ਭਾਰਤੀ ਸੰਸਕ੍ਰਿਤੀ ਦੀ ਅਨੋਖੀ ਝਲਕ ਪੂਰੀ ਦੁਨੀਆਂ ‘ਚ ਦੇਖਣ ਨੂੰ ਮਿਲਦੀ ਹੈ, ਜਿਸ ਕਾਰਨ ਸੈਂਕੜੇ ਸੈਲਾਨੀ ਭਾਰਤ ਦੀ ਯਾਤਰਾ ‘ਤੇ ਆਉਂਦੇ ਹਨ ਅਤੇ ਇੱਥੋਂ ਦੇ ਵੱਖ-ਵੱਖ ਸੱਭਿਆਚਾਰ ਨੂੰ ਦੇਖਣ ਲਈ ਉਤਸ਼ਾਹਿਤ ਹੁੰਦੇ ਹਨ। ਅਜਿਹੇ ਵਿਚ ਤੁਸੀਂ ਕਈ ਵਿਦੇਸ਼ੀ ਔਰਤਾਂ ਨੂੰ ਸਾੜ੍ਹੀਆਂ ਅਤੇ ਸੂਟ ਪਹਿਨੇ ਹੋਏ ਦੇਖਿਆ ਹੋਵੇਗਾ, ਜੋ ਭਾਰਤੀ ਸੰਸਕ੍ਰਿਤੀ ਅਤੇ ਪਹਿਰਾਵੇ ਦੇ ਬਹੁਤ ਸ਼ੌਕੀਨ ਹਨ।
ਪਰ ਕੀ ਤੁਸੀਂ ਆਸਟ੍ਰੇਲੀਆ ਵਿਚ ਰਹਿਣ ਵਾਲੀ ਉਸ ਮਹਿਲਾ ਬਾਰੇ ਜਾਣਦੇ ਹੋ ਜਿਸ ਨੇ ਭਾਰਤੀ ਸੰਸਕ੍ਰਿਤੀ ਦੇ ਲਗਾਵ ਦੇ ਚਲਦਿਆਂ ਨਾ ਸਿਰਫ ਭਾਰਤੀ ਲੜਕੇ ਨਾਲ ਵਿਆਹ ਕੀਤਾ ਹੈ, ਸਗੋਂ ਸਾਡੇ ਦੇਸ਼ ਦੇ ਖਾਣ-ਪੀਣ, ਪਹਿਰਾਵੇ ਅਤੇ ਰਹਿਣ-ਸਹਿਣ ਨੂੰ ਵੀ ਬਹੁਤ ਵਧੀਆ ਢੰਗ ਨਾਲ ਅਪਣਾਇਆ ਹੈ।
ਭਾਰਤੀ-ਆਸਟ੍ਰੇਲੀਅਨ ਜੋੜੇ ਦਾ ਜਾਦੂ
ਜਿਸ ਆਸਟ੍ਰੇਲੀਆਈ ਔਰਤ ਦੀ ਅਸੀਂ ਗੱਲ ਕਰ ਰਹੇ ਹਾਂ, ਉਸ ਦਾ ਨਾਮ ਕੋਰਟਨੀ ਹੈ। ਇਨ੍ਹੀਂ ਦਿਨੀਂ ਕੋਰਟਨੀ ਦੀ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ‘ਚ ਉਹ ਆਪਣੇ ਸਿਰ ‘ਤੇ ਪੱਠਿਆਂ (ਚਾਰਾ) ਦੀ ਪੰਡ ਬੰਨ੍ਹ ਕੇ ਸਿਰ ਤੇ ਰੱਖਕੇ ਖੇਤਾਂ ਵਿਚ ਚਲਦੀ ਨਜ਼ਰ ਆ ਰਹੀ ਹੈ।
ਅਸਲ ਵਿਚ ਕੋਰਟਨੀ ਭਾਰਤੀ ਮੂਲ ਦੇ ਰਹਿਣ ਵਾਲੇ ਲਵਲੀਨ ਦੀ ਪਤਨੀ ਹੈ। ਜੋ ਆਸਟਰੇਲੀਆ ਵਿਚ ਆਪਣੇ ਪਰਿਵਾਰ ਨਾਲ ਰਹਿੰਦੀ ਹੈ। ਅਜਿਹੇ ‘ਚ ਕੋਰਟਨੀ ਅਤੇ ਲਵਲੀਨ ਦੇ ਵੀਡੀਓ ਇੰਸਟਾਗ੍ਰਾਮ ‘ਤੇ ਕਾਫੀ ਵਾਇਰਲ ਹੋ ਰਹੇ ਹਨ, ਜਿਸ ‘ਚ ਕੋਰਟਨੀ ਕਾਫੀ ਹਿੰਦੀ ਬੋਲਦੀ ਨਜ਼ਰ ਆ ਰਹੀ ਹੈ ਅਤੇ ਉਹ ਭਾਰਤੀ ਪਕਵਾਨ ਬਣਾਉਣਾ ਜਾਣਦੀ ਹੈ।
ਕੋਰਟਨੀ ਅਤੇ ਲਵਲੀਨ ਦਾ ਵਿਆਹ 2013 ‘ਚ ਹੋਇਆ
ਪਾਣੀਪਤ, ਹਰਿਆਣਾ ਨਾਲ ਸਬੰਧ ਰੱਖਣ ਵਾਲੇ ਲਵਲੀਨ ਵਟਸ ਪੜ੍ਹਾਈ ਲਈ ਮੈਲਬੌਰਨ, ਆਸਟ੍ਰੇਲੀਆ ਗਏ ਸਨ ਅਤੇ ਇਸ ਦੌਰਾਨ ਉਸ ਦੀ ਮੁਲਾਕਾਤ ਕੋਰਟਨੀ (Courtney) ਨਾਲ ਹੋਈ ਸੀ। ਸ਼ੁਰੂ ਵਿੱਚ ਲਵਲੀਨ ਅਤੇ ਕੋਰਟਨੀ ਵਿੱਚ ਦੋਸਤੀ ਹੋਈ, ਜਿਸ ਤੋਂ ਬਾਅਦ ਉਨ੍ਹਾਂ ਦੀ ਦੋਸਤੀ ਪਿਆਰ ਵਿੱਚ ਬਦਲ ਗਈ।
ਇਸ ਤਰ੍ਹਾਂ ਸਾਲ 2013 ਵਿੱਚ ਲਵਲੀਨ ਅਤੇ ਕੋਰਟਨੀ ਨੇ ਇੱਕ ਦੂਜੇ ਨਾਲ ਵਿਆਹ ਕਰ ਲਿਆ ਸੀ। ਜਦੋਂ ਕਿ ਇਸ ਜੋੜੇ ਦੇ ਤਿੰਨ ਬੱਚੇ ਵੀ ਹਨ। ਇਹ ਜੋੜਾ ਆਪਣੀ ਰੋਜ਼ਾਨਾ ਜ਼ਿੰਦਗੀ ਨਾਲ ਜੁੜੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕਰਦਾ ਰਹਿੰਦਾ ਹੈ, ਜਿਸ ਨੂੰ ਯੂਜ਼ਰਸ ਦਾ ਕਾਫੀ ਪਿਆਰ ਵੀ ਮਿਲਦਾ ਹੈ।
ਦੁਰਗਾ ਪੂਜਾ ਦੇ ਮੌਕੇ ‘ਤੇ ਭਾਰਤ ਆਇਆ ਸੀ ਜੋੜਾ
ਉਂਝ ਤਾਂ ਕੋਰਟਨੀ ਅਤੇ ਲਵਲੀਨ ਆਸਟ੍ਰੇਲੀਆ ਵਿਚ ਰਹਿੰਦੇ ਹਨ ਪਰ ਇਨ੍ਹਾਂ ਦਿਨਾਂ ਵਿਚ ਉਹ ਦੁਰਗਾ ਪੂਜਾ ਮੌਕੇ ਤੇ ਭਾਰਤ ਆਏ ਹਨ। ਅਜਿਹੇ ‘ਚ ਕੋਰਟਨੀ ਆਪਣੇ ਸਹੁਰੇ ਘਰ ਆ ਕੇ ਖੇਤਾਂ ‘ਚ ਕੰਮ ਕਰਨ ਦੇ ਨਾਲ-ਨਾਲ ਭਾਰਤੀ ਸੱਭਿਆਚਾਰ ਦਾ ਆਨੰਦ ਮਾਣਦੀ ਨਜ਼ਰ ਆ ਰਹੀ ਹੈ, ਜੋ ਸੂਟ ਅਤੇ ਸਾੜ੍ਹੀਆਂ ਪਹਿਨਣ ਵਾਲੀਆਂ ਭਾਰਤੀ ਔਰਤਾਂ ਵਾਂਗ ਆਪਣੇ ਸਿਰ ‘ਤੇ ਘਾਹ ਦੀ ਮੰਗ ਪੰਡ ਵੀ ਚੁੱਕੀ ਫਿਰਦੀ ਹੈ।
ਲਵਲੀਨ ਦੇ ਮਾਤਾ-ਪਿਤਾ ਪਾਣੀਪਤ ਵਿਚ ਹੀ ਰਹਿੰਦੇ ਹਨ, ਜਿਨ੍ਹਾਂ ਨੂੰ ਮਿਲਣ ਲਈ ਲਵਲੀਨ ਆਪਣੇ ਪਰਿਵਾਰ ਸਮੇਤ ਸਮੇਂ-ਸਮੇਂ ‘ਤੇ ਆਸਟ੍ਰੇਲੀਆ ਤੋਂ ਭਾਰਤ ਆਉਂਦੇ ਰਹਿੰਦੇ ਹਨ। ਇਸ ਭਾਰਤੀ-ਆਸਟ੍ਰੇਲੀਅਨ ਜੋੜੇ ਨੂੰ ਸੋਸ਼ਲ ਮੀਡੀਆ ‘ਤੇ ਖੂਬ ਪਸੰਦ ਕੀਤਾ ਜਾਂਦਾ ਹੈ, ਇਨ੍ਹਾਂ ਦੀ ਆਪਸੀ ਸਮਝਦਾਰੀ ਨੂੰ ਦੇਖ ਕੇ ਨੌਜਵਾਨ ਜੋੜਿਆਂ ਨੂੰ ਬਹੁਤ ਕੁਝ ਸਿੱਖਣਾ ਚਾਹੀਦਾ ਹੈ।
