ਇਹ ਦੁਖਦ ਖ਼ਬਰ ਕੈਨੇਡਾ ਦੇ ਸ਼ਹਿਰ ਬਰੈਂਪਟਨ ਤੋਂ ਪ੍ਰਾਪਤ ਹੋਈ ਹੈ। ਬਰੈਂਪਟਨ ਸ਼ਹਿਰ ਵਿਚ ਪੰਜਾਬੀ ਮੂਲ ਦੇ ਵਿਅਕਤੀ ਨੇ ਆਪਣੀ ਹੀ ਪਤਨੀ ਦਾ ਕ-ਤ-ਲ ਕਰ ਦਿੱਤਾ। ਦੋਵੇਂ ਪਤੀ ਅਤੇ ਪਤਨੀ ਕਰੀਬ 6 ਮਹੀਨਿਆਂ ਤੋਂ ਵੱਖੋ ਵੱਖ ਰਹਿ ਰਹੇ ਸਨ ਅਤੇ ਤਲਾਕ ਲੈਣਾ ਚਾਹੁੰਦੇ ਸਨ। ਮ੍ਰਿਤਕ ਦੋਸ਼ੀ ਨਾਲ ਗੱਲ ਕਰਨ ਲਈ ਹੀ ਪਾਰਕ ਵਿੱਚ ਪਹੁੰਚੀ ਸੀ ਪਰ ਦੋਸ਼ੀ ਨੇ ਪਾਰਕ ਵਿੱਚ ਹੀ ਆਪਣੀ ਪਤਨੀ ਉਤੇ ਚਾ-ਕੂ ਨਾਲ ਵਾਰ ਕਰ ਦਿੱਤਾ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਦੀ ਵੀਡੀਓ ਵੀ ਵਾਇਰਲ ਹੋਈ ਸੀ।
ਪਾਰਕ ਵਿਚ ਗੱਲਬਾਤ ਕਰਨ ਆਈ ਪਤਨੀ ਉਤੇ ਕੀਤੇ ਵਾਰ
ਪੀਲ ਰੀਜਨਲ ਪੁਲਿਸ ਨੇ ਸ਼ੁੱਕਰਵਾਰ ਨੂੰ ਬਰੈਂਪਟਨ ਦੇ ਇੱਕ ਪਾਰਕ ਵਿੱਚ 43 ਸਾਲਾ ਦਵਿੰਦਰ ਕੌਰ ਦੇ ਕ-ਤ-ਲ ਦੇ ਦੋਸ਼ ਵਿੱਚ 44 ਸਾਲਾ ਨਵ ਨਿਸ਼ਾਨ ਸਿੰਘ ਨੂੰ ਗ੍ਰਿਫਤਾਰ ਕੀਤਾ ਹੈ। ਪੁਲਿਸ ਨੇ ਨਵ ਨਿਸ਼ਾਨ ਉਤੇ ਫਰਸਟ ਡਿਗਰੀ ਕ-ਤ-ਲ ਦਾ ਦੋਸ਼ ਲਗਾਇਆ ਹੈ।ਇਹ ਘਟਨਾ ਬੀਤੇ ਸ਼ੁੱਕਰਵਾਰ ਸ਼ਾਮ 6 ਵਜੇ ਤੋਂ ਬਾਅਦ ਦੀ ਹੈ।
ਪੁਲਿਸ ਨੂੰ ਜਖਮੀ ਹਾਲ ਵਿਚ ਮਿਲੀ ਦਵਿੰਦਰ ਕੌਰ
ਚੈਰੀਟ੍ਰੀ ਡਰਾਈਵ ਅਤੇ ਸਪੈਰੋ ਕੋਰਟ ਇਲਾਕੇ ਵਿੱਚ ਸਪੈਰੋ ਪਾਰਕ ਵਿੱਚ ਪੁਲਿਸ ਨੂੰ ਬੁਲਾਇਆ ਗਿਆ। ਪੁਲੀਸ ਨੂੰ ਦਵਿੰਦਰ ਕੌਰ ਫੁੱਟਪਾਥ ਉਤੇ ਜ਼ਖ਼ਮੀ ਹਾਲ ਵਿੱਚ ਮਿਲੀ। ਉਸ ਉਤੇ ਚਾ-ਕੂ ਨਾਲ ਬੁਰੀ ਤਰ੍ਹਾਂ ਵਾਰ ਕੀਤਾ ਗਿਆ ਸੀ। ਪੁਲਿਸ ਅਤੇ ਪੈਰਾਮੈਡਿਕਸ ਨੇ ਉਸ ਨੂੰ ਬਚਾਉਣ ਦੀਆਂ ਕੋਸ਼ਿਸ਼ਾਂ ਸ਼ੁਰੂ ਕਰ ਦਿੱਤੀਆਂ ਪਰ ਔਰਤ ਦੀ ਫੁੱਟਪਾਥ ਉਤੇ ਹੀ ਕੁਝ ਸਮੇਂ ਵਿਚ ਮੌ-ਤ ਹੋ ਗਈ।
ਤਲਾਸ਼ ਕਰਕੇ ਪੁਲਿਸ ਨੇ ਫੜਿਆ ਨਵ ਨਿਸ਼ਾਨ ਸਿੰਘ
ਨਵ ਨਿਸ਼ਾਨ ਸਿੰਘ ਨੂੰ ਪੁਲਿਸ ਨੇ ਮੌਕੇ ਤੋਂ ਕਰੀਬ ਦੋ ਕਿਲੋਮੀਟਰ ਦੂਰ ਤੋਂ ਕਾਬੂ ਕਰ ਲਿਆ। ਜਾਂਚ ਵਿਚ ਪਤਾ ਲੱਗਾ ਕਿ ਦੋਵੇਂ ਪਤੀ ਅਤੇ ਪਤਨੀ ਸਨ ਅਤੇ ਇਕ ਦੂਜੇ ਤੋਂ ਵੱਖ ਰਹਿ ਰਹੇ ਸਨ। ਨਵ-ਨਿਸ਼ਾਨ ਸਿੰਘ ਅਤੇ ਦਵਿੰਦਰ ਕੌਰ ਵਿਚਕਾਰ ਲੰਮੇ ਸਮੇਂ ਤੋਂ ਪਰਿਵਾਰਕ ਕਲੇਸ਼ ਚੱਲ ਰਿਹਾ ਸੀ। ਦੋਵੇਂ ਇਕ ਦੂਜੇ ਉਤੇ ਦੋਸ਼ ਲਾਉਂਦੇ ਸਨ ਅਤੇ 6 ਮਹੀਨਿਆਂ ਤੋਂ ਵੱਖੋ ਵੱਖ ਰਹਿ ਰਹੇ ਸਨ। ਜਿਸ ਤੋਂ ਬਾਅਦ ਦਵਿੰਦਰ ਕੌਰ ਤਲਾਕ ਲੈਣ ਲਈ ਵੀ ਤਿਆਰ ਹੋ ਗਈ ਸੀ।
ਪੁਲਿਸ ਨੇ ਵੀਡੀਓ ਲਈ ਆਪਣੇ ਕਬਜੇ ਵਿੱਚ
ਦੱਸਿਆ ਜਾ ਰਿਹਾ ਹੈ ਕਿ ਉਹ ਤਲਾਕ ਦੇ ਸਬੰਧ ਵਿੱਚ ਹੀ ਨਵ ਨਿਸ਼ਾਨ ਸਿੰਘ ਨਾਲ ਗੱਲ ਕਰਨ ਆਈ ਸੀ। ਪਰ ਕਿਸੇ ਗੱਲ ਨੂੰ ਲੈ ਕੇ ਦੋਵਾਂ ਵਿਚਾਲੇ ਤਕਰਾਰ ਹੋ ਗਈ। ਵੀਡੀਓ ਵਿਚ ਸਾਫ਼ ਸੁਣਿਆ ਜਾ ਸਕਦਾ ਹੈ ਕਿ ਨਵ ਨਿਸ਼ਾਨ ਉਸ ਨੂੰ ਪੁਲਿਸ ਕੋਲ ਜਾਣ ਤੋਂ ਰੋਕ ਰਿਹਾ ਹੈ ਅਤੇ ਕਿਸੇ ਹੋਰ ਦੇ ਬਹਿਕਾਵੇ ਵਿਚ ਆ ਕੇ ਉਸ ਨਾਲ ਗੱਲ ਨਾ ਕਰਨ ਦੀ ਗੱਲ ਵੀ ਕਰ ਰਿਹਾ ਹੈ। ਪੁਲਿਸ ਨੇ ਵੀਡੀਓ ਨੂੰ ਵੀ ਆਪਣੇ ਕਬਜ਼ੇ ਵਿੱਚ ਲੈ ਲਿਆ ਹੈ।
