ਪੰਜਾਬ ਵਿਚ ਜਿਲ੍ਹਾ ਮੁਕਤਸਰ ਦੇ ਕੋਟਕਪੂਰਾ ਤੋਂ ਜਲਾਲਾਬਾਦ ਬਾਈਪਾਸ ਰੋਡ ਦੇ ਉਤੇ ਦੇਰ ਸ਼ਾਮ ਨੂੰ ਇਕ ਜੀਪ ਅਤੇ ਸਕੂਟਰੀ ਦੀ ਜਬਰ-ਦਸਤ ਟੱਕਰ ਹੋ ਗਈ। ਇਸ ਹਾਦਸੇ ਦੇ ਵਿੱਚ ਸਕੂਟਰੀ ਸਵਾਰ ਨੌਜਵਾਨ ਦੀ ਮੌ-ਤ ਹੋ ਗਈ। ਲੋਕਾਂ ਦੇ ਦੱਸਣ ਅਨੁਸਾਰ ਇਹ ਹਾਦਸਾ ਜੀਪ ਦਾ ਟਾਇਰ ਫਟਣ ਦੇ ਕਾਰਨ ਵਾਪਰਿਆ ਹੈ। ਪੁਲਿਸ ਵਲੋਂ ਮ੍ਰਿਤਕ ਦੀ ਦੇਹ ਨੂੰ ਆਪਣੇ ਕਬਜ਼ੇ ਵਿਚ ਲੈ ਕੇ ਪੋਸਟ ਮਾਰਟਮ ਦੇ ਲਈ ਭੇਜ ਦਿੱਤਾ ਗਿਆ ਹੈ।
ਇਸ ਮਾਮਲੇ ਸਬੰਧੀ ਪ੍ਰਾਪਤ ਹੋਈ ਜਾਣਕਾਰੀ ਅਨੁਸਾਰ ਮੁਕਤਸਰ ਦਾ ਰਹਿਣ ਵਾਲਾ ਅਕਸ਼ਿਤ ਗਿਰਧਰ ਬੁੱਡਾ ਗੁੱਜਰ ਰੋਡ ਤੋਂ ਜਲਾਲਾਬਾਦ ਬਾਈਪਾਸ ਦੇ ਰਾਹੀਂ ਆਪਣੀ ਸਕੂਟਰੀ ਤੇ ਸਵਾਰ ਹੋ ਕੇ ਮਸੀਤ ਵਾਲਾ ਚੌਕ ਵਿਚ ਸਥਿਤ ਆਪਣੀ ਦੁਕਾਨ ਉਤੇ ਜਾ ਰਿਹਾ ਸੀ। ਇਸ ਦੌਰਾਨ ਉਸ ਦੀ ਸਕੂਟਰੀ ਜੀਪ ਨਾਲ ਟਕਰਾ ਗਿਆ। ਸੂਤਰਾਂ ਦੇ ਮੁਤਾਬਕ ਜੀਪ ਦਾ ਟਾਇਰ ਫਟ ਗਿਆ ਸੀ। ਟਾਇਰ ਫਟਣ ਕਾਰਨ ਜੀਪ ਬੇਕਾਬੂ ਹੋ ਗਈ ਅਤੇ ਸਕੂਟਰੀ ਨਾਲ ਟਕਰਾ ਗਈ। ਇਸ ਹਾਦਸੇ ਵਿੱਚ ਨੌਜਵਾਨ ਅਕਸ਼ਿਤ ਗੰਭੀਰ ਰੂਪ ਵਿਚ ਜ਼ਖ਼ਮੀ ਹੋ ਗਿਆ।
ਪੁਲਿਸ ਵੱਲੋਂ ਸਕੂਟਰੀ ਅਤੇ ਜੀਪ ਨੂੰ ਕਬਜ਼ੇ ਵਿੱਚ ਲਿਆ ਗਿਆ
ਸਥਾਨਕ ਲੋਕਾਂ ਅਤੇ ਰਾਹਗੀਰਾਂ ਦੀ ਮਦਦ ਨਾਲ ਉਸ ਨੂੰ ਨਿੱਜੀ ਹਸਪਤਾਲ ਵਿਚ ਪਹੁੰਚਾਇਆ ਗਿਆ। ਇਸ ਮਾਮਲੇ ਦੀ ਸੂਚਨਾ ਮਿਲਦੇ ਹੀ ਪਰਿਵਾਰਕ ਮੈਂਬਰ ਵੀ ਹਸਪਤਾਲ ਪਹੁੰਚ ਗਏ। ਨੌਜਵਾਨ ਦੇ ਗੰਭੀਰ ਹਾਲ ਨੂੰ ਦੇਖਦੇ ਹੋਏ ਉਸ ਨੂੰ ਬਠਿੰਡਾ ਵਿਖੇ ਰੈਫਰ ਕਰ ਦਿੱਤਾ ਗਿਆ। ਜਿੱਥੇ ਇਲਾਜ ਦੌਰਾਨ ਅਕਸ਼ਿਤ ਦੀ ਮੌ-ਤ ਹੋ ਗਈ। ਦੂਜੇ ਪਾਸੇ ਪੁਲਿਸ ਨੇ ਮੌਕੇ ਉਤੇ ਪਹੁੰਚ ਕੇ ਜੀਪ ਅਤੇ ਸਕੂਟਰੀ ਨੂੰ ਆਪਣੇ ਕਬਜ਼ੇ ਵਿਚ ਲੈ ਕੇ ਇਸ ਮਾਮਲੇ ਦੀ ਜਾਂਚ ਕਰਨੀ ਸ਼ੁਰੂ ਕਰ ਦਿੱਤੀ ਹੈ।
