ਪੰਜਾਬ ਦੇ ਲੁਧਿਆਣਾ ਵਿੱਚ ਫੋਕਲ ਪੁਆਇੰਟ ਏਰੀਏ ਵਿੱਚ ਸ਼ੁੱਕਰਵਾਰ ਨੂੰ ਦਿਨ ਦਹਾੜੇ ਲੁਟੇਰਿਆਂ ਨੇ ਕਾਰੋਬਾਰੀ ਉੱਤੇ ਹਮਲਾ ਕਰਕੇ 9. 50 ਲੱਖ ਦੀ ਨਗਦੀ ਦੇ ਨਾਲ 2 ਲੱਖ ਰੁਪਏ ਦੇ ਮੋਬਾਇਲ ਲੁੱਟ ਕਰਕੇ ਫਰਾਰ ਹੋ ਗਏ। ਦੋ ਮੋਟਰਸਾਇਕਲ ਉੱਤੇ ਸਵਾਰ ਹੋਕੇ ਆਏ ਲੁਟੇਰਿਆਂ ਨੇ 12 ਸੈਕਿੰਟ ਵਿੱਚ ਇਸ ਵਾਰਦਾਤ ਨੂੰ ਅੰਜਾਮ ਦੇ ਦਿੱਤਾ। ਇਸ ਵਾਰਦਾਤ ਦੀ ਪੂਰੀ ਘਟਨਾ ਸੀਸੀਟੀਵੀ (CCTV) ਵਿੱਚ ਕੈਦ ਹੋ ਗਈ ਹੈ। ਥਾਣਾ ਮੋਤੀ ਨਗਰ ਦੀ ਪੁਲਿਸ ਵਲੋਂ ਸੀਸੀਟੀਵੀ ਕੈਮਰਿਆਂ ਦੀ ਸਹਾਇਤਾ ਨਾਲ ਆਰੋਪੀਆਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਗਈ ਹੈ।
ਪਿੱਛਿਓਂ ਲੁਟੇਰਿਆਂ ਨੇ ਸਿਰ ਵਿੱਚ ਮਾਰੀ ਰਾਡ
ਸ਼ਿਵ ਹੌਜਰੀ ਫੈਕਟਰੀ ਦੇ ਮਾਲਿਕ ਰਾਧੇਸ਼ਾਮ ਥਾਪਰ ਨੇ ਦੱਸਿਆ ਕਿ ਉਹ ਸਵੇਰੇ ਆਪਣੀ City Honda ਕਾਰ ਦੇ ਵਿੱਚ ਸਵਾਰ ਹੋਕੇ ਫੈਕਟਰੀ ਵਿੱਚ ਆਏ ਸਨ। ਗੱਡੀ ਵਿੱਚੋਂ ਡਰਾਇਵਰ ਬਹਾਦੁਰ ਨੇ ਦੁਪਹਿਰ ਦਾ ਖਾਣਾ ਅਤੇ ਜੈਕੇਟ ਕੱਢ ਲਈ ਸੀ। ਉਹ ਫੈਕਟਰੀ ਵਿੱਚ ਜਾ ਚੁੱਕਿਆ ਸੀ।
ਕੁਝ ਕੁ ਸਕਿੰਟਾਂ ਬਾਅਦ ਮੈਂ ਗੱਡੀ ਵਿਚੋਂ ਉਤਰਿਆ। ਜਿਉਂ ਹੀ ਫੈਕਟਰੀ ਦੇ ਗੇਟ ਅੰਦਰ ਗਿਆ ਤਾਂ ਪਿੱਛੇ ਤੋਂ ਆਏ ਲੁਟੇਰਿਆਂ ਨੇ ਸਿਰ ਉੱਤੇ ਰਾਡ ਮਾਰਕੇ ਜਖ਼ਮੀ ਕਰ ਦਿੱਤਾ। ਜਿਸਦੇ ਨਾਲ ਉਹ ਥੱਲੇ ਡਿੱਗ ਪਿਆ। ਇਸੇ ਦੌਰਾਨ ਲੁਟੇਰੇ ਉਸ ਕੋਲੋਂ ਬੈਗ ਖੋਹ ਕੇ ਫਰਾਰ ਹੋ ਗਏ। ਬੈਗ ਦੇ ਵਿੱਚ 9. 5 ਲੱਖ ਰੁਪਏ ਦੀ ਨਗਦ ਰਕਮ ਅਤੇ 2 ਲੱਖ ਕੀਮਤ ਦੇ ਮੋਬਾਇਲ ਫੋਨ ਸੀ।
CCTV ਕੈਮਰੇ ਵਿੱਚ ਕੈਦ ਹੋਈ ਪੂਰੀ ਵਾਰਦਾਤ
ਲੁੱਟ ਖੋਹ ਦੀ ਇਹ ਪੂਰੀ ਵਾਰਦਾਤ ਫੈਕਟਰੀ ਅਤੇ ਆਲੇ ਦੁਆਲੇ ਲੱਗੇ CCTV ਕੈਮਰਿਆਂ ਵਿੱਚ ਕੈਦ ਹੋ ਗਈ ਹੈ। CCTV ਕੈਮਰਿਆਂ ਦੀ ਫੁਟੇਜ ਦੇ ਅਨੁਸਾਰ ਦੋ ਮੋਟਰਸਾਇਕਲਾਂ ਉੱਤੇ ਆਏ ਛੇ ਲੁਟੇਰਿਆਂ ਦੇ ਮੁੰਹ ਬੰਨ੍ਹੇ ਹੋਏ ਸਨ। ਸਾਰਿਆਂ ਦੇ ਹੱਥਾਂ ਵਿੱਚ ਤੇਜਧਾਰ ਹਥਿਆਰ ਫੜੇ ਹੋਏ ਸਨ। ਪੁਲਿਸ ਹੁਣ ਮੋਟਰਸਾਇਕਲ ਨੰਬਰਾਂ ਦਾ ਪਤਾ ਲਾਉਣ ਵਿੱਚ ਲੱਗੀ ਹੋਈ ਹੈ।
ਡਰਾਇਵਰ ਤੇ ਸ਼ੱਕ ਪੁਲਿਸ ਕਰ ਰਹੀ ਹੈ ਪੁੱਛਗਿੱਛ
ਇਸ ਮਾਮਲੇ ਦੀ ਪੁਲਿਸ ਨੇ ਜਾਂਚ ਪੜਤਾਲ ਸ਼ੁਰੂ ਕਰ ਦਿੱਤੀ ਹੈ। ਫੈਕਟਰੀ ਮਾਲਿਕ ਦੇ ਡਰਾਇਵਰ ਉੱਤੇ ਸ਼ਕ ਸਾਫ਼ ਕੀਤਾ ਜਾ ਰਿਹਾ ਹੈ। ਕਿਉਂਕਿ ਉਸ ਨੇ ਪਹਿਲਾਂ ਤਾਂ ਗੱਡੀ ਨੂੰ ਫੈਕਟਰੀ ਤੋਂ ਦੂਰ ਖਡ਼ੀ ਕੀਤਾ ਸੀ ਤਾਂ ਹੀ ਮਾਲਿਕ ਨੂੰ ਗੇਟ ਤੱਕ ਪੈਦਲ ਜਾਣਾ ਪਿਆ। ਜਿਵੇਂ ਹੀ ਲੁਟੇਰੇ ਆਏ ਅਤੇ ਲੁੱਟ ਕਰਨ ਲੱਗੇ ਉਦੋਂ ਵੀ ਡਰਾਇਵਰ ਬਾਹਰ ਨਹੀਂ ਆਇਆ। ਜਦੋਂ ਲੁਟੇਰੇ ਉਥੋਂ ਚਲੇ ਗਏ ਫਿਰ ਜਾਕੇ ਉਹ ਗੱਡੀ ਵਿਚੋਂ ਉਤਰਿਆ। ਥਾਣਾ ਮੋਤੀ ਨਗਰ ਦੇ ਇੰਚਾਰਜ ਸੁਰਿੰਦਰ ਚੋਪੜਾ ਨੇ ਕਿਹਾ ਕਿ ਸਾਰੇ ਪਹਿਲੂਆਂ ਉੱਤੇ ਮਾਮਲੇ ਦੀ ਜਾਂਚ ਪੜਤਾਲ ਕਰ ਰਹੇ ਹਾਂ। ਇਸ ਵਾਰਦਾਤ ਦੇ ਦੋਸ਼ੀਆਂ ਨੂੰ ਜਲਦੀ ਹੀ ਫੜ ਲਿਆ ਜਾਵੇਗਾ।
ਨੀਚੇ ਦੇਖੋ ਇਸ ਖ਼ਬਰ ਨਾਲ ਜੁੜੀ ਹੋਈ ਵੀਡੀਓ ਰਿਪੋਰਟ
