ਪੰਜਾਬੀਓ ਜੇਕਰ ਤੁਸੀਂ ਵੀ ਘਰੇਲੂ ਕੰਮ ਲਈ ਨੌਕਰ ਰੱਖੇ ਹਨ ਤਾਂ ਸਾਵਧਾਨ ਹੋ ਜਾਓ! ਕਿਤੇ ਅਜਿਹਾ ਨਾ ਹੋਵੇ, ਕਿ ਇਹ ਨੌਕਰ ਤੁਹਾਨੂੰ ਭਰੋਸੇ ਵਿੱਚ ਲੈ ਕੇ ਘਰ ਵਿੱਚ ਰੱਖੇ ਪੈਸੇ ਅਤੇ ਗਹਿਣੇ ਲੈ ਕੇ ਭੱਜ ਜਾਣ। ਅਜਿਹਾ ਹੀ ਇੱਕ ਮਾਮਲਾ ਹਰਿਆਣਾ ਵਿਚ ਗੁੜਗਾਓਂ ਦੇ ਸੈਕਟਰ-53 ਥਾਣਾ ਖੇਤਰ ਵਿੱਚ ਸਾਹਮਣੇ ਆਇਆ ਹੈ ਜਿੱਥੇ ਨੌਕਰਾਂ ਨੇ ਮਿਲ ਕੇ ਘਰ ਵਿੱਚ ਰੱਖੇ 16 ਲੱ-ਖ ਰੁਪਏ ਚੋਰੀ ਕਰ ਲਏ। ਇਸ ਮਾਮਲੇ ਵਿਚ ਸੈਕਟਰ-53 ਥਾਣੇ ਦੀ ਪੁਲਿਸ ਨੇ ਸ਼ਿਕਾਇਤ ਦੇ ਆਧਾਰ ਉੱਤੇ ਕੇਸ ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਇਸ ਮਾਮਲੇ ਬਾਰੇ ਥਾਣਾ ਇੰਚਾਰਜ ਦੇ ਦੱਸਣ ਅਨੁਸਾਰ ਇਸ ਗੱਲ ਦੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਇਹ ਨੌਕਰ ਕਿਸੇ ਪਲੇਸਮੈਂਟ ਏਜੰਸੀ ਰਾਹੀਂ ਰੱਖੇ ਗਏ ਸਨ ਜਾਂ ਕਿਸੇ ਹੋਰ ਜਾਣਕਾਰ ਦੇ ਜ਼ਰੀਏ। ਫਿਲਹਾਲ ਦੋਸ਼ੀਆਂ ਨੂੰ ਕਾਬੂ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਜਾਣਕਾਰੀ ਦਿੰਦਿਆਂ ਥਾਣਾ ਇੰਚਾਰਜ ਨੇ ਦੱਸਿਆ ਕਿ ਸੈਕਟਰ-54 ਦੀ ਡੀ. ਐਲ. ਐਫ. ਕ੍ਰਿਸਟ (ਮਸੀਹ) ਸੁਸਾਇਟੀ ਦੀ ਸੀ. 242 ਵਿੱਚ ਰਹਿਣ ਵਾਲੇ ਆਸ਼ੀਸ਼ ਸ਼ੁਕਲਾ ਨੇ ਸ਼ਿਕਾਇਤ ਦਿੰਦੇ ਹੋਏ ਕਿਹਾ ਕਿ ਉਨ੍ਹਾਂ ਦੇ ਘਰ ਵਿਚ ਮੀਨਾ ਅਤੇ ਮੋਨਾਲੀਸਾ ਪ੍ਰਵੀਨ ਨੌਕਰ ਸਨ ਜਦੋਂ ਕਿ ਇੱਕ ਹੋਰ ਕਰਮਚਾਰੀ ਸੰਜੀਤ ਸਿੰਘ ਵੀ ਉਨ੍ਹਾਂ ਦੇ ਘਰ ਕੰਮ ਕਰਦਾ ਸੀ। 15 ਅਗਸਤ ਤੋਂ 19 ਅਗਸਤ ਦੇ ਦਰਮਿਆਨ ਤਿੰਨਾਂ ਨੇ ਮਿਲ ਕੇ ਉਨ੍ਹਾਂ ਦੇ ਘਰੋਂ 16 ਲੱ-ਖ ਰੁਪਏ ਚੋਰੀ ਕਰ ਲਏ। ਉਨ੍ਹਾਂ ਨੂੰ ਇਸ ਗੱਲ ਦਾ ਉਦੋਂ ਪਤਾ ਲੱਗਾ ਜਦੋਂ ਅਚਾ-ਨਕ ਤਿੰਨੋਂ ਕੰਮ ਉੱਤੇ ਆਉਣੇ ਬੰਦ ਹੋ ਗਏ। ਤਿੰਨਾਂ ਦੇ ਫ਼ੋਨ ਵੀ ਬੰਦ ਆਉਣ ਲੱਗੇ। ਜਦੋਂ ਉਨ੍ਹਾਂ ਨੇ ਘਰ ਜਾ ਕੇ ਜਾਂਚ ਕੀਤੀ ਤਾਂ ਉਨ੍ਹਾਂ ਨੂੰ ਇਸ ਚੋਰੀ ਬਾਰੇ ਪਤਾ ਲੱਗਿਆ। ਹੁਣ ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਘਰ ਤੋਂ ਡਾਲਰ ਅਤੇ ਯੂਰੋ ਚੋਰੀ
ਸੈਕਟਰ-53 ਥਾਣਾ ਪੁਲਿਸ ਨੂੰ ਸੈਕਟਰ-52 ਆਰਡੀ ਸਿਟੀ ਦੇ ਰਹਿਣ ਵਾਲੇ ਨਿਹਾਰ ਮਹਿਤਾ ਨੇ ਦੱਸਿਆ ਕਿ ਉਹ 14 ਅਗਸਤ ਨੂੰ ਕਿਸੇ ਕੰਮ ਲਈ ਸ਼ਹਿਰ ਤੋਂ ਬਾਹਰ ਗਏ ਹੋਏ ਸਨ। ਇਸ ਦੌਰਾਨ ਕਿਸੇ ਅਣ-ਪਛਾਤੇ ਵਿਅਕਤੀ ਨੇ ਉਨ੍ਹਾਂ ਦੇ ਘਰੋਂ ਚੋਰੀ ਕਰ ਲਈ। ਜਦੋਂ ਉਹ 20 ਅਗਸਤ ਨੂੰ ਵਾਪਸ ਆਏ ਤਾਂ ਉਨ੍ਹਾਂ ਨੂੰ ਇਸ ਚੋਰੀ ਬਾਰੇ ਪਤਾ ਲੱਗਿਆ। ਜਾਂਚ ਦੌਰਾਨ ਉਨ੍ਹਾਂ ਨੂੰ ਪਤਾ ਲੱਗਿਆ ਕਿ ਘਰ ਵਿਚੋਂ 1600 ਯੂਰੋ ਅਤੇ 60 ਡਾਲਰ ਸਮੇਤ ਮੋਬਾਈਲ ਫ਼ੋਨ ਅਤੇ ਹੋਰ ਸਾਮਾਨ ਚੋਰੀ ਹੋ ਗਿਆ ਹੈ। ਪੁਲਿਸ ਵਲੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
