ਬੇਰਹਿਮ ਗੁਆਂਢਣ ਨੇ, ਨੰਨ੍ਹੀ ਮਾਸੂਮ ਬੱਚੀ ਨੂੰ ਅਗਵਾ ਕਰ ਕੇ, ਦਿੱਤਾ ਦਿਲ ਦਿਹਲਾਊ ਘਟਨਾ ਨੂੰ ਅੰਜਾਮ

ਲੁਧਿਆਣਾ ਵਿਖੇ ਸ਼ਿਮਲਾਪੁਰੀ ਦੀ ਗਲੀ ਨੰਬਰ ਸਾਢੇ ਅੱਠ ਇਲਾਕੇ ਵਿੱਚ ਰਹਿਣ ਵਾਲੀ ਮਹਿਲਾ ਵਲੋਂ ਐਤਵਾਰ ਦੁਪਹਿਰ 2.15 ਵਜੇ ਗੁਆਂਢ ਦੇ ਵਿੱਚ ਰਹਿਣ ਵਾਲੀ ਢਾਈ ਸਾਲ ਦੀ ਮਾਸੂਮ ਬੱਚੀ ਨੂੰ ਅਗਵਾ ਕਰ ਲਿਆ ਗਿਆ। ਜਲੰਧਰ ਰੋਡ ਏਲਡਿਕੋ ਵੈਲੀ ਦੇ ਕੋਲ ਲੈ ਜਾਕੇ ਸ਼ਾਮ 4 : 15 ਵਜੇ ਗਲਾ ਦਬਾਇਆ ਅਤੇ ਟੋਆ ਪੱਟ ਕੇ ਬੱਚੀ ਨੂੰ ਉਸ ਵਿੱਚ ਦਫਨ ਕਰ ਦਿੱਤਾ। ਤੁਰੰਤ 20 ਮਿੰਟ ਬਾਅਦ ਹੀ ਪੁਲਿਸ ਮੌਕੇ ਉੱਤੇ ਪਹੁੰਚੀ ਅਤੇ ਬੱਚੀ ਨੂੰ ਕੱਢਿਆ ਤਾਂ ਉਸ ਦੇ ਸਾਹ ਅਜੇ ਚੱਲ ਰਹੇ ਸਨ। ਪੁਲਿਸ ਨੇ 12 ਮਿੰਟਾਂ ਦੇ ਵਿੱਚ ਉਸਨੂੰ ਡੀ ਐਮ ਸੀ ਹਸਪਤਾਲ ਪਹੁੰਚਾ ਦਿੱਤਾ, ਜਿੱਥੇ ਡਾਕਟਰਾਂ ਵਲੋਂ ਉਸ ਨੂੰ ਬਚਾਉਣ ਦੀ ਬਹੁਤ ਕੋਸ਼ਿਸ਼ ਕੀਤੀ ਗਈ ਲੇਕਿਨ ਉਸ ਨੇ ਦਮ ਤੋਡ਼ ਦਿੱਤਾ। ਪੋਸਟ ਦੇ ਹੇਠਾਂ ਦੇਖੋ ਵੀਡੀਓ ਰਿਪੋਰਟ

ਘਰ ਨੇੜੇ ਇਲਾਕੇ ਵਿੱਚ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਨੇ ਮਹਿਲਾ ਦੀ ਕਰਤੂਤ ਉਤੋਂ ਪਰਦਾ ਚੱਕ ਦਿੱਤਾ। ਪੁਲਿਸ ਵਲੋਂ ਜਦੋਂ ਥੋੜ੍ਹੀ ਸਖਤੀ ਨਾਲ ਮਹਿਲਾ ਤੋਂ ਪੁੱਛਗਿਛ ਕੀਤੀ ਗਈ ਤਾਂ ਉਸਨੇ ਸਾਰੀ ਸਚਾਈ ਦੱਸ ਦਿੱਤੀ। ਪੁਲਿਸ ਨੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਅਤੇ ਬੱਚੀ ਦੀ ਪਹਿਚਾਣ ਦਿਲਰੋਜ ਕੌਰ ਦੇ ਰੂਪ ਵਿੱਚ ਹੋਈ ਹੈ। ਇਸ ਬਾਰੇ ਬੱਚੀ ਦੇ ਪਿਤਾ ਹਵਲਦਾਰ ਹਰਪ੍ਰੀਤ ਸਿੰਘ ਨੇ ਕਿਹਾ ਕਿ ਉਹ ਗਿੱਲ ਪਿੰਡ ਦੇ ਸਰਪੰਚ ਮੀਕਾ ਗਿੱਲ ਦੇ ਨਾਲ ਸਕਿਓਰਿਟੀ ਵਿੱਚ ਤੈਨਾਤ ਹਨ। ਘਰ ਵਿੱਚ ਉਸਦੇ ਪਿਤਾ ਸ਼ਮਿਦਰ ਸਿੰਘ ਮਾਂ ਹਰਵਿਦਰ ਕੌਰ ਪਤਨੀ ਕਿਰਨ ਕੌਰ ਪੁੱਤਰ ਅਗਮਪ੍ਰੀਤ ਸਿੰਘ ਅਤੇ ਧੀ ਦਿਲਰੋਜ ਕੌਰ ਹਨ। ਉਨ੍ਹਾਂ ਦੇ ਗੁਆਂਢ ਵਿੱਚ ਰਹਿਣ ਵਾਲੀ ਨੀਲਮ ਨਾਮ ਦੀ ਮਹਿਲਾ ਨੇ ਕੁੱਝ ਦਿਨ ਪਹਿਲਾਂ ਆਪਣਾ ਮਕਾਨ ਵੇਚ ਦਿੱਤਾ ਸੀ। ਐਤਵਾਰ ਨੂੰ ਉਸ ਨੇ ਘਰ ਦਾ ਸਾਰਾ ਸਾਮਾਨ ਚੱਕ ਲਿਆ। ਉਸਦੇ ਬਾਅਦ ਉਹ ਦਿਲਰੋਜ ਨੂੰ ਆਪਣੇ ਨਾਲ ਸਕੂਟਰ ਐਕਟਿਵਾ ਉੱਤੇ ਆਪਣੇ ਨਾਲ ਲੈ ਗਈ। ਕਿਰਨ ਕੌਰ ਨੂੰ ਜਦੋਂ ਕਾਫ਼ੀ ਦੇਰ ਤੱਕ ਬੱਚੀ ਦੇ ਬਾਰੇ ਵਿੱਚ ਪਤਾ ਨਹੀਂ ਚੱਲਿਆ ਤਾਂ ਉਸਨੇ ਹਰਪ੍ਰੀਤ ਸਿੰਘ ਨੂੰ ਫੋਨ ਕਰਕੇ ਉਸਦੇ ਗੁੰਮ ਹੋ ਜਾਣ ਦੇ ਬਾਰੇ ਸੂਚਿਤ ਕੀਤਾ।

ਹਰਪ੍ਰੀਤ ਸਿੰਘ ਆਪਣੀ ਡਿਊਟੀ ਤੋਂ ਘਰ ਪਰਤਿਆ ਅਤੇ ਆਸ ਗੁਆਂਢ ਵਿੱਚ ਪੁੱਛ ਪੜਤਾਲ ਕਰਨ ਤੇ ਲੋਕਾਂ ਨੇ ਦੱਸਿਆ ਕਿ ਦਿਲਰੋਜ ਕੌਰ ਨੂੰ ਨੀਲਮ ਰਾਣੀ ਦੇ ਨਾਲ ਸਕੂਟਰ ਉੱਤੇ ਜਾਂਦਿਆਂ ਵੇਖਿਆ ਗਿਆ ਹੈ। ਉਸਦੇ ਕੁੱਝ ਦੇਰ ਬਾਅਦ ਨੀਲਮ ਰਾਣੀ ਪਰਤ ਆਈ। ਉਸ ਤੋਂ ਜਦੋਂ ਦਿਲਰੋਜ ਕੌਰ ਦੇ ਬਾਰੇ ਵਿੱਚ ਪੁੱਛਿਆ ਗਿਆ ਤਾਂ ਉਸਨੇ ਉਸਦੇ ਬਾਰੇ ਵਿੱਚ ਕੋਈ ਜਾਣਕਾਰੀ ਹੋਣ ਤੋਂ ਇਨਕਾਰ ਕਰ ਦਿੱਤਾ। ਨੀਲਮ ਦਾ ਜਵਾਬ ਸੁਣਨ ਦੇ ਬਾਅਦ ਇਲਾਕੇ ਵਿੱਚ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਚੈੱਕ ਕੀਤੀ ਗਈ ਤਾਂ ਉਸ ਵਿੱਚ ਇੱਕ ਜਗ੍ਹਾ ਤੇ ਨੀਲਮ ਆਪਣੇ ਸਕੂਟਰੀ ਤੇ ਦਿਲਰੋਜ ਕੌਰ ਨੂੰ ਆਪਣੇ ਨਾਲ ਲੈ ਕੇ ਜਾਂਦੀ ਹੋਈ ਨਜ਼ਰ ਆ ਗਈ । ਫੁਟੇਜ ਵੇਖਦੇ ਹੀ ਮਹੱਲੇ ਦੇ ਲੋਕਾਂ ਨੇ ਉਸਨੂੰ ਫੜ ਲਿਆ। ਉਸਦੀ ਚੰਗੀ ਤਰ੍ਹਾਂ ਨਾਲ ਕੁੱਟਮਾਰ ਕੀਤੀ ਗਈ।

ਮੌਕੇ ਉੱਤੇ ਪਹੁੰਚੀ ਪੁਲਿਸ ਵੱਲੋਂ ਜਦੋਂ ਉਸ ਤੋਂ ਪੁੱਛਗਿੱਛ ਸ਼ੁਰੂ ਕੀਤੀ ਗਈ ਤਾਂ ਉਸਨੇ ਸਚਾਈ ਦੱਸ ਦਿੱਤੀ। ਪੁਲਿਸ ਦੀ ਪੁੱਛਗਿਛ ਵਿੱਚ ਮਹਿਲਾ ਨੇ ਦੱਸਿਆ ਕਿ ਬੱਚੀ ਉਸ ਨੂੰ ਜਾਣਦੀ ਸੀ। ਇਸ ਲਈ ਉਸਦੇ ਨਾਲ ਜਾਣ ਲਈ ਸੌਖੀ ਤਰ੍ਹਾਂ ਤਿਆਰ ਹੋ ਗਈ। ਘਟਨਾ ਵਾਲੀ ਥਾਂ ਉੱਤੇ ਪਹੁੰਚ ਕੇ ਉਸਨੇ ਭਾਰੀ ਚੀਜ ਨਾਲ ਉਸਦੇ ਸਿਰ ਉੱਤੇ ਵਾਰ ਕੀਤਾ। ਉਸਦਾ ਗਲਾ ਦਬਾਣ ਤੋਂ ਬਾਅਦ ਉਸਨੂੰ ਖੱਡੇ ਵਿੱਚ ਦੱਬ ਦਿੱਤਾ ਅਤੇ ਵਾਪਸ ਪਰਤ ਆਈ । ਪੁਲਿਸ ਵਲੋਂ ਮਹਿਲਾ ਦੇ ਖਿਲਾਫ ਕੇਸ ਦਰਜ ਕਰ ਲਿਆ ਗਿਆ ਹੈ। ਉਸਨੇ ਕਤਲ ਦੀ ਗੱਲ ਕਬੂਲ ਕਰ ਲਈ ਹੈ।

ਸਕਿਓਰਿਟੀ ਗਾਰਡ ਨੇ ਪਲਾਟ ਵਿੱਚ ਵੇਖਿਆ ਸੀ ਮਹਿਲਾ ਅਤੇ ਬੱਚੀ ਨੂੰ

ਏਲਡਿਕੋ ਵੈਲੀ ਦੇ ਕੋਲ ਉਜਾੜ ਪਏ ਪਲਾਟ ਦੀਆਂ ਝਾੜੀਆਂ ਵਿੱਚ ਜਿਸ ਜਗ੍ਹਾ ਨੀਲਮ ਰਾਣੀ ਨੇ ਦਿਲਰੋਜ ਦੀ ਹੱਤਿਆ ਕਰਕੇ ਉਸਨੂੰ ਦਬਾਇਆ ਸੀ। ਉਸ ਤੋਂ ਤਿੰਨ ਪਲਾਟ ਪਹਿਲਾਂ ਇੱਕ ਬਿਲਡਿੰਗ ਦੀ ਉਸਾਰੀ ਚੱਲ ਰਹੀ ਹੈ। ਉਸ ਬਿਲਡਿੰਗ ਦੇ ਇੱਕ ਕੈਬਨ ਵਿੱਚ ਬੈਠੇ ਸਕਿਓਰਿਟੀ ਗਾਰਡ ਨੇ ਵੇਖਿਆ ਕਿ ਕੁੱਝ ਸਮਾਂ ਪਹਿਲਾਂ ਇੱਕ ਮਹਿਲਾ ਸਕੂਟਰੀ ਉੱਤੇ ਬੱਚੀ ਨੂੰ ਬੈਠਾ ਕੇ ਲਿਆਈ ਸੀ। ਪਰ ਅੱਧੇ ਘੰਟੇ ਬਾਅਦ ਉਹ ਮਹਿਲਾ ਸਕੂਟਰੀ ਉੱਤੇ ਇਕੱਲੀ ਵਾਪਸ ਆਈ।

ਸ਼ਕ ਹੋਣ ਉੱਤੇ ਉਹ ਉਸ ਪਲਾਟ ਦੇ ਵੱਲ ਚਲਿਆ ਗਿਆ। ਰਸਤੇ ਵਿੱਚ ਇੱਕ ਜਗ੍ਹਾ ਉਸਨੂੰ ਬੱਚੀ ਦੀ ਜੁੱਤੀ ਮਿਲ ਗਈ। ਇਹ ਵੇਖ ਉਹ ਏਲਡਿਕੋ ਦੇ ਬਾਹਰ ਖੜੀ ਪੀਸੀਆਰ ਟੀਮ ਦੇ ਕੋਲ ਪਹੁੰਚਿਆ ਅਤੇ ਟੀਮ ਦੇ ਨਾਲ ਮੌਜੂਦ ਏ ਐਸ ਆਈ ਰੰਜੀਤ ਸਿੰਘ ਮੌਕੇ ਉੱਤੇ ਪਹੁੰਚੇ ਇੱਕ ਜਗ੍ਹਾ ਖੱਡਾ ਵੇਖਦੇ ਹੀ ਉਸ ਤੋਂ ਮਿੱਟੀ ਨੂੰ ਹਟਾਇਆ ਗਿਆ। ਉਸ ਵਿੱਚ ਬੱਚੀ ਅੱਧ ਮਰੀ ਪਈ ਮਿਲ ਗਈ। ਉਸ ਸਮੇਂ ਉਸ ਦੇ ਸਾਹ ਚੱਲ ਰਹੇ ਸਨ।

ਹੇਠਾਂ ਦੇਖੋ ਇਸ ਖ਼ਬਰ ਨਾਲ ਜੁੜੀ ਵੀਡੀਓ ਰਿਪੋਰਟ