ਬਹੁਤ ਹੀ ਦੁਖਦਾਈ ਖ਼ਬਰ, ਦੇਸ਼ ਦੇ ਪਹਿਲੇ (ਚੀਫ ਆਫ ਡਿਫੈਂਸ ਸਟਾਫ) CDS ਬਿਪਿਨ ਰਾਵਤ ਦੇ ਬੁੱਧਵਾਰ ਦੁਪਹਿਰ ਹੋਈ ਹੈਲੀਕਾਪਟਰ ਕ੍ਰੈਸ਼ ਦੁਰਘਟਨਾ ਵਿੱਚ ਤਰਨਤਾਰਨ ਦਾ ਇੱਕ ਨੌਜਵਾਨ ਵੀ ਸ਼ਹੀਦ ਹੋ ਗਿਆ ਹੈ। ਇਸ ਹਾਦਸੇ ਵਿੱਚ ਜਾਨ ਗਵਾਉਣ ਵਾਲੇ ਨਾਇਕ ਗੁਰਸੇਵਕ ਸਿੰਘ ਤਰਨਤਾਰਨ ਜਿਲ੍ਹੇ ਵਿਚ ਪੈਂਦੇ ਪਿੰਡ ਦੋਦੇ ਦੇ ਰਹਿਣ ਵਾਲੇ ਸਨ।
ਬੁੱਧਵਾਰ ਦੁਪਹਿਰ ਤਮਿਲਨਾਡੁ ਦੇ ਕੁੰਨੂਰ ਵਿੱਚ ਦੁਰਘਟਨਾਗ੍ਰਸਤ ਹੋਏ ਫੌਜ ਦੇ ਹੈਲੀਕਾਪਟਰ ਵਿੱਚ CDS ਬਿਪਿਨ ਰਾਵਤ ਉਨ੍ਹਾਂ ਦੀ ਪਤਨੀ ਮਧੁਲਿਕਾ ਸਮੇਤ ਫੌਜ ਦੇ 14 ਲੋਕ ਸਵਾਰ ਸਨ। ਇਨ੍ਹਾਂ ਵਿਚੋਂ 13 ਲੋਕਾਂ ਦੀ ਮੌਤ ਹੋ ਗਈ ਜਦੋਂ ਕਿ ਇੱਕ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ।
CDS ਬਿਪਿਨ ਰਾਵਤ ਦੇ ਨਾਲ ਇਸ ਹੈਲੀਕਾਪਟਰ ਵਿੱਚ ਸਵਾਰ ਜਿਆਦਾਤਰ ਆਰਮੀ ਦੇ ਜਵਾਨ ਉਨ੍ਹਾਂ ਦੀ ਸਕਿਉਰਿਟੀ ਦੀ ਟੀਮ ਦੇ ਮੈਂਬਰ ਸਨ। ਤਰਨਤਾਰਨ ਦੇ ਦੋਦੇ ਪਿੰਡ ਦੇ ਗੁਰਸੇਵਕ ਸਿੰਘ ਵੀ ਬਿਪਿਨ ਰਾਵਤ ਦੇ ਸੁਰੱਖਿਆ ਦਸਤੇ ਦੇ ਮੈਂਬਰ ਸਨ। ਗੁਰਸੇਵਕ ਸਿੰਘ ਆਰਮੀ ਦੀ 9 ਸਪੈਸ਼ਲ ਫੋਰਸ ਯੂਨਿਟ ਦੇ ਵਿੱਚ ਤੈਨਾਤ ਸਨ।
ਹੈਲੀਕਾਪਟਰ ਕ੍ਰੈਸ਼ ਦੇ ਬਾਅਦ ਤਮਿਲਨਾਡੁ ਤੋਂ ਫੌਜ ਦੇ ਅਧਿਕਾਰੀਆਂ ਨੇ ਬੁੱਧਵਾਰ ਦੇਰ ਸ਼ਾਮ ਨੂੰ ਤਰਨਤਾਰਨ ਜਿਲ੍ਹੇ ਦੇ ਖਾਲੜਾ ਥਾਣੇ ਦੇ ਐੱਸ ਐੱਚ ਓ (SHO) ਨੂੰ ਫੋਨ ਕਰ ਕੇ ਗੁਰਸੇਵਕ ਸਿੰਘ ਦੇ ਸ਼ਹੀਦ ਹੋਣ ਦੀ ਜਾਣਕਾਰੀ ਦਿੱਤੀ ਗੁਰਸੇਵਕ ਸਿੰਘ ਦਾ ਦੋਦੇ ਪਿੰਡ ਖਾਲੜਾ ਪੁਲਿਸ ਥਾਣੇ ਦੇ ਅਧੀਨ ਹੀ ਆਉਂਦਾ ਹੈ। ਗੁਰਸੇਵਕ ਸਿੰਘ ਦੀ ਮਾਂ ਦਾ ਨਿਧਨ ਹੋ ਚੁੱਕਿਆ ਹੈ ਜਦੋਂ ਕਿ ਪਿਤਾ ਘਰ ਵਿੱਚ ਹੀ ਰਹਿ ਰਹੇ ਹਨ।
ਪਰਿਵਾਰ ਨੂੰ ਆਪਣੇ ਆਪ ਫੌਜ ਦੇਵੇਗੀ ਜਾਣਕਾਰੀ
ਐੱਸ ਐੱਸ ਪੀ (SSP) ਤਰਨਤਾਰਨ ਹਰਵਿੰਦਰ ਸਿੰਘ ਵਿਰਕ ਨੇ ਦੱਸਿਆ ਕਿ ਆਰਮੀ ਨੇ ਬੇਸ਼ੱਕ ਸਬੰਧਤ ਥਾਣੇ ਵਿੱਚ ਨਾਇਕ ਗੁਰਸੇਵਕ ਸਿੰਘ ਦੇ ਸ਼ਹੀਦ ਹੋਣ ਦੀ ਜਾਣਕਾਰੀ ਦੇ ਦਿੱਤੀ ਹੈ ਮਗਰ ਫੌਜ ਦੇ ਅਧਿਕਾਰੀਆਂ ਨੇ ਸਪੱਸ਼ਟ ਕਿਹਾ ਹੈ ਕਿ ਫਿਲਹਾਲ ਇਹ ਸੂਚਨਾ ਗੁਰਸੇਵਕ ਸਿੰਘ ਦੇ ਪਰਿਵਾਰ ਜਾਂ ਦੋਦੇ ਪਿੰਡ ਵਿੱਚ ਕਿਸੇ ਨੂੰ ਨਾ ਦਿੱਤੀ ਜਾਵੇ। ਫੌਜ ਦੇ ਅਧਿਕਾਰੀ ਆਪਣੇ ਆਪ ਹੀ ਪਰਿਵਾਰ ਨਾਲ ਸੰਪਰਕ ਕਰਕੇ ਉਨ੍ਹਾਂ ਨੂੰ ਗੁਰਸੇਵਕ ਸਿੰਘ ਦੀ ਸ਼ਹਾਦਤ ਦੀ ਜਾਣਕਾਰੀ ਦੇਣਗੇ। ਹਾਲਾਂਕਿ ਦੇਰ ਸ਼ਾਮ ਤੱਕ ਗੁਰਸੇਵਕ ਸਿੰਘ ਦੇ ਪਰਿਵਾਰ ਨੂੰ ਸੋਸ਼ਲ ਮੀਡੀਆ ਦੇ ਜਰੀਏ ਉਨ੍ਹਾਂ ਦੇ ਸ਼ਹੀਦ ਹੋਣ ਦੀ ਖਬਰ ਮਿਲ ਗਈ।
#WATCH | Latest visuals from the spot (between Coimbatore and Sulur) where a military chopper crashed in Tamil Nadu. CDS Bipin Rawat, his staff and some family members were in the chopper. pic.twitter.com/6oxG7xD8iW
— ANI (@ANI) December 8, 2021
