ਵਿਆਹ ਤੋਂ ਬਾਅਦ ਘਰ ਆ ਰਹੇ ਲਾੜਾ-ਲਾੜੀ ਦੀ ਕਾਰ ਨੂੰ ਟਿੱਪਰ ਨੇ ਟੱ-ਕ-ਰ ਮਾਰ ਦਿੱਤੀ। ਇਸ ਹਾਦਸੇ ਵਿੱਚ ਲਾੜੀ ਦੀ ਮੌ-ਤ ਹੋ ਗਈ। ਇਸ ਦੇ ਨਾਲ ਹੀ ਕਾਰ ਦਾ ਡਰਾਈਵਰ ਅਤੇ ਲਾੜਾ ਗੰਭੀਰ ਰੂਪ ਵਿਚ ਜ਼ਖਮੀ ਹੋ ਗਏ। ਇਹ ਹਾਦਸਾ ਹਰਿਆਣਾ ਦੇ ਸੀਕਰ ਦੇ ਫਤਿਹਪੁਰ ਥਾਣਾ ਏਰੀਏ ਵਿਚ ਬੁੱਧਵਾਰ ਸਵੇਰੇ 7 ਵਜੇ ਵਾਪਰਿਆ ਹੈ। ਸਾਲਾਸਰ ਹਾਈਵੇਅ ਉਤੇ ਹੋਏ ਹਾਦਸੇ ਤੋਂ ਬਾਅਦ ਨੇੜੇ ਮੌਜੂਦ ਲੋਕਾਂ ਨੇ ਜ਼ਖਮੀਆਂ ਦੀ ਕੋਈ ਮਦਦ ਨਹੀਂ ਕੀਤੀ। ਜ਼ਖਮੀ ਡਰਾਈਵਰ ਨੇ ਦੱਸਿਆ ਕਿ ਲੋਕ ਸਿਰਫ ਕਾਰ ਦੀ ਵੀਡੀਓ ਬਣਾਉਂਦੇ ਰਹੇ।
ਇਸ ਮਾਮਲੇ ਦੀ ਜਾਣਕਾਰੀ ਦਿੰਦਿਆਂ ਹੈੱਡ ਕਾਂਸਟੇਬਲ ਰਾਮਦੇਵ ਨੇ ਦੱਸਿਆ ਕਿ ਲਕਸ਼ਮਣਗੜ੍ਹ ਤਹਿਸੀਲ ਦੇ ਪਿੰਡ ਬਾਟਲਾ ਨੌ ਦੇ ਰਹਿਣ ਵਾਲੇ ਨਰਿੰਦਰ ਉਮਰ 25 ਸਾਲ ਪੁੱਤਰ ਰਘੁਵੀਰ ਸਿੰਘ ਦਾ ਵਿਆਹ ਹਰਿਆਣਾ ਦੇ ਹਿਸਾਰ ਦੀ ਰਹਿਣ ਵਾਲੀ ਖੁਸ਼ਬੂ ਉਮਰ 24 ਸਾਲ ਨਾਲ 6 ਫਰਵਰੀ ਨੂੰ ਹੋਇਆ ਸੀ। ਅੱਜ ਸਵੇਰੇ ਨਵਾਂ ਵਿਆਹਿਆ ਜੋੜਾ ਪਿੰਡ ਬਾਟਲਾ ਨੌ ਵਾਪਸ ਆ ਰਿਹਾ ਸੀ
ਕਿ ਇਸ ਦੌਰਾਨ ਫਤਿਹਪੁਰ ਤੋਂ ਸਾਲਾਸਰ ਹਾਈਵੇਅ ਉਤੇ ਪਿੰਡ ਮਰੜਾਤੂ ਕੋਲ ਸਾਹਮਣੇ ਤੋਂ ਆ ਰਹੇ ਇੱਕ ਟਿੱਪਰ ਨੇ ਉਨ੍ਹਾਂ ਦੀ ਕ੍ਰੇਟਾ ਕਾਰ ਨੂੰ ਟੱਕਰ ਮਾਰ ਦਿੱਤੀ। ਇਸ ਹਾਦਸੇ ਵਿਚ ਸਿਰ ਉਤੇ ਗੰਭੀਰ ਸੱ-ਟ ਲੱਗਣ ਕਾਰਨ ਖੁਸ਼ਬੂ ਦੀ ਮੌਕੇ ਉਤੇ ਹੀ ਮੌ-ਤ ਹੋ ਗਈ। ਜਦੋਂਕਿ ਲਾੜਾ ਨਰਿੰਦਰ ਅਤੇ ਡਰਾਈਵਰ ਨਿਤਿਨ ਉਮਰ 32 ਸਾਲ ਪੁੱਤਰ ਨੇਮੀ ਚੰਦ ਵਾਸੀ ਬਡੂੰਸਰ (ਲਕਸ਼ਮਣਗੜ੍ਹ) ਗੰਭੀਰ ਜ਼ਖ਼ਮੀ ਹੋ ਗਏ। ਪੁਲਿਸ ਨੇ ਟਿੱਪਰ ਨੂੰ ਜ਼ਬਤ ਕਰ ਲਿਆ ਹੈ। ਇਸ ਦੇ ਨਾਲ ਹੀ ਦੋਸ਼ੀ ਡਰਾਈਵਰ ਫਰਾਰ ਹੈ।
ਜਖਮੀ ਡਰਾਈਵਰ ਨੇ ਖੁਦ ਹੀ ਮਦਦ ਲਈ ਫੋਨ ਕੀਤਾ
ਇਸ ਮੌਕੇ ਕਾਰ ਡਰਾਈਵਰ ਨੇ ਦੱਸਿਆ ਕਿ ਹਾਦਸੇ ਤੋਂ ਬਾਅਦ ਨੇੜੇ ਦੇ ਲੋਕ ਇਕੱਠੇ ਹੋ ਗਏ ਪਰ 10 ਮਿੰਟ ਤੱਕ ਕਿਸੇ ਨੇ ਹੱਥ ਨਹੀਂ ਲਗਾਇਆ ਅਤੇ ਨਾ ਹੀ ਮਦਦ ਕਰਨ ਦੀ ਕੋਸ਼ਿਸ਼ ਕੀਤੀ। ਇਸ ਤੋਂ ਬਾਅਦ ਉਹ ਕਿਸੇ ਤਰ੍ਹਾਂ ਕਾਰ ਵਿਚੋਂ ਬਾਹਰ ਨਿਕਲਿਆ ਅਤੇ ਮਦਦ ਲਈ ਫੋਨ ਕੀਤਾ। ਜ਼ਖ਼ਮੀਆਂ ਨੂੰ ਪ੍ਰਾਈਵੇਟ ਗੱਡੀ ਵਿੱਚ ਸਰਕਾਰੀ ਧਨੁਕਾ ਉਪ ਜ਼ਿਲ੍ਹਾ ਹਸਪਤਾਲ ਦੇ ਟਰਾਮਾ ਸੈਂਟਰ ਵਿੱਚ ਲਿਜਾਇਆ ਗਿਆ।
ਜਿੱਥੇ ਡਾਕਟਰਾਂ ਨੇ ਲਾੜੀ ਖੁਸ਼ਬੂ ਨੂੰ ਮ੍ਰਿਤਕ ਐਲਾਨ ਕਰ ਦਿੱਤਾ। ਇਸ ਦੌਰਾਨ ਗੰਭੀਰ ਜ਼ਖਮੀ ਲਾੜੇ ਨਰਿੰਦਰ ਨੂੰ ਸੀਕਰ ਰੈਫਰ ਕਰ ਦਿੱਤਾ ਗਿਆ। ਸੂਚਨਾ ਮਿਲਣ ਉਤੇ ਥਾਣਾ ਸਦਰ ਦੀ ਪੁਲਿਸ ਨੇ ਮੌਕੇ ਉਤੇ ਪਹੁੰਚ ਕੇ ਇਸ ਘ-ਟ-ਨਾ ਦੀ ਜਾਣਕਾਰੀ ਲਈ। ਪੁਲਿਸ ਨੇ ਦੇਹ ਨੂੰ ਪੋਸਟ ਮਾਰਟਮ ਲਈ ਹਸਪਤਾਲ ਦੀ ਮੋਰਚਰੀ ਵਿਚ ਰਖਵਾਇਆ ਹੈ।
ਇਸ ਮੌਕੇ ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਲਾੜਾ ਅਤੇ ਲਾੜੀ ਦੋਵੇਂ ਕੰਪੀਟੀਸ਼ਨ ਦੀ ਪ੍ਰੀਖਿਆ ਦੀ ਤਿਆਰੀ ਕਰ ਰਹੇ ਸਨ। ਨਰਿੰਦਰ ਦੇ ਪਿਤਾ ਦੀ ਕੁਝ ਸਾਲ ਪਹਿਲਾਂ ਮੌ-ਤ ਹੋ ਗਈ ਸੀ। ਨਰਿੰਦਰ ਦਾ ਇੱਕ ਵੱਡਾ ਭਰਾ ਅਤੇ ਇੱਕ ਵੱਡੀ ਭੈਣ ਹੈ। ਮ੍ਰਿਤਕ ਲਾੜੀ ਖੁਸ਼ਬੂ ਦੀਆਂ ਪੰਜ ਭੈਣਾਂ ਹਨ।
