ਸਿਰਸਾ ਜ਼ਿਲ੍ਹੇ ਦੀ ਡੱਬਵਾਲੀ ਸਬ ਡਿਵੀਜ਼ਨ ਵਿੱਚ ਮੰਗਲਵਾਰ ਨੂੰ ਇੱਕ ਦੁਖ ਭਰਿਆ ਹਾਦਸਾ ਵਾਪਰਿਆ। ਚੌਟਾਲਾ ਰੋਡ ਉਤੇ ਬੱਸ ਸਟੈਂਡ ਨੇੜੇ ਸਥਿਤ ਸ਼ਰਮਾ ਸਵੀਟਸ ਐਂਡ ਗੈਸਟ ਹਾਊਸ ਵਿਚ ਲੱਗੇ ਸਾਈਨ ਬੋਰਡ ਨੂੰ ਉਤਾਰਦੇ ਸਮੇਂ ਅਚਾਨਕ ਬੋਰਡ ਹਾਈ ਟੈਂਸ਼ਨ ਦੀਆਂ ਤਾਰਾਂ ਨੂੰ ਛੂਹ ਗਿਆ। ਜਿਸ ਕਰਕੇ ਬੋਰਡ ਫੜਨ ਵਾਲੇ ਦੋ ਨੌਜਵਾਨਾਂ ਦੀ ਕਰੰਟ ਲੱਗ ਜਾਣ ਨਾਲ ਮੌ-ਤ ਹੋ ਗਈ ਜਦੋਂ ਕਿ ਤਿੰਨ ਨੌਜਵਾਨ ਬਚਾਅ ਹੋ ਗਿਆ।
ਮ੍ਰਿਤਕ ਨੌਜਵਾਨਾਂ ਦੀ ਪਹਿਚਾਣ ਪੰਜਾਬ ਜ਼ਿਲ੍ਹੇ ਦੇ ਸ੍ਰੀ ਮੁਕਤਸਰ ਸਾਹਿਬ ਦੇ ਪਿੰਡ ਮੰਡੀ ਕਿੱਲਿਆਂਵਾਲੀ ਦੇ ਰਹਿਣ ਵਾਲੇ ਸੋਨੂੰ ਅਤੇ ਆਕਾਸ਼ ਦੇ ਰੂਪ ਵਜੋਂ ਹੋਈ ਹੈ। ਇਸ ਮਾਮਲੇ ਵਿੱਚ ਥਾਣਾ ਡੱਬਵਾਲੀ ਦੀ ਪੁਲਿਸ ਨੇ ਮ੍ਰਿਤਕ ਨੌਜਵਾਨਾਂ ਦੇ ਪਰਿਵਾਰਕ ਮੈਂਬਰਾਂ ਦੇ ਬਿਆਨਾਂ ਉਤੇ ਸਵੀਟਸ ਅਤੇ ਗੈਸਟ ਹਾਊਸ ਦੇ ਸੰਚਾਲਕ ਰਾਕੇਸ਼ ਸ਼ਰਮਾ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ। ਦੂਜੇ ਪਾਸੇ ਗੈਸਟ ਹਾਊਸ ਦੇ ਸੰਚਾਲਕ ਨੇ ਇਸ ਪੂਰੇ ਮਾਮਲੇ ਵਿੱਚ ਆਪਣੇ ਆਪ ਨੂੰ ਬੇਕਸੂਰ ਦੱਸਿਆ ਹੈ।
ਮੰਗਲਵਾਰ ਨੂੰ ਡੱਬਵਾਲੀ ਦੇ ਚੌਟਾਲਾ ਰੋਡ ਉਤੇ ਬੱਸ ਸਟੈਂਡ ਨੇੜੇ ਸ਼ਰਮਾ ਸਵੀਟਸ ਐਂਡ ਗੈਸਟ ਹਾਊਸ ਵਿਚ ਪੇਂਟਿੰਗ ਦਾ ਕੰਮ ਚੱਲ ਰਿਹਾ ਸੀ। ਪੇਂਟਿੰਗ ਦਾ ਠੇਕਾ ਸੋਨੂੰ ਕੋਲ ਸੀ। ਮੰਗਲਵਾਰ ਸਵੇਰੇ ਕਰੀਬ 10 ਵਜੇ ਦੁਕਾਨ ਦੇ ਉਪਰਲੇ ਹਿੱਸੇ ਉਤੇ ਲੱਗੇ ਸਾਈਨ ਬੋਰਡ ਨੂੰ ਹਟਾ ਕੇ ਉਸ ਦੀ ਥਾਂ ਤੇ ਪੇਂਟ ਕੀਤਾ ਜਾ ਰਿਹਾ ਸੀ। ਸਾਈਨ ਬੋਰਡ ਨੂੰ ਹਟਾਉਂਦੇ ਸਮੇਂ ਅਚਾਨਕ ਬੋਰਡ ਦੁਕਾਨ ਦੇ ਸਾਹਮਣੇ ਲੱਗੀ ਹਾਈ ਟੈਂਸ਼ਨ ਤਾਰਾਂ ਨੂੰ ਛੂਹ ਗਿਆ, ਜਿਸ ਕਾਰਨ ਕਰੰਟ ਲੱਗ ਗਿਆ। ਜਿਸ ਨਾਲ ਆਕਾਸ਼ ਅਤੇ ਸੋਨੂੰ ਦੀ ਮੌਕੇ ਉਤੇ ਹੀ ਮੌ-ਤ ਹੋ ਗਈ।
ਜਦੋਂ ਕਿ ਉਥੇ ਕੰਮ ਕਰਦੇ ਹੋਰ ਮਜ਼ਦੂਰ ਵਿਜੇ, ਤਰਸੇਮ ਅਤੇ ਚਿਮਨਲਾਲ ਵਾਲ ਵਾਲ ਬਚ ਗਏ। ਇਸ ਹਾਦਸੇ ਤੋਂ ਬਾਅਦ ਬਿਜਲੀ ਸਪਲਾਈ ਬੰਦ ਹੋ ਗਈ। ਦੁਕਾਨਦਾਰਾਂ ਨੇ ਬਿਜਲੀ ਨਿਗਮ ਨੂੰ ਸੂਚਿਤ ਕੀਤਾ, ਜਿਸ ਤੋਂ ਬਾਅਦ ਨਿਗਮ ਕਰਮਚਾਰੀ ਮੌਕੇ ਉਤੇ ਪਹੁੰਚੇ। ਸੋਨੂੰ ਅਤੇ ਆਕਾਸ਼ ਦੋਵੇਂ ਵਿਆਹੇ ਹੋਏ ਸਨ। ਸੋਨੂੰ ਪੰਜ ਭੈਣ ਭਰਾਵਾਂ ਵਿੱਚੋਂ ਸਭ ਤੋਂ ਵੱਡਾ ਸੀ। ਉਸ ਦਾ ਇੱਕ ਪੁੱਤ ਅਤੇ ਇੱਕ ਧੀ ਹੈ। ਉਸ ਦੇ ਪਿਤਾ ਜਨ ਸਿਹਤ ਵਿਭਾਗ ਡੱਬਵਾਲੀ ਵਿੱਚ ਤਾਇਨਾਤ ਹਨ। ਜਦੋਂ ਕਿ ਆਕਾਸ਼ ਦਾ ਇੱਕ ਬੇਟਾ ਅਤੇ ਇੱਕ ਬੇਟੀ ਹੈ। ਆਕਾਸ਼ ਦਾ ਇੱਕ ਵੱਡਾ ਭਰਾ ਹੈ।
ਇਸ ਮਾਮਲੇ ਵਿੱਚ ਗੈਸਟ ਹਾਊਸ ਦੇ ਮਾਲਕ ਰਾਕੇਸ਼ ਸ਼ਰਮਾ ਦਾ ਕਹਿਣਾ ਹੈ ਕਿ ਜਦੋਂ ਹਾਦਸਾ ਵਾਪਰਿਆ ਤਾਂ ਮੈਂ ਮੰਦਰ ਗਿਆ ਹੋਇਆ ਸੀ ਦੁਕਾਨ ਉਤੇ ਨਹੀਂ ਸੀ। ਸੂਚਨਾ ਮਿਲਦੇ ਹੀ ਉਹ ਮੌਕੇ ਉਤੇ ਪਹੁੰਚਿਆ। ਠੇਕੇ ਉਤੇ ਕੰਮ ਚੱਲ ਰਿਹਾ ਸੀ। ਪਿਛਲੇ ਸਾਲ ਵੀ ਉਕਤ ਵਿਅਕਤੀਆਂ ਨੇ ਪੇਂਟਿੰਗ ਦਾ ਕੰਮ ਕੀਤਾ ਸੀ। ਮੈਨੂੰ ਇਸ ਹਾਦਸਾ ਦਾ ਬਹੁਤ ਦੁੱਖ ਹੈ। ਮਜ਼ਦੂਰਾਂ ਨੇ ਇਹ ਨਹੀਂ ਦੱਸਿਆ ਕਿ ਉਹ ਸਾਈਨ ਬੋਰਡ ਉਤਾਰ ਰਹੇ ਹਨ। ਮੇਰਾ ਕੋਈ ਕਸੂਰ ਨਹੀਂ ਹੈ।
ਇਸ ਮਾਮਲੇ ਬਾਰੇ ਮ੍ਰਿਤਕ ਆਕਾਸ਼ ਦੇ ਭਰਾ ਸੰਨੀ ਨੇ ਡੱਬਵਾਲੀ ਪੁਲਿਸ ਨੂੰ ਦਿੱਤੇ ਬਿਆਨ ਵਿਚ ਦੱਸਿਆ ਕਿ ਦੁਕਾਨ ਮਾਲਕ ਰਾਕੇਸ਼ ਸ਼ਰਮਾ ਨੇ ਉਸ ਨੂੰ ਗੈਸਟ ਹਾਊਸ ਦੇ ਉੱਪਰ ਲੱਗੇ ਬੋਰਡ ਨੂੰ ਹਟਾਉਣ ਲਈ ਕਿਹਾ ਸੀ। ਹਾਈ ਵੋਲਟੇਜ ਬਿਜਲੀ ਲਾਈਨ ਬਾਰੇ ਕੁਝ ਨਹੀਂ ਦੱਸਿਆ ਗਿਆ ਅਤੇ ਨਾ ਹੀ ਰਾਕੇਸ਼ ਸ਼ਰਮਾ ਨੇ ਬਿਜਲੀ ਬੰਦ ਕਰਵਾਈ। ਜਦੋਂ ਸਾਰੇ ਮਜ਼ਦੂਰ ਗੈਸਟ ਹਾਊਸ ਤੋਂ ਬੋਰਡ ਹਟਾਉਣ ਲੱਗੇ ਤਾਂ ਬਿਜਲੀ ਦਾ ਹਾਈ ਵੋਲਟੇਜ ਕਰੰਟ ਆ ਗਿਆ। ਕਰੰਟ ਲੱਗਣ ਨਾਲ ਆਕਾਸ਼ ਅਤੇ ਸੋਨੂੰ ਦੀ ਮੌਕੇ ਉਤੇ ਹੀ ਮੌ-ਤ ਹੋ ਗਈ।
