ਬਹੁਤ ਹੀ ਦੁੱਖਦਾਈ ਖਬਰ ਹੈ ਭਾਰਤੀ ਫੌਜ ਐਨਡੀਆਰਐਫ ਦਾ ਸਿਪਾਹੀ ਮਲਕੀਤ ਸਿੰਘ ਜੋ ਕਿ ਸੁੰਦਰ ਨਗਰ ਹਿਮਾਚਲ ਵਿਖੇ ਦੂਜਿਆਂ ਦੀ ਜਾਨ ਬਚਾਉਂਦਾ ਇਕ ਸਰਚ ਆਪ੍ਰੇਸ਼ਨ ਦੌਰਾਨ ਸ਼ਹੀਦ ਹੋ ਗਿਆ। ਸ਼ਹੀਦ ਮਲਕੀਤ ਸਿੰਘ ਦਾ ਅੰਤਿਮ ਸੰਸਕਾਰ ਉਸ ਦੇ ਪਿੰਡ ਹਰਪਾਲਪੁਰ ਸ਼ਮਸ਼ਾਨਘਾਟ ਵਿਖੇ NDRF ਵਲੋਂ ਦਿੱਤੇ guard of honour ਤੋਂ ਬਾਅਦ ਕਰ ਦਿੱਤਾ ਗਿਆ ਹੈ। ਸ਼ਹੀਦ ਮਲਕੀਤ ਸਿੰਘ ਦੇ ਪਰਿਵਾਰ ਵਿੱਚ ਹੋਰ ਮੈਂਬਰ ਦਾਦਾ ਦਾਦੀ ਮਾਤਾ ਪਿਤਾ ਪਤਨੀ ਅਤੇ ਨੌ ਮਹੀਨੇ ਦੀ ਇਕ ਮਸੂਮ ਬੇਟੀ ਹੈ।
ਸ਼ਹੀਦ ਮਲਕੀਤ ਸਿੰਘ ਦੇ ਪਿੰਡ ਹਰਪਾਲਪੁਰ ਵਿਖੇ ਸਰਕਾਰੀ ਸਨਮਾਨ ਦੇ ਨਾਲ ਉਸ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਗਈ ਅਤੇ ਉਸ ਦੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕਰਨ ਲਈ ਹਲਕਾ ਘਨੌਰ ਦੇ ਕਾਂਗਰਸੀ ਵਿਧਾਇਕ ਮਦਨ ਲਾਲ ਜਲਾਲ ਪਹੁੰਚੇ ਉਨ੍ਹਾਂ ਵਲੋਂ ਕਿਹਾ ਗਿਆ ਹੈ ਕਿ ਜਲਦੀ ਤੋਂ ਜਲਦੀ ਹੀ ਪਰਿਵਾਰ ਨੂੰ ਮੁਆਵਜ਼ਾ ਦਿੱਤਾ ਜਾਵੇਗਾ। ਪੰਜਾਬ ਸਰਕਾਰ ਸ਼ਹੀਦ ਦੇ ਪਰਿਵਾਰ ਨੂੰ 50 ਲੱਖ ਦੀ ਮਾਲੀ ਮਦਦ ਦੇਵੇਗੀ ਅਤੇ ਸ਼ਹੀਦ ਮਲਕੀਤ ਸਿੰਘ ਦੀ ਧਰਮ ਪਤਨੀ ਨੂੰ ਸਹਿਕਾਰਤਾ ਵਿਭਾਗ ਵਿੱਚ ਨੌਕਰੀ ਵੀ ਦਿੱਤੀ ਜਾਵੇਗੀ।
ਮਦਨ ਲਾਲ ਜਲਾਲ ਦਾ ਕਹਿਣਾ ਹੈ ਕਿ ਇਕ ਗਰੀਬ ਘਰ ਦਾ ਬੰਦਾ ਜੋ ਅੱਜ ਸ਼ਹੀਦ ਹੋ ਗਿਆ ਉਹੀ ਪਰਿਵਾਰ ਦਾ ਇਕੋ ਇਕ ਸਹਾਰਾ ਸੀ। ਜਿਸ ਕਰਕੇ ਸਾਰਾ ਪਰਿਵਾਰ ਚੱਲ ਰਿਹਾ ਸੀ। ਅਜੇ ਪੰਜ ਛੇ ਸਾਲ ਵਿਆਹ ਨੂੰ ਹੋਏ ਸਨ ਅੱਠ ਮਹੀਨੇ ਦੀ ਫੁੱਲ ਭਰ ਬੱਚੀ ਹੈ। ਅੱਜ ਪੂਰੇ ਇਲਾਕੇ ਵਿਚ ਅਫਸੋਸ ਹੈ।
ਸਾਨੂੰ ਪੂਰੇ ਹਲਕੇ ਘਨੌਰ ਪੰਜਾਬ ਅਤੇ ਦੇਸ਼ ਨੂੰ ਸ਼ਹੀਦ ਮਲਕੀਤ ਸਿੰਘ ਦੀ ਸ਼ਹੀਦੀ ਉਤੇ ਮਾਣ ਹੈ। ਮਲਕੀਤ ਸਿੰਘ ਵਰਗੇ ਫੌਜੀ ਦੇਸ਼ ਦਾ ਗਹਿਣਾ ਹੁੰਦੇ ਹਨ। ਜੋ ਆਪਣੇ ਦੇਸ਼ ਅਤੇ ਆਪਣੇ ਦੇਸ਼ ਦੇ ਨਾਗਰਿਕਾਂ ਦੀ ਜਾਨ ਬਚਾਉਦੇ ਆਪ ਸ਼ਹੀਦੀਆਂ ਪਾ ਜਾਂਦੇ ਹਨ। ਭਾਰਤ ਦਾ ਹਰ ਨਾਗਰਿਕ ਸ਼ਹੀਦ ਸੂਰਬੀਰ ਫੌਜੀ ਨੌਜਵਾਨਾਂ ਨੂੰ ਸਿਰ ਝੁਕਾ ਕੇ ਸਲੂਟ ਕਰਦਾ ਹੈ।
