ਸੱਤ ਦਸੰਬਰ ਦੀ ਅੱਧੀ ਰਾਤ ਨੂੰ ਵੱਲਿਆ ਸਬਜੀ ਮੰਡੀ ਵਿੱਚ ਇੱਕ ਮਹਿਲਾ ਦੀ ਚਾਕੂ ਮਾਰਕੇ ਹੱਤਿਆ ਕਰਨ ਦੇ ਦੋ ਆਰੋਪੀਆਂ ਨੂੰ ਪੁਲਿਸ ਵਲੋਂ 15 ਘੰਟਿਆਂ ਵਿਚ ਹੀ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਪਰ ਉਥੇ ਹੀ ਦੂਜੇ ਪਾਸਿਓਂ ਆਰੋਪੀ ਸਿਤਾਰਾ ਸਿੰਘ ਨਿਵਾਸੀ ਮਕਬੂਲਪੁਰਾ ਦੇ ਪਰਿਵਾਰਕ ਮੈਂਬਰਾਂ ਅਤੇ ਹੋਰ ਲੋਕਾਂ ਨੂੰ ਨਾਲ ਲੈ ਕੇ ਥਾਣੇ ਦੇ ਬਾਹਰ ਜਾਕੇ ਪੁਲਿਸ ਦੇ ਖਿਲਾਫ ਰੋਸ਼ ਜਤਾਇਆ ਹੈ।
ਆਰੋਪੀ ਸਿਤਾਰਾ ਦੀ ਪਤਨੀ ਵਲੋਂ ਪੁਲਿਸ ਉੱਤੇ 10 ਹਜਾਰ ਰੁਪਏ ਰਿਸ਼ਵਤ ਲੈਣ ਦਾ ਇਲਜ਼ਾਮ ਲਾਏ ਗਏ ਹਨ। ਦੂਜੇ ਪਾਸੇ ਪੁਲਿਸ ਨੇ ਆਰੋਪੀ ਸਿਤਾਰਾ ਨਿਵਾਸੀ ਮਕਬੂਲਪੁਰਾ ਅਤੇ ਮੋਗਾ ਨਿਵਾਸੀ ਟਰੱਕ ਡਰਾਇਵਰ ਸੁਖਚੈਨ ਸਿੰਘ ਉਰਫ ਬਾਬਾ ਨੂੰ ਗ੍ਰਿਫਤਾਰ ਕਰਕੇ ਅਦਾਲਤ ਵਿੱਚ ਪੇਸ਼ ਕੀਤਾ ਹੈ ਅਤੇ ਰਿਮਾਂਡ ਮੰਗਿਆ ਹੈ।
ਥਾਣਾ ਇੰਚਾਰਜ ਜਸਬੀਰ ਸਿੰਘ ਵਲੋਂ ਜਾਣਕਾਰੀ ਦਿੰਦਿਆਂ ਦੱਸਿਆ ਗਿਆ ਹੈ ਕਿ ਮ੍ਰਿਤਕ ਦੇ ਟਰੱਕ ਡਰਾਇਵਰ ਸੁਖਚੈਨ ਸਿੰਘ ਦੇ ਨਾਲ ਸਬੰਧ ਸਨ। ਉਸ ਰਾਤ ਨੂੰ ਸਿਤਾਰਾ ਅਤੇ ਸੁਖਚੈਨ ਸਿੰਘ ਨੇ ਮਿਲਕੇ ਪਹਿਲਾਂ ਮਹਿਲਾ ਨੂੰ ਨਸ਼ਾ ਪਿਲਾਇਆ ਅਤੇ ਫਿਰ ਚਾਕੂ ਮਾਰਕੇ ਉਸ ਦੀ ਹੱਤਿਆ ਕਰ ਦਿੱਤੀ। ਉਨ੍ਹਾਂ ਨੇ ਕਿਹਾ ਕਿ ਆਰੋਪੀ ਸਿਤਾਰਾ ਨਸੀਲਾ ਪਾਊਡਰ ਹੀਰੋਇਨ ਵੇਚਣ ਅਤੇ ਪੀਣ ਦਾ ਆਦੀ ਹੈ। ਦੋਵਾਂ ਆਰੋਪੀਆਂ ਨੇ ਪਹਿਲਾਂ ਮਹਿਲਾ ਨੂੰ ਨਸ਼ਾ ਪਿਲਾਇਆ ਅਤੇ ਫਿਰ ਸਿਤਾਰਾ ਨੇ ਮੋਟਰਸਾਇਕਲ ਉੱਤੇ ਬੈਠਾ ਕੇ ਟਰੱਕ ਡਰਾਇਵਰ ਸੁਖਚੈਨ ਦੇ ਨਾਲ ਭੇਜ ਦਿੱਤਾ। ਇਸ ਵਿੱਚ ਰਾਤ ਨੂੰ ਦੋਵਾਂ ਨੇ ਮਿਲਕੇ ਚਾਕੂਆਂ ਦੇ ਨਾਲ ਮਹਿਲਾ ਦੀ ਹੱਤਿਆ ਕਰਕੇ ਲਾਸ਼ ਨੂੰ ਸੁੱਟ ਦਿੱਤਾ।
ਥਾਣਾ ਇੰਚਾਰਜ ਜਸਬੀਰ ਸਿੰਘ ਵਲੋਂ ਕਿਹਾ ਗਿਆ ਹੈ ਕਿ ਪੁਲਿਸ ਟੀਮ ਵਲੋਂ ਟੈਕਨੀਕਲ ਜਾਂਚ ਕਰਕੇ ਆਰੋਪੀਆਂ ਨੂੰ ਕਾਬੂ ਕੀਤਾ ਗਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਪਰਿਵਾਰ ਦੇ ਵਲੋਂ ਪੁਲਿਸ ਉੱਤੇ ਲਾਏ ਜਾ ਰਹੇ ਸਾਰੇ ਇਲਜ਼ਾਮ ਬੇਬੁਨਿਆਦ ਅਤੇ ਝੂਠੇ ਹਨ। ਜੇਕਰ ਉਨ੍ਹਾਂ ਦੇ ਕੋਲ ਕੋਈ ਪ੍ਰਮਾਣ ਸਬੂਤ ਹੈ ਤਾਂ ਉਹ ਉਨ੍ਹਾਂ ਨੂੰ ਦੇਕੇ ਜਾਂਚ ਪੜਤਾਲ ਕਰਵਾ ਸਕਦੇ ਹਨ। ਉਥੇ ਹੀ ਪੁਲਿਸ ਵਲੋਂ ਦੋਵਾਂ ਆਰੋਪੀਆਂ ਦੇ ਖਿਲਾਫ ਧਾਰਾ 302 ਦੇ ਤਹਿਤ ਮੁਕੱਦਮਾ ਦਰਜ ਕੀਤਾ ਗਿਆ ਹੈ ਅਤੇ ਅਦਾਲਤ ਵਿੱਚ ਪੇਸ਼ ਕਰਕੇ ਅੱਗੇ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਹੇਠਾਂ ਦੇਖੋ ਇਸ ਖ਼ਬਰ ਨਾਲ ਜੁੜੀ ਹੋਈ ਵੀਡੀਓ ਰਿਪੋਰਟ
