ਪੰਜਾਬ ਵਿਚ ਨਕੋਦਰ ਨੇੜੇ ਖੁਰਲਾ ਕਿੰਗਰਾ ਤੋਂ 7 ਜਨਵਰੀ ਨੂੰ ਸ਼ੱਕੀ ਹਾਲਾਤ ਵਿੱਚ ਲਾਪਤਾ ਹੋਏ 13 ਸਾਲ ਦੇ ਧਰਮਵੀਰ ਧੰਮਾ ਦਾ ਮ੍ਰਿਤਕ ਸਰੀਰ ਆਲੂਆਂ ਦੇ ਖੇਤ ਵਿੱਚ ਖੱਡੇ ਚੋਂ ਮਿਲਿਆ ਹੈ । ਲਾਸ਼ ਮਿਲਣ ਤੋਂ ਬਾਅਦ ਪਰਿਵਾਰ ਧਰਨੇ ਉੱਤੇ ਬੈਠ ਗਿਆ ਹੈ ਕਿ ਧੰਮਾ ਦੀ ਹੱਤਿਆ ਕੀਤੀ ਗਈ ਹੈ। ਖੁਰਲਾ ਕਿੰਗਰਾ ਅੱਡੇ ਦੇ ਕੋਲ ਨਕੋਦਰ ਰੋਡ ਉੱਤੇ ਤਕਰੀਬਨ ਇੱਕ ਘੰਟੇ ਵਿਚ ਲੋਕਾਂ ਨੇ ਧਰਨਾ ਲਾ ਦਿੱਤਾ ।
ਏ ਸੀ ਪੀ ACP ਗੁਰਪ੍ਰੀਤ ਸਿੰਘ ਗਿੱਲ ਧਰਨੇ ਵਾਲੀ ਥਾਂ ਉੱਤੇ ਪਹੁੰਚੇ ਅਤੇ ਭਰੋਸਾ ਦਿਵਾਇਆ ਕਿ ਕੇਸ ਨਾਲ ਜੁਡ਼ੇ ਹਰ ਪਹਿਲੂ ਦੀ ਬਰੀਕੀ ਦੇ ਨਾਲ ਜਾਂਚ ਕੀਤੀ ਜਾ ਰਹੀ ਹੈ। ਪੁਲਿਸ ਨੇ ਹੀ ਸੀਸੀਟੀਵੀ CCTV ਦੀ ਮਦਦ ਨਾਲ ਲਾਸ਼ ਨੂੰ ਲੱਭਿਆ ਹੈ। ਲਾਸ਼ ਦਾ ਡਾਕਟਰਾਂ ਦੇ ਪੈਨਲ ਤੋਂ ਪੋਸਟਮਾਰਟਮ ਕਰਵਾਇਆ ਜਾ ਰਿਹਾ ਹੈ। ਤਾਂਕਿ ਮੌਤ ਹੋਣ ਦਾ ਕਾਰਨ ਸਾਹਮਣੇ ਆ ਸਕੇ । ਇਸ ਤੋਂ ਬਾਅਦ ਸੜਕ ਉੱਤੇ ਟਾਇਰ ਜਲਾ ਕੇ ਪ੍ਰਦਰਸ਼ਨ ਕਰ ਰਹੇ ਲੋਕਾਂ ਨੇ ਧਰਨੇ ਨੂੰ ਖਤਮ ਕਰ ਦਿੱਤਾ । ਪੋਸਟਮਾਰਟਮ ਮੰਗਲਵਾਰ ਨੂੰ ਹੋਵੇਗਾ।
ਬੱਚਿਆਂ ਨੇ ਕਿਹਾ ਕਿ ਪਤੰਗ ਲੁੱਟਣ ਧੰਮਾ ਦੇ ਨਾਲ ਗਏ ਸੀ ਉਹ ਵਾਪਸ ਨਹੀਂ ਆਇਆ
ਏ ਸੀ ਪੀ ACP ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਏ ਐੱਸ ਆਈ ASI ਵਿਨਏ ਕੁਮਾਰ ਨੂੰ ਦਿੱਤੀ ਗਈ ਸੀ। ਬੱਚੇ ਦੇ ਘਰ ਤੋਂ ਇੱਕ ਕਿਲੋਮੀਟਰ ਦੂਰ ਤੱਕ ਦੇ ਸੀਸੀਟੀਵੀ CCTV ਕੈਮਰੇ ਹਰ ਦਿਸ਼ਾ ਵਿੱਚ ਦੇਖੇ ਗਏ ਸਨ। ਲਗਾਤਾਰ 7 ਦਿਨ ਤੋਂ ਸੀਸੀਟੀਵੀ CCTV ਦੀ ਜਾਂਚ ਕੀਤੀ ਜਾ ਰਹੀ ਸੀ । ਨਕੋਦਰ ਰੋਡ ਤੇ ਮੋਹਨ ਪੈਟਰੋਲ ਪੰਪ ਦੇ ਕੋਲ ਬੱਚੇ ਦਿਖੇ ਲੇਕਿਨ ਉਸ ਤੋਂ ਅੱਗੇ ਨਹੀਂ। ਪੰਪ ਦੀ ਫੁਟੇਜ ਚੈੱਕ ਕੀਤੀ ਗਈ ਤਾਂ ਦੇਖਿਆ ਕਿ 7 ਜਨਵਰੀ ਦੀ ਦੁਪਹਿਰ ਕਰੀਬ 2 ਵਜੇ ਧੰਮਾ ਦੇ ਨਾਲ 9 ਸਾਲ ਅਤੇ 11 ਸਾਲ ਦੇ ਦੋ ਬੱਚੇ ਜਾਂਦੇ ਦਿਖਾਈ ਦਿੱਤੇ।
ਪੈਟਰੋਲ ਪੰਪ ਦੀ ਦੀਵਾਰ ਦੇ ਨਾਲ ਆਲੂਆਂ ਦਾ ਖੇਤ ਹੈ। ਪਰ ਖੇਤ ਦੇ ਅੰਦਰ ਜਾਣ ਵਾਲੇ ਰਸਤੇ ਉੱਤੇ ਕੰਡਿਆਲੀ ਤਾਰ ਲਾਈ ਹੋਈ ਸੀ। ਇਸ ਲਈ ਬੱਚੇ ਪੈਟਰੋਲ ਪੰਪ ਦੀ ਦੀਵਾਰ ਟੱਪ ਕੇ ਖੇਤ ਵਿੱਚ ਜਾਂਦੇ ਨਜ਼ਰ ਆਏ। ਕਰੀਬ 15 ਮਿੰਟਾਂ ਤੋਂ ਬਾਅਦ ਦੋ ਬੱਚੇ ਪਰਤ ਆਏ ਪਰ ਧੰਮਾ ਨਹੀਂ ਪਰਤਿਆ। ਬੱਚਿਆਂ ਤੋਂ ਪੁੱਛਿਆ ਤਾਂ ਬੋਲੇ ਕਿ ਧੰਮਾ ਪਤੰਗ ਲੁੱਟਣ ਖੇਤ ਵਿੱਚ ਗਿਆ ਸੀ। ਉਹ ਪਰਤ ਆਏ ਸਨ। ਉਨ੍ਹਾਂ ਨੂੰ ਨਹੀਂ ਪਤਾ ਕਿ ਧੰਮਾ ਕਿੱਥੇ ਹੈ। ਏ ਐਸ ਆਈ ASI ਨੇ ਬੱਚਿਆਂ ਦੇ ਪਰਿਵਾਰਕ ਮੈਂਬਰਾਂ ਦੇ ਨਾਲ ਖੱਡੇ ਵਿੱਚ ਭਰੇ ਪਾਣੀ ਵਿੱਚ ਬਾਂਸ ਦੇ ਡੰਡੇ ਮਾਰੇ ਤਾਂ ਅਜਿਹਾ ਲੱਗਿਆ ਕਿ ਅੰਦਰ ਕੋਈ ਚੀਜ ਹੈ। ਖੱਡੇ ਦੇ ਅੰਦਰੋਂ ਧੰਮੇ ਦੀ ਲਾਸ਼ ਮਿਲੀ। ਏ ਸੀ ਪੀ ACP ਨੇ ਕਿਹਾ ਕਿ ਸੀਸੀਟੀਵੀ CCTV ਦੀ ਫੁਟੇਜ ਪਰਿਵਾਰਕ ਮੈਂਬਰਾਂ ਨੂੰ ਦਿਖਾਈ ਗਈ ਹੈ। ਤਾਂਕਿ ਉਨ੍ਹਾਂ ਦਾ ਇਹ ਸ਼ੱਕ ਦੂਰ ਹੋ ਜਾਵੇ ਕਿ ਬੇਟੇ ਨੂੰ ਅਗਵਾ ਕਰਕੇ ਕਿਸੇ ਨੇ ਕਤਲ ਕਰਕੇ ਨਹੀਂ ਸੁੱਟਿਆ ਹੈ।
ਬੇਟੇ ਨੂੰ ਲੱਭਦੇ ਰਹੇ ਤੇ ਮੌਤ ਦੀ ਖਬਰ ਮਿਲੀ
ਖੁਰਲਾ ਕਿੰਗਰਾ ਦੀ ਰਹਿਣ ਵਾਲੀ ਬੇਬੀ ਨੇ ਦੱਸਿਆ ਕਿ ਉਨ੍ਹਾਂ ਦੇ ਦੋ ਬੱਚੇ ਪੁੱਤਰ ਅਤੇ ਧੀ ਹਨ। ਪੁੱਤਰ ਧੰਮਾ ਸਕੂਲ ਨਹੀਂ ਜਾਂਦਾ ਸੀ। 7 ਜਨਵਰੀ ਨੂੰ ਜਦੋਂ ਉਹ ਅਤੇ ਪਤੀ ਕਸ਼ਮੀਰਾ ਕੰਮ ਤੋਂ ਪਰਤੇ ਤਾਂ ਧੰਮਾ ਘਰ ਵਿਚ ਨਹੀਂ ਸੀ। ਸਾਰੀ ਰਾਤ ਆਪਣੇ ਵਲੋਂ ਭਾਲ ਕੀਤੀ ਪਰ ਉਹ ਨਹੀਂ ਮਿਲਿਆ। ਮਹਿਤਪੁਰ ਵਿੱਚ ਰਹਿੰਦੇ ਭਰਾ ਸੁਖਵਿੰਦਰ ਸਿੰਘ ਨੇ ਥਾਣੇ ਵਿੱਚ ਆਕੇ ਸ਼ਿਕਾਇਤ ਦਰਜ ਕਰਵਾਈ । 9 ਜਨਵਰੀ ਨੂੰ ਕਿਡਨੈਪਿੰਗ ਦਾ ਕੇਸ ਦਰਜ ਕਰਕੇ ਜਾਂਚ ਪੜਤਾਲ ਸ਼ੁਰੂ ਕੀਤੀ ਗਈ ਸੀ।
ਮਾਂ ਬੇਬੀ ਨੇ ਕਿਹਾ ਸੋਮਵਾਰ ਨੂੰ ਦੁਪਹਿਰ ਕਰੀਬ 12 ਵਜੇ ਪੈਟਰੋਲ ਪੰਪ ਦੇ ਕੋਲ ਆਲੂਆਂ ਦੇ ਖੇਤ ਵਿਚ ਬਣੇ ਖੱਡੇ ਵਿਚੋਂ ਬੇਟੇ ਦੀ ਲਾਸ਼ ਮਿਲੀ। ਮਾਂ ਨੇ ਇਲਜ਼ਾਮ ਲਾਇਆ ਹੈ ਕਿ ਬੇਟੇ ਦੀ ਹੱਤਿਆ ਕੀਤੀ ਗਈ ਹੈ। ਉਸਨੇ ਕਿਹਾ ਕਿ ਉਹ ਬੇਟੇ ਨੂੰ ਭਾਲਦੇ ਰਹੇ ਅਤੇ ਅਖੀਰ ਉਨ੍ਹਾਂ ਨੂੰ ਬੇਟੇ ਦੀ ਮੌਤ ਦੀ ਖਬਰ ਮਿਲੀ। ਧੰਮਾ ਦੀ ਮੌਤ ਦੇ ਬਾਰੇ ਸੁਣਕੇ ਪਿੰਡ ਵਾਲੇ ਭੜਕ ਗਏ ਅਤੇ ਉਨ੍ਹਾਂ ਨੇ ਧਰਨਾ ਲਗਾ ਦਿੱਤਾ।
ਦੇਖੋ ਵੀਡੀਓ ਰਿਪੋਰਟ
