇ ਦੀ ਕਾਰਵਾਈ ਕੀਤੀ ਜਾਵੇਗੀ।
