ਬਿਹਾਰ ਦੇ ਮੋਤੀਹਾਰੀ ਵਿਚ ਸਹੁਰੇ ਪਰਿਵਾਰ ਉਤੇ ਦਾਜ ਲਈ ਨੂੰਹ ਦਾ ਕ-ਤ-ਲ ਕਰਨ ਦਾ ਦੋਸ਼ ਲੱਗਿਆ ਹੈ। ਔਰਤ ਨੂੰ ਦਾਜ ਵਿਚ ਜ਼ਮੀਨ ਅਤੇ ਪੈਸੇ ਲਈ ਤੰਗ ਕੀਤਾ ਜਾ ਰਿਹਾ ਸੀ। ਮੰਗਲਵਾਰ ਸ਼ਾਮ ਨੂੰ ਔਰਤ ਨੇ ਆਪਣੇ ਪੇਕੇ ਪਰਿਵਾਰ ਨੂੰ ਫੋਨ ਕਰਕੇ ਕਿਹਾ ਕਿ ਉਸ ਨੂੰ ਜ਼ਹਿਰ ਦਿੱਤਾ ਗਿਆ ਹੈ। ਇਲਾਜ ਦੌਰਾਨ ਉਸ ਦੀ ਮੌ-ਤ ਹੋ ਗਈ। ਉਸ ਦੇ ਸਹੁਰੇ ਘਰ ਛੱਡ ਕੇ ਫਰਾਰ ਹਨ। ਇਹ ਮਾਮਲਾ ਮੁਫਸਿਲ ਥਾਣਾ ਏਰੀਏ ਦੇ ਪਤੌਰਾ ਮਠੀਆ ਦੀ ਹੈ।
ਮ੍ਰਿਤਕ ਮਹਿਲਾ ਦੀ ਪਹਿਚਾਣ ਪੂਜਾ ਕੁਮਾਰੀ ਉਮਰ 26 ਸਾਲ ਦੇ ਰੂਪ ਵਜੋਂ ਹੋਈ ਹੈ। ਚਤੌਨੀ ਥਾਣਾ ਏਰੀਏ ਦੇ ਵੱਡਾ ਬਰਿਆਰਪੁਰ ਵਾਸੀ ਪੂਜਾ ਦੇ ਭਰਾ ਆਰੀਅਨ ਨੇ ਦੱਸਿਆ ਕਿ ਉਸ ਦੀ ਭੈਣ ਦਾ ਵਿਆਹ 27 ਮਈ 2019 ਨੂੰ ਮੁਫਸਿਲ ਥਾਣਾ ਏਰੀਏ ਦੇ ਪਤੌਰਾ ਮਠੀਆ ਦੇ ਰਹਿਣ ਵਾਲੇ ਸੁਨੀਲ ਸ਼ੁਕਲਾ ਦੇ ਇਕਲੌਤੇ ਪੁੱਤਰ 28 ਸਾਲਾ ਪ੍ਰਿੰਸ ਕੁਮਾਰ ਨਾਲ ਹੋਇਆ ਸੀ।
ਵਿਆਹ ਤੋਂ ਛੇ ਮਹੀਨੇ ਬਾਅਦ ਭੈਣ ਦੇ ਨਾਲ ਕੁੱਟ-ਮਾਰ ਕਰਨ ਲੱਗੇ। ਭੈਣ ਘਰ ਆ ਗਈ, ਜਿਸ ਤੋਂ ਬਾਅਦ ਅਸੀਂ ਡੇਢ ਸਾਲ ਪਹਿਲਾਂ ਮਹਿਲਾ ਥਾਣੇ ਵਿਚ ਮਾਮਲਾ ਦਰਜ ਕਰਵਾਇਆ ਸੀ। ਕੇਸ ਐਸ. ਡੀ. ਓ. ਦੀ ਅਦਾਲਤ ਵਿੱਚ ਗਿਆ ਜਿੱਥੇ ਇੱਕ ਕਾਗ਼ਜ਼ ਉੱਤੇ ਬਾਂਡ ਬਣਾ ਕੇ ਲਿਖਿਆ ਗਿਆ ਕਿ ਹੁਣ ਇਸ ਨਾਲ ਕੋਈ ਕੁੱਟ-ਮਾਰ ਨਹੀਂ ਹੋਵੇਗੀ। ਉਦੋਂ ਤੋਂ ਬਾਅਦ ਭੈਣ ਇਕ ਸਾਲ ਤੋਂ ਆਪਣੇ ਸਹੁਰੇ ਘਰ ਰਹਿ ਰਹੀ ਸੀ, ਭੈਣ ਦੇ ਜਾਣ ਤੋਂ ਕੁਝ ਦਿਨ ਬਾਅਦ ਹੀ ਉਸ ਨਾਲ ਫਿਰ ਤੋਂ ਕੁੱਟ-ਮਾਰ ਸ਼ੁਰੂ ਹੋ ਗਈ।
ਮੰਗਲਵਾਰ ਦੀ ਸ਼ਾਮ ਨੂੰ ਮੇਰੀ ਭੈਣ ਨੇ ਮੇਰੀ ਮਾਂ ਨੂੰ ਫੋਨ ਕਰਕੇ ਦੱਸਿਆ ਕਿ ਉਸ ਦੇ ਸਹੁਰੇ ਪਰਿਵਾਰ ਨੇ ਉਸ ਨੂੰ ਜ਼-ਹਿ-ਰ ਦੇ ਦਿੱਤਾ ਹੈ। ਅਸੀਂ ਤੁਰੰਤ ਪੁਲਿਸ ਨੂੰ ਸੂਚਿਤ ਕੀਤਾ। 112 ਦੀ ਟੀਮ ਮੌਕੇ ਉਤੇ ਪਹੁੰਚੀ ਅਤੇ ਅਸੀਂ ਵੀ ਉਥੇ ਪਹੁੰਚ ਗਏ। ਉਥੋਂ ਉਸ ਨੂੰ ਇਲਾਜ ਲਈ ਸ਼ਹਿਰ ਦੇ ਪ੍ਰਾਈਵੇਟ ਨਰਸਿੰਗ ਹੋਮ ਵਿੱਚ ਦਾਖਲ ਕਰਵਾਇਆ ਗਿਆ। ਜਿੱਥੇ ਇਲਾਜ ਦੌਰਾਨ ਉਸ ਦੀ ਮੌ-ਤ ਹੋ ਗਈ। ਉਸ ਦੇ ਸਹੁਰੇ ਪਰਿਵਾਰ ਵਾਲੇ ਘਰ ਛੱਡ ਕੇ ਫਰਾਰ ਹੋ ਗਏ ਹਨ।
ਔਰਤ ਦੀ ਢਾਈ ਸਾਲ ਦੀ ਬੇਟੀ ਜਾਗ੍ਰਿਤੀ ਕੁਮਾਰੀ ਨੂੰ ਵੀ ਘਰ ਦੇ ਪਿੱਛੇ ਸੁੱਟ ਦਿੱਤਾ ਗਿਆ ਸੀ। ਇਸ ਦੇ ਨਾਲ ਹੀ ਪੂਜਾ ਨੇ ਛੇ ਮਹੀਨੇ ਪਹਿਲਾਂ ਇੱਕ ਵੀਡੀਓ ਵੀ ਬਣਾਈ ਸੀ ਜਿਸ ਵਿੱਚ ਉਸ ਨੇ ਕਿਹਾ ਸੀ ਕਿ ਉਸ ਦੀ ਸੱਸ ਉਸ ਨੂੰ ਫਾ-ਹਾ ਲਾ ਕੇ ਮਾ-ਰ-ਨਾ ਚਾਹੁੰਦੀ ਹੈ। ਭਰਾ ਨੇ ਦੱਸਿਆ ਕਿ ਉਹ ਲੋਕ ਹਮੇਸ਼ਾ ਕਹਿੰਦੇ ਸਨ ਕਿ ਆਪਣੇ ਮਾਂ-ਬਾਪ ਤੋਂ ਪੈਸੇ ਮੰਗ ਕੇ ਦਿਓ, ਧੀ ਨੂੰ ਕਿਉਂ ਜਨਮ ਦਿੱਤਾ, ਅਸੀਂ ਪੁੱਤਰ ਕਿੱਥੋਂ ਲਿਆ ਕੇ ਦੇਈਏ?
ਮੁਫਸਿਲ ਥਾਣਾ ਇੰਚਾਰਜ ਅਵਨੀਸ਼ ਕੁਮਾਰ ਨੇ ਦੱਸਿਆ ਕਿ ਮ੍ਰਿਤਕਾ ਦੇ ਪੇਕੇ ਪਰਿਵਾਰ ਵਾਲਿਆਂ ਵਲੋਂ ਸ਼ਿਕਾਇਤ ਮਿਲੀ ਹੈ। ਜਿਸ ਦੇ ਆਧਾਰ ਉਤੇ ਐਫ. ਆਈ. ਆਰ. ਦਰਜ ਕਰਕੇ ਕਾਰਵਾਈ ਕੀਤੀ ਜਾ ਰਹੀ ਹੈ।
