ਵਿਦੇਸ਼ ਦੀ ਧਰਤੀ ਤੋਂ ਪੰਜਾਬ ਅਤੇ ਪੰਜਾਬੀਆਂ ਲਈ ਬੁਰੀ ਖਬਰ ਸਾਹਮਣੇ ਆਈ ਹੈ। ਪੰਜਾਬ ਦੇ ਕਬੱਡੀ ਖੇਡ ਜਗਤ ਨੂੰ ਉਸ ਸਮੇਂ ਵੱਡਾ ਝਟਕਾ ਲੱਗਿਆ ਜਦੋਂ ਕਪੂਰਥਲਾ ਢਿੱਲਵਾਂ ਇਲਾਕੇ ਦੇ ਚਮਕਦੇ ਸਿਤਾਰੇ ਕਬੱਡੀ ਖਿਡਾਰੀ ਮੁਖਤਿਆਰ ਸਿੰਘ ਭੁੱਲਰ ਬੇਟ ਵਾਲਾ ਦੇ ਇਟਲੀ ਵਿੱਚ ਅਚਾਨਕ ਅਕਾਲ ਚਲਾਣਾ ਕਰ ਜਾਣ ਦੀ ਦੁਖਦ ਖ਼ਬਰ ਸਾਹਮਣੇ ਆਈ ਜਿਸ ਨਾਲ ਕਬੱਡੀ ਜਗਤ ਨੂੰ ਵੱਡਾ ਘਾਟਾ ਪੈ ਗਿਆ। ਜ਼ਿਲ੍ਹਾ ਕਪੂਰਥਲਾ ਦੇ ਢਿੱਲਵਾਂ ਇਲਾਕੇ ਦੇ ਪਿੰਡ ਬੇਟ ਵਾਲਾ ਦਾ ਰਹਿਣ ਵਾਲਾ ਇਕ ਹੋਣਹਾਰ ਕਬੱਡੀ ਖਿਡਾਰੀ ਮੁਖਤਿਆਰ ਸਿੰਘ ਕਰੀਬ ਤਿੰਨ ਸਾਲ ਪਹਿਲਾਂ ਹੀ ਆਪਣੇ ਭਵਿੱਖ ਨੂੰ ਹੋਰ ਚੰਗੇਰਾ ਬਣਾਉਣ ਲਈ ਇਟਲੀ ਗਿਆ ਸੀ।
ਰਾਤ ਨੂੰ ਸੌੰਣ ਸਮੇਂ ਆਇਆ ਅਟੈਕ
ਇਸ ਮਾਮਲੇ ਸਬੰਧੀ ਪ੍ਰਾਪਤ ਹੋਈ ਜਾਣਕਾਰੀ ਅਨੁਸਾਰ ਦੇਰ ਰਾਤ ਸੌਂਦੇ ਸਮੇਂ ਅਚਾਨਕ ਦਿਲ ਦਾ ਦੌਰਾ ਪੈਣ ਕਾਰਨ ਉਸ ਦੀ ਮੌ-ਤ ਹੋ ਗਈ। ਉਹ ਇਟਲੀ ਦੇ ਨੋਵਾਰਾ ਨੇੜੇ ਰਹਿੰਦਾ ਸੀ, ਉਸ ਦੀ ਅਚਾਨਕ ਮੌ-ਤ ਦੀ ਖਬਰ ਆਈ ਹੈ। ਜਾਫੀ ਮੁਖਤਿਆਰ ਸਿੰਘ ਨੇ ਪਿਛਲੇ ਸਾਲ ਦੇ ਕਬੱਡੀ ਸੀਜ਼ਨ ਦੇ ਦੌਰਾਨ ਸ਼ਹੀਦ ਬਾਬਾ ਦੀਪ ਸਿੰਘ ਸਪੋਰਟਸ ਕਲੱਬ ਰੋਮਾ ਦੇ ਲਈ ਬਹੁਤ ਚੰਗਾ ਪ੍ਰਦਰਸ਼ਨ ਕੀਤਾ ਸੀ। ਮੁਖਤਿਆਰ ਸਿੰਘ ਦਾ ਸੁਭਾਅ ਬਹੁਤ ਵਧੀਆ ਅਤੇ ਮਿਲਣਸਾਰ ਸੀ।
ਦੋ ਧੀਆਂ ਦਾ ਪਿਤਾ ਸੀ ਮੁਖਤਿਆਰ ਸਿੰਘ
ਮੁਖਤਿਆਰ ਸਿੰਘ ਓਪਨ ਕਬੱਡੀ ਖੇਡ ਦਾ ਇਕ ਤਕੜਾ ਖਿਡਾਰੀ ਰਿਹਾ ਹੈ। ਉਕਤ ਖਿਡਾਰੀ ਅਕਸਰ ਪੰਜਾਬ ਵਿੱਚ ਚਾਚਾ ਲਖਨ ਕੇ ਪੱਡਾ ਦੀ ਟੀਮ ਲਈ ਖੇਡਦਾ ਸੀ ਅਤੇ ਇਟਾਲੀਅਨ ਟੀਮ ਲਈ ਯੂਰਪ ਵਿੱਚ ਇੱਕ ਸੀਜ਼ਨ ਉਸ ਦਾ ਪ੍ਰਦਰਸ਼ਨ ਬਹੁਤ ਹੀ ਸ਼ਾਨਦਾਰ ਰਿਹਾ ਸੀ। ਮੁਖਤਿਆਰ ਸਿੰਘ ਦੀ ਮੌ-ਤ ਦੀ ਸੂਚਨਾ ਮਿਲਦਿਆਂ ਹੀ ਪਿੰਡ ਬੇਟ ਵਾਲਾ ਵਾਸੀਆਂ ਵਿੱਚ ਮਾਤਮ ਦੀ ਲਹਿਰ ਦੌੜ ਗਈ। ਮੁਖਤਿਆਰ ਸਿੰਘ ਦੋ ਧੀਆਂ ਦਾ ਪਿਤਾ ਸੀ ਅਤੇ ਚੰਗੇ ਭਵਿੱਖ ਲਈ ਤਿੰਨ ਸਾਲ ਪਹਿਲਾਂ ਇਟਲੀ ਵਿਚ ਗਿਆ ਸੀ।
