ਹੁਸ਼ਿਆਰਪੁਰ ਤੋਂ ਟਾਂਡਾ (ਪੰਜਾਬ) ਰੋਡ ਉਤੇ ਮੰਗਲਵਾਰ ਨੂੰ ਗੰਨੇ ਦੀ ਭਰੀ ਟ੍ਰਾਲੀ ਲਿਜਾ ਰਹੇ ਵਿਅਕਤੀ ਦੀ ਸੜਕ ਹਾਦਸੇ ਦੌਰਾਨ ਮੌ-ਤ ਹੋ ਗਈ। ਉਸ ਨੂੰ ਇਕ ਇਨੋਵਾ ਕਾਰ ਨੇ ਟੱਕਰ ਮਾ-ਰ ਦਿੱਤੀ ਸੀ। ਇਸ ਕਾਰ ਵਿੱਚ ਇੱਕ ਪਰਿਵਾਰ ਦੇ 5 ਲੋਕ ਸਵਾਰ ਸਨ, ਉਹ ਵੀ ਜ਼ਖ਼ਮੀ ਹੋ ਗਏ ਹਨ।
ਮ੍ਰਿਤਕ ਦੀ ਪਹਿਚਾਣ ਪ੍ਰਦੀਪ ਸਿੰਘ ਵਾਸੀ ਬੁੱਲੋਵਾਲ ਦੇ ਰੂਪ ਵਜੋਂ ਹੋਈ ਹੈ। ਉਹ ਗੰਨੇ ਦੀ ਟ੍ਰਾਲੀ ਨੂੰ ਮਿੱਲ ਉਤੇ ਛੱਡਣ ਜਾ ਰਿਹਾ ਸੀ। ਜਦੋਂ ਉਹ ਹੁਸ਼ਿਆਰਪੁਰ ਤੋਂ ਟਾਂਡਾ ਰੋਡ ਉਤੇ ਬੁੱਲੋਵਾਲ ਤੋਂ ਅੱਗੇ ਪਿੰਡ ਨੰਗਲ ਕਲਾਂ ਕੋਲ ਪਹੁੰਚਿਆ ਤਾਂ ਪਿੱਛੇ ਤੋਂ ਆ ਰਹੀ ਇਕ ਇਨੋਵਾ ਗੱਡੀ ਨੇ ਉਸ ਨੂੰ ਜ਼ਬਰ-ਦਸਤ ਟੱਕਰ ਮਾ-ਰ ਦਿੱਤੀ।
ਇਸ ਹਾਦਸੇ ਦੌਰਾਨ ਟ੍ਰੈਕਟਰ ਟ੍ਰਾਲੀ ਸੜਕ ਦੀ ਸਾਈਡ ਉਤੇ ਪਲਟ ਗਈ। ਇਸ ਹਾਦਸੇ ਦੌਰਾਨ ਟ੍ਰੈਕਟਰ ਡਰਾਈਵਰ ਉਸ ਦੇ ਹੇਠਾਂ ਆ ਗਿਆ। ਜਿਸ ਕਾਰਨ ਉਸ ਦੀ ਮੌ-ਤ ਹੋ ਗਈ। ਇਸ ਮਾਮਲੇ ਦੀ ਸੂਚਨਾ ਮਿਲਣ ਉਤੇ ਪੁਲਿਸ ਮੌਕੇ ਉਤੇ ਪਹੁੰਚ ਗਈ। ਲੋਕਾਂ ਨੇ ਟ੍ਰੈਕਟਰ ਹੇਠਾਂ ਦੱ-ਬੇ ਵਿਅਕਤੀ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਗੰਨਾ ਉਸ ਉਤੇ ਪਲਟ ਜਾਣ ਕਾਰਨ ਉਸ ਨੂੰ ਬਚਾ ਨਹੀਂ ਸਕੇ।
ਦੂਜੇ ਪਾਸੇ ਇਨੋਵਾ ਗੱਡੀ ਵਿਚ ਸਵਾਰ ਲੋਕਾਂ ਵਿਚ 2 ਜੁਆਕ, 2 ਔਰਤਾਂ ਅਤੇ ਇਕ ਪੁਰਸ਼ ਸ਼ਾਮਲ ਸਨ। ਉਹ ਵੀ ਸਿਵਲ ਹਸਪਤਾਲ ਵਿੱਚ ਦਾਖ਼ਲ ਹਨ। ਇਹ ਲੋਕ ਬੁੱਲੋਵਾਲਾ ਵਿਖੇ ਵਿਆਹ ਸਮਾਗਮ ਲਈ ਆਏ ਹੋਏ ਸਨ। ਜ਼ਖ਼ਮੀਆਂ ਦੀ ਪਹਿਚਾਣ ਰਵਿੰਦਰ ਕੌਰ ਪਤਨੀ ਕਵਲਜੀਤ ਸਿੰਘ, ਬਲਵਿੰਦਰ ਕੌਰ ਪਤਨੀ ਮੋਹਨ ਸਿੰਘ, ਜਸਕੀਰਤ ਸਾਰੇ ਵਾਸੀ ਖੇਰਾਬਾਦ ਦਸੂਹਾ ਦੇ ਰੂਪ ਵਜੋਂ ਹੋਈ ਹੈ।
