ਅੱਖਾਂ ਤੋਂ ਦੇਖ ਨਹੀਂ ਸਕਦੀ, ਪਰ ਹੱਥਾਂ ਵਿੱਚ ਹੈ ਜਾਦੂ ਦੇਸ਼ਭਰ ਦੇ ਲੋਕ ਨੇ ਉਸ ਦੇ ਬਣਾਏ ਸਮਾਨ ਦੇ ਦਿਵਾਨੇ, ਪੜ੍ਹੋ ਪੂਰੀ ਜਾਣਕਾਰੀ

ਤ੍ਰਿਸ਼ੂਰ ਦੀ ਗੀਤਾ ਸਲਿਸ਼ ਨੂੰ ਖਾਣਾ ਬਣਾਉਣਾ ਬੇਹੱਦ ਪਸੰਦ ਹੈ। ਬੀਤੇ ਦਿਨੀਂ ਕੋਰੋਨਾ ਦੇ ਦੌਰਾਨ ਉਨ੍ਹਾਂ ਵਲੋਂ ਆਪਣੀ ਪਾਕ ਕਲਾ ਨੂੰ ਬਿਜਨੇਸ ਵਿੱਚ ਬਦਲਣ ਦਾ ਫੈਸਲਾ ਕੀਤਾ ਗਿਆ। ਅੱਜ ਉਨ੍ਹਾਂ ਨੂੰ ਦੇਸ਼ਭਰ ਤੋਂ ਆਰਡਰ ਮਿਲ ਰਹੇ ਹਨ।

ਅਸੀਂ ਜਾਣਦੇ ਹਾਂ ਕਿ ਪਿਛਲੇ ਸਾਲ ਕੋਰੋਨਾ ਮਹਾਮਾਰੀ ਦੇ ਦੌਰਾਨ ਹਰ ਕਿਸੇ ਦਾ ਜੀਵਨ ਪ੍ਰਭਾਵਿਤ ਹੋਇਆ ਹੈ। ਕਿਸੇ ਦੀ ਨੌਕਰੀ ਚੱਲੀ ਗਈ ਤੇ ਕਿਸੇ ਦਾ ਵਪਾਰ ਰੁਕ ਗਿਆ। ਕਈਆਂ ਲੋਕਾਂ ਨੇ ਆਪਣੇ ਪਿਆਰੇ ਸਕੇ ਸਬੰਧੀਆਂ ਨੂੰ ਗੁਆ ਦਿੱਤਾ। ਲੇਕਿਨ ਇਸ ਵਿਰੋਧੀ ਹਾਲਾਤਾਂ ਵਿੱਚ ਵੀ ਕਈ ਅਜਿਹੇ ਲੋਕ ਵੀ ਸਾਹਮਣੇ ਆਏ ਹਨ ਜਿਨ੍ਹਾਂ ਨੇ ਇਸ ਬੁਰੇ ਸਮੇਂ ਦੇ ਦੌਰਾਨ ਆਪਣੇ ਹੁਨਰ ਨੂੰ ਪੇਸ਼ੇ (ਰੁਜ਼ਗਾਰ) ਲਈ ਵਰਤਿਆ ਅਤੇ ਕਮਾਈ ਦਾ ਸਾਧਨ ਬਣਾਇਆ।

ਇਸ ਤਰ੍ਹਾਂ ਹੀ ਕੇਰਲ ਦੀ ਗੀਤਾ ਸਲਿਸ਼ ਵਲੋਂ ਵੀ ਲਾਕਡਾਉਨ ਦੇ ਸਮੇਂ ਦੌਰਾਨ ਹੀ ਆਨਲਾਇਨ ਫੂਡ ਬਿਜਨੇਸ ਦੀ ਸ਼ੁਰੁਆਤ ਕੀਤੀ ਗਈ ਸੀ। ਉਨ੍ਹਾਂ ਨੇ ਆਪਣੇ ਪਤੀ ਦੀ ਸਹਾਇਤਾ ਨਾਲ ਪਿਛਲੇ ਸਾਲ ਘਰ ਤੋਂ ਹੀ ਅਚਾਰ ਅਤੇ ਘਿਓ ਨੂੰ ਬਣਾਕੇ ਵੇਚਣਾ ਸ਼ੁਰੂ ਕੀਤਾ ਸੀ। ਅੱਜ ਇੱਕ ਸਾਲ ਤੋਂ ਬਾਅਦ ਉਹ ਗੁਜਰਾਤ ਰਾਜਸਥਾਨ ਅਤੇ ਮੱਧਪ੍ਰਦੇਸ਼ ਵਰਗੇ ਰਾਜਾਂ ਵਿੱਚ ਆਪਣੇ ਪ੍ਰੋਡਕਟ ਨੂੰ ਵੇਚ ਰਹੀ ਹੈ।

ਬਚਪਨ ਤੋਂ ਹੀ ਗੀਤਾ ਦੇਖ ਨਹੀਂ ਲੇਕਿਨ ਉਸ ਦੇ ਕੋਲ ਕੁਕਿੰਗ ਦਾ ਅਜਿਹਾ ਹੁਨਰ ਹੈ ਕਿ ਜਿਸਦੀ ਬਦੌਲਤ ਅੱਜ ਉਨ੍ਹਾਂ ਦੇ ਹੱਥਾਂ ਦੇ ਸਵਾਦ ਦਾ ਜਾਦੂ ਹਰ ਇਕ ਘਰ ਵਿਚ ਪਹੁੰਚ ਰਿਹਾ ਹੈ। ਉਹ ਖਾਣ ਦੀਆਂ ਚੀਜਾਂ ਬਣਾਉਣ ਦੇ ਨਾਲ ਨਾਲ ਸਵਿਮਿੰਗ ਅਤੇ ਕੰਪਿਊਟਰ ਵਿੱਚ ਵੀ ਤਜਰਬੇਕਾਰ ਹੈ।

ਅੱਜ ਤੋਂ ਤਕਰੀਬਨ ਸੱਤ ਸਾਲ ਪਹਿਲਾਂ ਉਹ ਤ੍ਰਿਸ਼ੂਰ ਵਿੱਚ ਇੱਕ ਰੈਸਟੋਰੈਂਟ ਚਲਾਇਆ ਕਰਦੀ ਸੀ। ਹਾਲਾਂਕਿ ਕੁੱਝ ਪ੍ਰੇਸ਼ਾਨੀਆਂ ਦੀ ਵਜ੍ਹਾ ਕਰਕੇ ਉਨ੍ਹਾਂ ਨੂੰ ਰੈਸਟੋਰੈਂਟ ਬੰਦ ਕਰਨਾ ਪੈ ਗਿਆ ਸੀ।

ਆਂਡੇ ਵੇਚਣ ਦੇ ਨਾਲ ਕੀਤੀ ਬਿਜਨੇਸ ਦੀ ਸ਼ੁਰੁਆਤ

ਗੀਤਾ ਵਲੋਂ ਦ ਬੇਟਰ ਇੰਡਿਆ ਨੂੰ ਦੱਸਿਆ ਗਿਆ ਕਿ ਮੈਂ ਦੇਖ ਨਹੀਂ ਸਕਦੀ ਇਸ ਲਈ ਕਈ ਲੋਕ ਮੇਰੀ ਕਾਬਿਲੀਅਤ ਉੱਤੇ ਸ਼ੱਕ ਕਰਦੇ ਹਨ ਲੇਕਿਨ ਮੇਰੇ ਪਤੀ ਨੇ ਮੇਰਾ ਹੌਸਲੇ ਨੂੰ ਵਧਾਇਆ। ਹਾਲਾਂਕਿ ਮੈਂ ਪਹਿਲਾਂ ਵੀ ਰੈਸਟੋਰੈਂਟ ਚਲਾਇਆ ਸੀ ਇਸ ਲਈ ਮੈਨੂੰ ਵੱਡੇ ਪੱਧਰ ਉੱਤੇ ਖਾਣਾ ਬਣਾਉਣ ਦਾ ਤਜਰਬਾ ਸੀ। ਉਨ੍ਹਾਂ ਵਲੋਂ ਮੈਨੂੰ ਘਰ ਤੋਂ ਹੀ ਕੰਮ ਕਰਨ ਦਾ ਆਈਡੀਆ ਦਿੱਤਾ ਗਿਆ ਹੈ।

ਗੀਤਾ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪਤੀ ਸਲਿਸ਼ ਪੇਸ਼ੇ ਤੋਂ ਮੈਡੀਕਲ ਰਿਪ੍ਰੇਜੇਂਟੇਟਿਵ ਹਨ ਅਤੇ ਬਿਜਨੇਸ ਵਿੱਚ ਉਨ੍ਹਾਂ ਦਾ ਪੂਰਾ ਸਾਥ ਦਿੰਦੇ ਹਨ। ਸਲਿਸ਼ ਕਹਿੰਦੇ ਹਨ ਗੀਤਾ ਆਤਮ-ਨਿਰਭਰ ਮਹਿਲਾ ਹੈ। ਫੋਨ ਉੱਤੇ ਆਰਡਰ ਲੈਣ ਤੋਂ ਲੈ ਕੇ ਆਰਡਰ ਪੈਕ ਕਰਨ ਤੱਕ ਦਾ ਸਾਰਾ ਕੰਮ ਉਹ ਆਪਣੇ ਆਪ ਹੀ ਆਰਾਮ ਨਾਲ ਕਰ ਲੈਂਦੀ ਹੈ। ਮੈਂ ਉਸ ਦਾ ਪੂਰਾ ਸਹਿਯੋਗ ਕਰਦਾ ਹਾਂ।

ਗੀਤਾ ਨੇ ਰੈਸਟੋਰੈਂਟ ਬੰਦ ਹੋਣ ਤੋਂ ਬਾਅਦ ਆਂਡਿਆਂ ਦਾ ਵਪਾਰ ਸ਼ੁਰੂ ਕੀਤਾ ਸੀ। ਉਨ੍ਹਾਂ ਨੇ ਕੁੱਝ ਮੁਰਗੀਆਂ ਅਤੇ ਬਟੇਰੇ ਪਾਲੇ ਅਤੇ ਉਨ੍ਹਾਂ ਦੇ ਆਂਡਿਆਂ ਨੂੰ ਸਥਾਨਕ ਦੁਕਾਨਾਂ ਤੇ ਵੇਚਣਾ ਸ਼ੁਰੂ ਕੀਤਾ। ਲੇਕਿਨ ਕੋਵਿਡ ਰੋਕਾਂ ਦੇ ਕਾਰਨ ਉਨ੍ਹਾਂ ਦੇ ਸਾਰੇ ਆਂਡੇ ਵਿਕ ਨਹੀਂ ਪਾਉਂਦੇ ਸਨ। ਗੀਤਾ ਦਾ ਕਹਿਣਾ ਹੈ ਕਿ ਮੈਨੂੰ ਹਰ ਮਹੀਨੇ ਬਟੇਰਿਆਂ ਤੋਂ ਲੱਗਭੱਗ 100 ਆਂਡੇ ਮਿਲਦੇ ਸਨ। ਜਦੋਂ ਉਹ ਨਹੀਂ ਵਿਕਦੇ ਸੀ ਤਦ ਮੇਰੇ ਮਨ ਵਿੱਚ ਇਨ੍ਹਾਂ ਦਾ ਅਚਾਰ ਬਣਾਉਣ ਦਾ ਖਿਆਲ ਆਇਆ ਅਤੇ ਫਿਰ ਅਸੀਂ ਅਚਾਰ ਬਣਾ ਕੇ ਆਪਣੀ ਜਾਣ ਪਹਿਚਾਣ ਦੇ ਲੋਕਾਂ ਨੂੰ ਦਿੱਤਾ। ਇਸ ਤਰ੍ਹਾਂ ਹੌਲੀ – ਹੌਲੀ ਮੈਨੂੰ ਲੋਕਾਂ ਤੋਂ ਹੋਰ ਆਰਡਰ ਮਿਲਣ ਲੱਗ ਪਏ।

ਕੁੱਝ ਹੀ ਮਹੀਨਿਆਂ ਵਿੱਚ ਉਨ੍ਹਾਂ ਨੇ Home to Home ਨਾਮ ਨਾਲ ਆਪਣੇ ਕੰਮ ਦੀ ਸ਼ੁਰੂਆਤ ਕੀਤੀ ਅਤੇ ਆਂਡੇ ਵੇਚਣ ਵਾਲੇ ਕੰਮ ਨੂੰ ਬੰਦ ਕਰਕੇ ਅਚਾਰ ਅਤੇ ਘਿਓ ਵਰਗੇ ਪ੍ਰੋਡਕਟ ਬਣਾਉਣ ਦਾ ਕੰਮ ਸ਼ੁਰੂ ਕਰ ਦਿੱਤਾ। ਗੀਤਾ ਵਲੋਂ ਆਪਣੇ ਇਸ ਬਿਜਨੇਸ ਵਿੱਚ ਤਿੰਨ ਲੱਖ ਰੁਪਏ ਦਾ ਸ਼ੁਰੁਆਤੀ ਨਿਵੇਸ਼ ਕੀਤਾ ਗਿਆ ਸੀ। ਹੁਣ ਉਹ ਇਸ ਬਿਜਨੇਸ ਤੋਂ 40 ਹਜਾਰ ਰੁਪਏ ਹਰ ਮਹੀਨੇ ਕਮਾ ਲੈਂਦੀ ਹੈ।

ਸਭ ਤੋਂ ਜ਼ਿਆਦਾ ਮੰਗ ਵਾਲਾ ਪ੍ਰੋਡਿਕਟ

ਇਨੀ ਦਿਨੀਂ ਗੀਤਾ ਹਲਦੀ ਅਤੇ ਖਜੂਰ ਦਾ ਕਾੜਾ ਬਟੇਰੇ ਦੇ ਆਂਡਿਆਂ ਦਾ ਅਚਾਰ ਘਿਓ ਸਹਿਤ 10 ਪ੍ਰੋਡਕਟ ਘਰ ਤੋਂ ਬਣਾਕੇ ਵੇਚ ਰਹੀ ਹੈ ਜਿਸ ਵਿੱਚ ਹਲਦੀ ਅਤੇ ਖਜੂਰ ਦਾ ਕਾੜਾ ਸਭ ਤੋਂ ਜ਼ਿਆਦਾ ਵਿਕ ਰਿਹਾ ਹੈ। ਇਹ ਇੱਕ ਇਮਿਊਨਿਟੀ ਬੂਸਟਰ ਹੈ। ਜੋ ਸਾਲਾਂ ਤੋਂ ਉਨ੍ਹਾਂ ਦੇ ਘਰ ਵਿਚ ਬਣਦਾ ਆ ਰਿਹਾ ਹੈ। ਦੇਸ਼ ਦੇ ਤਕਰੀਬਨ ਹਰ ਰਾਜ ਵਿੱਚ ਲੋਕ ਇਸ ਪ੍ਰੋਡਕਟ ਦੇ ਆਰਡਰ ਦੇ ਰਹੇ ਹਨ।

ਤੁਹਾਨੂੰ ਦੱਸ ਦੇਈਏ ਕਿ ਹਲਦੀ ਅਤੇ ਖਜੂਰ ਦਾ ਕਾੜਾ ਕੇਰਲ ਦੀ ਇੱਕ ਪਾਰੰਪਰਕ ਡਿਸ਼ ਹੈ। ਜਿਸਦੇ ਲਈ ਤਾਜ਼ਾ ਹਲਦੀ ਅਤੇ ਖਜੂਰ ਨੂੰ ਨਾਰੀਅਲ ਦੇ ਦੁੱਧ ਦੇ ਨਾਲ ਲੱਗਭਗ 5 ਤੋਂ 6 ਘੰਟੇ ਤੱਕ ਕਾਂਸੀ ਦੀ ਉਰੁਲੀ (ਕੇਰਲ ਦਾ ਪਾਰੰਪਰਕ ਬਰਤਨ) ਵਿੱਚ ਤਦ ਤੱਕ ਪਕਾਇਆ ਜਾਂਦਾ ਹੈ ਜਦੋਂ ਤੱਕ ਨਾਰੀਅਲ ਦੇ ਦੁੱਧ ਵਿਚੋਂ ਤੇਲ ਦਿਖਾਈ ਨਹੀਂ ਦੇਣ ਲੱਗ ਜਾਂਦਾ। ਇਹ ਇੱਕ ਲੰਮੀ ਪਰਿਕ੍ਰੀਆ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਰੋਜਾਨਾ ਇੱਕ ਚਮਚ ਇਸਦਾ ਸੇਵਨ ਸਿਹਤ ਲਈ ਬਹੁਤ ਹੀ ਵਧੀਆ ਮੰਨਿਆ ਜਾਂਦਾ ਹੈ।

ਅੱਗੇ ਸਲਿਸ਼ ਨੇ ਦੱਸਿਆ ਹੈ ਕਿ ਇੱਕ ਸਾਲ ਤੋਂ ਉਨ੍ਹਾਂ ਨੂੰ ਆਨਲਾਈਨ ਕਈ ਰਿਪੀਟ ਆਰਡਰ ਮਿਲੇ ਹਨ। ਬਹੁਤੇ ਗਾਹਕ ਆਪਣੇ ਦੋਸਤਾਂ ਅਤੇ ਰਿਸ਼ਤੇਦਾਰਾਂ ਨੂੰ ਉਨ੍ਹਾਂ ਦੇ ਇਸ ਪ੍ਰੋਡਕਟ ਦੀ ਜਾਣਕਾਰੀ ਦਿੰਦੇ ਹਨ। ਪਿਛਲੇ ਸਾਲ ਅਗਸਤ ਵਿੱਚ ਉਨ੍ਹਾਂ ਨੇ ਇਸ ਬਿਜਨੇਸ ਦੀ ਸ਼ੁਰੁਆਤ ਕੀਤੀ ਸੀ। ਉਦੋਂ ਤੋਂ ਉਨ੍ਹਾਂ ਦਾ ਕੰਮ ਰੋਜਾਨਾ ਚੱਲ ਰਿਹਾ ਹੈ। ਗੀਤਾ ਨੇ ਦੱਸਿਆ ਕਿ ਜਦੋਂ ਆਰਡਰ ਜਿਆਦਾ ਮਿਲਣ ਲੱਗ ਪਏ ਤਾਂ ਉਨ੍ਹਾਂ ਨੇ ਦੋ ਹੋਰ ਔਰਤਾਂ ਨੂੰ ਕੰਮ ਉੱਤੇ ਰੱਖ ਲਿਆ ਹੈ।

ਕੀਤਾ ਸੋਸ਼ਲ ਮੀਡਿਆ ਦਾ ਇਸਤੇਮਾਲ

ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਦੇ ਵੱਖਰੇ ਪਲੇਟਫਾਰਮ ਦੇ ਜਰੀਏ ਅਚਾਰ ਤੋਂ ਲੈ ਕੇ ਹੋਰ ਖਾਣ ਦੇ ਪਦਾਰਥ ਲੋਕਾਂ ਤੱਕ ਪਹੁੰਚ ਰਹੇ ਹਨ। ਹੁਣ ਤਾਂ ਉਨ੍ਹਾਂ ਨੇ ਆਪਣੀ ਇੱਕ ਵੈਬਸਾਈਟ ਵੀ ਲਾਂਚ ਕਰ ਦਿੱਤੀ ਹੈ। ਗੀਤਾ ਨੇ ਦੱਸਿਆ ਕਿ ਸ਼ੁਰੁਆਤ ਵਿੱਚ ਕੇਵਲ ਉਹ ਵਟਸਐਪ ਦੇ ਜਰੀਏ ਹੀ ਆਰਡਰ ਲੈਂਦੇ ਸਨ।

ਅੱਗੇ ਗੀਤਾ ਕਹਿੰਦੀ ਹੈ ਕਿ ਮੈਂ ਦਿਨ ਵਿੱਚ ਦੋ ਕਿੱਲੋਗ੍ਰਾਮ ਅਚਾਰ ਬਣਾਉਂਦੀ ਹਾਂ ਜੋ 250 ਗਰਾਮ ਦੇ ਡਿੱਬੇ ਵਿੱਚ ਪੈਕ ਕੀਤਾ ਜਾਂਦਾ ਹੈ। ਉਥੇ ਹੀ 20 ਤੋਂ 24 ਲਿਟਰ ਦੁੱਧ ਨਾਲ ਘਿਓ ਬਣਦਾ ਹੈ। ਅੱਧੇ ਕਿਲੋਗ੍ਰਾਮ ਘਿਓ ਦੀ ਕੀਮਤ 700 ਰੁਪਏ ਹੈ। ਜਦੋਂ ਕਿ ਹਰ ਅਚਾਰ ਦੀ ਕੀਮਤ ਵੱਖ – ਵੱਖ ਹੈ। ਸਾਡਾ ਸਭ ਤੋਂ ਵੱਧ ਲੋਕਾਂ ਨੂੰ ਪਿਆਰਾ ਪ੍ਰੋਡਕਟ CURCUMEAL 800 ਰੁਪਏ ਪ੍ਰਤੀ ਕਿੱਲੋ ਵਿਕਦਾ ਹੈ।

ਗੀਤਾ ਦੇ ਇਨ੍ਹਾਂ ਪ੍ਰੋਡਕਟ ਦੇ ਬਾਰੇ ਵਿੱਚ ਜੇ ਤੁਸੀਂ ਵਿਸਥਾਰ ਨਾਲ ਜਾਨਣਾ ਚਾਹੁੰਦੇ ਹੋ ਤਾਂ ਉਨ੍ਹਾਂ ਦੀ ਵੈਬਸਾਈਟ ਨੂੰ ਦੇਖ ਸਕਦੇ ਹੋ ਨਾਲ ਹੀ ਤੁਸੀਂ ਉਨ੍ਹਾਂ ਨੂੰ ਸੋਸ਼ਲ ਮੀਡੀਆ ਉੱਤੇ ਵੀ ਸੰਪਰਕ ਕਰ ਸਕਦੇ ਹੋ।