ਗਰੀਬ ਧੀ ਦੇ ਵਿਆਹ ਵਿੱਚ ਮਾਮਾ ਬਣਕੇ ਪਹੁੰਚਿਆ ਇਕ ਫਰਿਸ਼ਤਾ, ਲੱਖਾਂ ਰੁਪਏ ਕਰ ਗਿਆ ਦਾਨ, ਪੜ੍ਹੋ ਪੂਰੀ ਖ਼ਬਰ

ਗਵਾਲੀਅਰ ਵਿਚ ਜਿਲ੍ਹਾ ਸ਼ਿਵਪੁਰੀ ਦੇ ਏਜਵਾਰਾ ਪਿੰਡ ਵਿੱਚ ਦਿਆਲੂ ਪੁਣੇ ਦੀ ਇੱਕ ਅਜਿਹੀ ਮਿਸਾਲ ਦੇਖਣ ਨੂੰ ਮਿਲੀ ਹੈ ਕਿ ਹਰ ਕੋਈ ਦੇਖਦਿਆਂ ਹੀ ਰਹਿ ਗਿਆ। ਇਥੇ ਪਿੰਡ ਦੀ ਇੱਕ ਗਰੀਬ ਧੀ ਦੇ ਵਿਆਹ ਵਿੱਚ ਇੱਕ ਸਾਹੂਕਾਰ ਫਰਿਸ਼ਤਾ ਬਣ ਕੇ ਪਹੁੰਚਿਆ ਅਤੇ ਉਸ ਨੇ ਆਪਣਾ ਵੱਡਾ ਦਿਲ ਦਿਖਾਉਂਦਿਆਂ ਹੋਇਆਂ ਉਸ ਗਰੀਬ ਧੀ ਦਾ ਮਾਮਾ ਬਣ ਬਣ ਕੇ ਵਿਆਹ ਦੀਆਂ ਸਾਰੀਆਂ ਰਸਮਾਂ ਬੇਹੱਦ ਆਲੀਸ਼ਾਨ ਤਰੀਕੇ ਨਾਲ ਸੰਪੂਰਨ ਕੀਤੀਆਂ ।

ਅਸਲ ਵਿਚ ਦੁਲਹਨ ਬਣੀ ਇਸ ਧੀ ਦੇ ਮਾਮੇ ਨਹੀਂ ਸਨ ਇਸ ਦੀ ਜਾਣਕਾਰੀ ਮਿਲਣ ਉੱਤੇ ਨੋਏਡਾ ਦੇ ਇੱਕ ਕਾਰੋਬਾਰੀ ਨੇ ਵਿਆਹ ਵਿੱਚ ਆਕੇ ਮਾਮੇ ਦਾ ਫਰਜ ਨਿਭਾਇਆ ਸਿਰਫ ਇੰਨਾ ਹੀ ਨਹੀਂ ਇਸ ਸ਼ਖਸ ਨੇ ਕੁੜੀ ਦੇ ਵਿਆਹ ਵਿੱਚ ਲੱਖਾਂ ਰੁਪਿਆਂ ਦਾ ਸਮਾਨ ਵੀ ਵੰਡਿਆ।

ਪ੍ਰਾਪਤ ਹੋਈ ਜਾਣਕਾਰੀ ਦੇ ਅਨੁਸਾਰ ਇਸ ਕਾਰੋਬਾਰੀ ਨੇ ਵਿਆਹ ਵਿੱਚ ਲਾੜਾ ਅਤੇ ਦੁਲਹਨ ਨੂੰ ਕਰੀਬ ਪੰਜ ਲੱਖ ਦੇ ਗਹਿਣੇ ਦਿੱਤੇ। ਇਨ੍ਹਾਂ ਵਿੱਚ 9 ਤੋਲੇ ਸੋਨਾ ਅਤੇ ਇੱਕ ਕਿੱਲੋ ਚਾਂਦੀ ਸ਼ਾਮਿਲ ਹੈ। ਇਸ ਦੇ ਇਲਾਵਾ ਉਨ੍ਹਾਂ ਨੇ ਦੂਲਹੇ ਨੂੰ ਇੱਕ ਲੱਖ ਨਗਦ ਅਤੇ ਇਕ ਸਮਾਰਟਫੋਨ ਵੀ ਦਿੱਤਾ ਹੈ। ਉਥੇ ਹੀ ਪਿੰਡ ਦੀਆਂ ਤਕਰੀਬਨ 350 ਔਰਤਾਂ ਲਈ ਸਾੜੀਆਂ ਅਤੇ ਪੁਰਸ਼ਾਂ ਲਈ 100 ਜੋਡ਼ੀਆਂ ਪੈਂਟ ਸ਼ਰਟਾਂ ਦਿੱਤੀਆਂ ਹਨ।

ਤੁਹਾਨੂੰ ਦੱਸ ਦੇਈਏ ਕਿ ਸ਼ਿਵਪੁਰੀ ਜਿਲ੍ਹੇ ਦੇ ਬਦਰਵਾਸ ਜਨਪਦ ਪੰਚਾਇਤ ਦੇ ਅਧੀਨ ਆਉਣ ਵਾਲੇ ਏਜਵਾਰਾ ਪਿੰਡ ਵਿੱਚ ਰਹਿਣ ਵਾਲੇ ਥਾਨ ਸਿੰਘ ਯਾਦਵ ਦੀ ਧੀ ਦਾ ਵਿਆਹ 20 – 21 ਨਵੰਬਰ ਨੂੰ ਸੀ। ਵਿਆਹ ਵਿੱਚ ਪੰਡਾਲ ਦੇ ਹੇਠਾਂ ਚੌਲਾਂ (ਭਾਤ) ਦੀ ਰਸਮ ਹੋਣ ਵਾਲੀ ਸੀ ਲੇਕਿਨ ਦੁਲਹਨ ਦੇ ਮਾਂ – ਬਾਪ ਪ੍ਰੇਸ਼ਾਨ ਸਨ ਕਿ ਧੀ ਦੇ ਵਿਆਹ ਵਿੱਚ ਚੌਲਾਂ (ਭਾਤ) ਦੀ ਰਸਮ ਕੌਣ ਕਰੇਂਗਾ ਕਿਉਂਕਿ ਉਨ੍ਹਾਂ ਦੀ ਧੀ ਦਾ ਕੋਈ ਮਾਮਾ ਨਹੀਂ ਸੀ।

ਅਜਿਹੇ ਵਿੱਚ ਬਰਾਤ ਅਤੇ ਲਾੜਾ ਪੰਡਾਲ ਦੇ ਹੇਠਾਂ ਪਹੁੰਚ ਚੁੱਕੇ ਸਨ। ਭਾਤ ਦੀ ਰਸਮ ਹੋ ਰਹੀ ਸੀ ਉਸੀ ਦੌਰਾਨ ਨੋਏਡਾ ਤੋਂ ਗੋਵਿੰਦ ਸਿੰਘਲ ਨਾਮ ਦੇ ਕਾਰੋਬਾਰੀ ਆਪਣੇ ਪਰਿਵਾਰ ਦੇ ਨਾਲ ਪਿੰਡ ਵਿੱਚ ਪੁੱਜੇ ਅਤੇ ਕਿਹਾ ਕਿ ਉਹ ਦੁਲਹਨ ਦੇ ਮਾਮੇ ਦਾ ਫਰਜ ਨਿਭਾਉਣਗੇ ਅਤੇ ਭਾਤ ਦੇਣ ਲਈ ਉਹ ਆਏ ਹਨ । ਭਾਤ ਦੀ ਰਸਮ ਸ਼ੁਰੂ ਹੋਈ ਤਾਂ ਦੁਲਹਨ ਦਾ ਪਰਿਵਾਰ ਖੁਸ਼ ਹੋ ਗਿਆ ਉਥੇ ਹੀ ਬਰਾਤੀ ਅਤੇ ਪਿੰਡ ਵਾਲੇ ਵੀ ਕਾਫ਼ੀ ਹੈਰਾਨ ਸਨ।

ਕਿਸੇ ਫਰਿਸ਼ਤੇ ਤੋਂ ਘੱਟ ਨਹੀਂ ਸੀ ਇਹ ਸ਼ਖਸ

ਦੁਲਹਨ ਦੀ ਮਾਂ ਨੇ ਦੱਸਿਆ ਕਿ ਉਸਦਾ ਕੋਈ ਭਰਾ ਨਹੀਂ ਸੀ। ਉਸਦੇ ਪਿਤਾ 30 ਸਾਲ ਪਹਿਲਾਂ ਸੰਨਿਆਸੀ ਹੋ ਕੇ ਚਲੇ ਗਏ ਸਨ। ਧੀ ਦੇ ਵਿਆਹ ਤੋਂ ਪਹਿਲਾਂ ਦੁਲਹਨ ਦੀ ਮਾਂ ਨੇ ਆਪਣੇ ਪਿਤਾ ਨੂੰ ਲੱਭਣ ਦੀ ਕੋਸ਼ਿਸ਼ ਕੀਤੀ ਜਦੋਂ ਉਨ੍ਹਾਂ ਨੂੰ ਖਬਰ ਮਿਲੀ ਕਿ ਪਿਤਾ ਉੱਤਰ ਪ੍ਰਦੇਸ਼ ਦੇ ਗੌਤਮਬੁੱਧ ਨਗਰ ਦੇ ਜੇਵਰ ਕਸਬੇ ਵਿੱਚ ਸਾਧੂ ਦੇ ਰੂਪ ਵਿੱਚ ਰਹਿ ਰਹੇ ਹਨ ਤਾਂ ਦੁਲਹਨ ਦੀ ਮਾਂ ਅਤੇ ਪਿਤਾ ਉਨ੍ਹਾਂ ਨੂੰ ਲੱਭਣ ਗੌਤਮਬੁੱਧ ਨਗਰ ਪੁੱਜੇ ਅਤੇ ਉੱਥੇ ਉਨ੍ਹਾਂ ਨੇ ਸਾਧੂ ਦੇ ਭੇਸ਼ ਵਿੱਚ ਬੈਠੇ ਪਿਤਾ ਨੂੰ ਕਿਹਾ ਕਿ ਉਸ ਦੀ ਧੀ ਦਾ ਵਿਆਹ ਹੈ। ਭਾਤ ਦੀ ਰਸਮ ਲਈ ਤੁਹਾਨੂੰ ਆਉਣਾ ਪਵੇਗਾ ਲੇਕਿਨ ਸੰਨਿਆਸੀ ਪਿਤਾ ਨੇ ਵਿਆਹ ਵਿੱਚ ਆਉਣ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ ਅਤੇ ਸੰਜੋਗ ਨਾਲ ਉਥੇ ਹੀ ਬੈਠੇ ਨੋਏਡਾ ਦੇ ਕਾਰੋਬਾਰੀ ਗੋਵਿੰਦ ਸਿੰਘਲ ਨੇ ਸੰਨਿਆਸੀ ਪਿਤਾ ਅਤੇ ਧੀ ਦਾ ਇਹ ਵਾਕਿਆ ਸੁਣਿਆ ਤਾਂ ਉਨ੍ਹਾਂ ਨੇ ਦੁਲਹਨ ਦੀ ਮਾਂ ਅਤੇ ਪਿਤਾ ਨੂੰ ਕਿਹਾ ਕਿ ਤੁਸੀਂ ਲੋਕ ਘਰ ਨੂੰ ਜਾਓ ਭਗਵਾਨ ਸਭ ਵਧੀਆ ਕਰੇਗਾ। ਉਨ੍ਹਾਂ ਨੇ ਉਸੀ ਵਕਤ ਤੈਅ ਕਰ ਲਿਆ ਸੀ ਕਿ ਭਾਤ ਦੀ ਰਸਮ ਉਹ ਅਦਾ ਕਰਨਗੇ ਉਹ ਤੈਅ ਕੀਤੀ ਤਾਰੀਖ ਉੱਤੇ ਪਿੰਡ ਪੁੱਜੇ ਅਤੇ ਪੂਰੀ ਰਸਮ ਨੂੰ ਨਿਭਾਇਆ।