ਜਿਲ੍ਹਾ ਮੋਹਾਲੀ (ਪੰਜਾਬ) ਦੇ ਜ਼ੀਰਕਪੁਰ ਵਿਚ ਹੋਟਲ ਚਲਾ ਰਹੇ ਇਕ ਨੌਜਵਾਨ ਦਾ ਸ਼ੁੱਕਰਵਾਰ ਸਵੇਰੇ ਨੂੰ ਕਿਸੇ ਤਿੱਖੀ ਚੀਜ ਨਾਲ ਵਾਰ ਕਰਕੇ ਕ-ਤ-ਲ ਕਰ ਦਿੱਤਾ ਗਿਆ। ਇਸ ਮਾਮਲੇ ਸਬੰਧੀ ਪੁਲਿਸ ਵਲੋਂ ਕੀਤੀ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਇਹ ਕ-ਤ-ਲ ਉਸ ਦੇ ਸਾਥੀ (ਹਿਸੇਦਾਰ) ਨੇ ਹੀ ਕੀਤਾ ਹੈ। ਦੋਵਾਂ ਵਿਚਾਲੇ ਪੈਸਿਆਂ ਦੇ ਲੈਣ-ਦੇਣ ਨੂੰ ਲੈ ਕੇ ਰੌਲਾ ਚੱਲ ਰਿਹਾ ਸੀ। ਪੁਲਿਸ ਵਲੋਂ ਇਕ ਦੋਸ਼ੀ ਨੂੰ ਗ੍ਰਿਫਤਾਰ ਵੀ ਕਰ ਲਿਆ ਗਿਆ ਹੈ। ਮ੍ਰਿਤਕ ਦੀ ਪਹਿਚਾਣ ਸ਼ਿਵਮ ਉਮਰ 24 ਸਾਲ ਵਾਸੀ ਅਯੁੱਧਿਆ ਦੇ ਰੂਪ ਵਜੋਂ ਹੋਈ ਹੈ। ਇਸ ਮਾਮਲੇ ਦਾ ਉਕਤ ਦੋਸ਼ੀ ਉਸ ਦਾ ਸਾਥੀ ਗੌਤਮ ਉਮਰ 26 ਸਾਲ ਦੱਸਿਆ ਜਾ ਰਿਹਾ ਹੈ।
ਦੋਹਾਂ ਨੇ ਠੇਕੇ ਉਤੇ ਲਿਆ ਸੀ ਹੋਟਲ
ਇਸ ਮਾਮਲੇ ਦੀ ਪੁਲਿਸ ਜਾਂਚ ਤੋਂ ਪਤਾ ਲੱਗਿਆ ਹੈ ਕਿ ਮ੍ਰਿਤਕ ਸ਼ਿਵਮ ਅਤੇ ਦੋਸ਼ੀ ਗੌਤਮ ਨੇ ਮਿਲ ਕੇ ਜ਼ੀਰਕਪੁਰ ਵਿਚ ਇਕ ਹੋਟਲ ਠੇਕੇ ਉਤੇ ਲਿਆ ਸੀ। ਦੋਵੇਂ ਹਿਸੇਦਾਰ ਇਸ ਹੋਟਲ ਨੂੰ ਚਲਾ ਰਹੇ ਸਨ, ਪਰ ਪੈਸਿਆਂ ਦੇ ਲੈਣ-ਦੇਣ ਨੂੰ ਲੈ ਕੇ ਉਨ੍ਹਾਂ ਵਿਚ ਝ-ਗ-ੜਾ ਚੱਲ ਰਿਹਾ ਸੀ। ਦੋਵਾਂ ਵਿਚਾਲੇ ਕਈ ਦਿਨਾਂ ਤੋਂ ਤਕ-ਰਾਰ ਚੱਲ ਰਹੀ ਸੀ। ਇਸ ਲਈ ਗੌਤਮ ਨੇ ਬਦਲਾ ਲੈਣ ਲਈ ਸ਼ਿਵਮ ਉਤੇ ਵਾਰ ਕੀਤਾ ਹੈ।
4-5 ਸਾਥੀਆਂ ਨਾਲ ਪਹੁੰਚਿਆ ਸੀ ਦੋਸ਼ੀ
ਪੁਲਿਸ ਜਾਂਚ ਤੋਂ ਇਹ ਵੀ ਪਤਾ ਲੱਗਿਆ ਹੈ ਕਿ ਦੋਸ਼ੀ ਆਪਣੇ 4 ਹੋਰ ਸਾਥੀਆਂ ਨਾਲ ਸ਼ੁੱਕਰਵਾਰ ਸਵੇਰੇ 4 ਵਜੇ ਹੋਟਲ ਉਤੇ ਪਹੁੰਚਿਆ ਸੀ। ਉਥੇ ਉਸ ਨੇ ਸ਼ਿਵਮ ਉਤੇ ਕਿਸੇ ਤਿੱਖੀ ਚੀਜ ਨਾਲ ਵਾਰ ਕਰ ਦਿੱਤਾ। ਉਸ ਨੇ ਮ੍ਰਿਤਕ ਉਤੇ ਚਾਰ-ਪੰਜ ਵਾਰ ਕੀਤੇ। ਜਿਸ ਕਾਰਨ ਜ਼ਿਆਦਾ ਬਲੱਡ ਵਹਿ ਗਿਆ ਅਤੇ ਉਸ ਦੀ ਮੌ-ਤ ਹੋ ਗਈ। ਪੁਲਿਸ ਵਲੋਂ ਇਸ ਮਾਮਲੇ ਦੇ ਹੋਰ ਦੋਸ਼ੀਆਂ ਦੀ ਭਾਲ ਕੀਤੀ ਜਾ ਰਹੀ ਹੈ।
