ਪੰਜਾਬ ਰਾਜ ਵਿੱਚ ਚੋਣ ਜਾਬਤੇ ਦੇ ਵਿੱਚ ਪੁਲਿਸ ਦੇ ਅਲਰਟ ਉੱਤੇ ਹੋਣ ਦੇ ਬਾਵਜੂਦ ਵੀ ਬੁੱਧਵਾਰ ਸ਼ਾਮ ਨੂੰ ਜਿਲ੍ਹਾ ਅੰਮ੍ਰਿਤਸਰ ਦੇ ਵਿੱਚ ਚਾਰ ਨਕਾਬਪੋਸ਼ਾਂ ਵਲੋਂ ਇੱਕ ਬੈਂਕ ਨੂੰ ਲੁੱਟ ਦਾ ਸ਼ਿਕਾਰ ਬਣਾਇਆ ਗਿਆ ਹੈ। ਇਹ ਵਾਰਦਾਤ ਅੰਮ੍ਰਿਤਸਰ ਜਿਲ੍ਹੇ ਦੇ ਅਜਨਾਲੇ ਏਰੀਏ ਦੇ ਪਿੰਡ ਸੁਧਾਰ ਦੇ ਕੋਆਪ੍ਰੇਟਿਵ ਬੈਂਕ ਵਿੱਚ ਹੋਈ। ਸ਼ਾਮ ਨੂੰ ਤਕਰੀਬਨ 5 ਵਜੇ ਕੁ 4 ਨਕਾਬਪੋਸ਼ ਨੌਜਵਾਨ ਹਥਿਆਰਾਂ ਦੇ ਨਾਲ ਬੈਂਕ ਵਿੱਚ ਬੜੇ ਅਤੇ 11 ਲੱਖ 45 ਹਜਾਰ ਰੁਪਏ ਦੀ ਲੁੱਟ ਕਰਨ ਤੋਂ ਬਾਅਦ ਫਰਾਰ ਹੋ ਗਏ।
ਇਹ ਨਕਾਬਪੋਸ਼ ਲੁਟੇਰੇ ਜਾਂਦੇ ਸਮੇਂ ਬੈਂਕ ਦੇ ਸਿਕਉਰਿਟੀ ਗਾਰਡ ਦੀ ਰਾਇਫਲ ਵੀ ਆਪਣੇ ਨਾਲ ਲੈ ਗਏ। ਇਸ ਘਟਨਾ ਦੀ ਜਾਣਕਾਰੀ ਮਿਲਣ ਦੇ ਤੁਰੰਤ ਬਾਅਦ ਹੀ ਪੁਲਿਸ ਮੌਕੇ ਉੱਤੇ ਪਹੁੰਚ ਗਈ। ਪਰ ਦੇਰ ਸ਼ਾਮ ਤੱਕ ਅੰਮ੍ਰਿਤਸਰ ਦਿਹਾਤੀ ਪੁਲਿਸ ਦਾ ਕੋਈ ਸੀਨੀਅਰ ਅਧਿਕਾਰੀ ਇਸ ਦੇ ਬਾਰੇ ਵਿੱਚ ਕੁੱਝ ਵੀ ਦੱਸਣ ਨੂੰ ਤਿਆਰ ਨਹੀਂ ਹੋਇਆ। ਅਫਸਰ ਜਾਂਚ ਦਾ ਹਵਾਲਾ ਦਿੰਦਿਆਂ ਹੋਇਆਂ ਜਾਣਕਾਰੀ ਦੇਣ ਤੋਂ ਬਚਦੇ ਨਜ਼ਰ ਆਏ ।
ਕੋਆਪ੍ਰੇਟਿਵ ਬੈਂਕ ਸੁਧਾਰ ਪਿੰਡ ਦੇ ਸਿਕਉਰਿਟੀ ਗਾਰਡ ਗੁਰਦੇਵ ਸਿੰਘ ਨੇ ਦੱਸਿਆ ਹੈ ਕਿ ਸ਼ਾਮ ਨੂੰ ਤਕਰੀਬਨ 5 ਵਜੇ ਇੱਕ ਕਾਰ ਬੈਂਕ ਦੇ ਸਾਹਮਣੇ ਆਕੇ ਰੁਕੀ ਜਿਸ ਦੇ ਵਿੱਚ 4 ਨੌਜਵਾਨ ਸਵਾਰ ਸਨ। ਚਾਰਾਂ ਨੌਜਵਾਨਾਂ ਨੇ ਮੁੰਹ ਬੰਨ੍ਹੇ ਹੋਏ ਸਨ। ਹਾਲਾਂਕਿ ਕੋਰੋਨਾ ਮਹਾਮਾਰੀ ਦੀ ਵਜ੍ਹਾ ਕਰਕੇ ਉਨ੍ਹਾਂ ਦੇ ਮੁੰਹ ਬੰਨ੍ਹੇ ਹੋਣ ਉੱਤੇ ਕਿਸੇ ਨੂੰ ਸ਼ੱਕ ਨਹੀਂ ਹੋਇਆ। ਚਾਰਾਂ ਵਿੱਚੋਂ 2 ਨੌਜਵਾਨ ਕਾਰ ਵਿਚੋਂ ਉਤਰ ਕੇ ਬੈਂਕ ਦੇ ਅੰਦਰ ਆ ਗਏ ਅਤੇ ਉਨ੍ਹਾਂ ਨੇ ਉਸ ਤੋਂ ਪੈਸੇ ਜਮਾਂ ਕਰਵਾਉਣ ਵਾਲੇ ਫ਼ਾਰਮ ਦੀ ਮੰਗ ਕੀਤੀ।
ਇਸ ਵਾਰਦਾਤ ਬਾਰੇ ਗੁਰਦੇਵ ਸਿੰਘ ਦੇ ਦੱਸਣ ਅਨੁਸਾਰ ਜਿਸ ਸਮੇਂ ਉਹ ਨੌਜਵਾਨਾਂ ਨੂੰ ਪੈਸੇ ਜਮਾਂ ਕਰਵਾਉਣ ਵਾਲੇ ਫ਼ਾਰਮ ਦੇ ਬਾਰੇ ਵਿੱਚ ਦੱਸ ਰਿਹਾ ਸੀ ਉਸੇ ਸਮੇਂ ਇੱਕ ਨੌਜਵਾਨ ਨੇ ਅਚਾਨਕ ਪਿਸਟਲ ਕੱਢ ਕੇ ਬੱਟ ਨਾਲ ਉਸਦੇ ਸਿਰ ਵਿੱਚ ਵਾਰ ਕੀਤਾ। ਪਿਸਟਲ ਦੀ ਬੱਟ ਲੱਗਣ ਨਾਲ ਉਸਦਾ ਬੈਲਿੰਸ ਵਿਗੜਿਆ ਤਾਂ ਦੂਜੇ ਨੌਜਵਾਨ ਨੇ ਉਸ ਦੀ ਰਾਇਫਲ ਨੂੰ ਖੌਹ ਲਿਆ। ਇਸ ਤੋਂ ਬਾਅਦ ਦੋਵੇਂ ਨੌਜਵਾਨ ਸਿੱਧਾ ਬੈਂਕ ਮੈਨੇਜਰ ਦੇ ਕੋਲ ਚਲੇ ਗਏ ਅਤੇ ਉੱਥੇ ਰੱਖੇ 11 ਲੱਖ 45 ਹਜਾਰ ਰੁਪਏ ਚੱਕ ਕੇ ਭੱਜਦੇ ਹੋਏ ਬਾਹਰ ਜਾ ਕੇ ਕਾਰ ਵਿੱਚ ਬੈਠੇ ਅਤੇ ਫਰਾਰ ਹੋ ਗਏ।
ਲੁਟੇਰੇ ਜਾਂਦੇ ਹੋਏ ਬੈਂਕ ਦਾ CCTV ਸਿਸਟਮ ਵੀ ਲੈ ਗਏ
ਇਸ ਵਾਰਦਾਤ ਦੀ ਜਾਣਕਾਰੀ ਮਿਲਣ ਤੋਂ ਬਾਅਦ ਸੁਧਾਰ ਪਿੰਡ ਵਿਚ ਪਹੁੰਚੇ ਅੰਮ੍ਰਿਤਸਰ ਦਿਹਾਤੀ ਦੇ ਰਮਦਾਸ ਥਾਣੇ ਦੇ SHO ਮੇਜਰ ਸਿੰਘ ਨੇ ਦੱਸਿਆ ਕਿ ਲੁਟੇਰੇ ਬੈਂਕ ਦੇ ਸਿਕਉਰਿਟੀ ਗਾਰਡ ਨੂੰ ਜਖ਼ਮੀ ਕਰਨ ਤੋਂ ਇਲਾਵਾ ਜਾਂਦੇ ਸਮੇਂ ਬੈਂਕ ਵਿੱਚ ਲੱਗੀਆ ਸੀਸੀਟੀਵੀ CCTV ਕੈਮਰਿਆਂ ਦਾ ਡੀਵੀਆਰ DVR ਵੀ ਆਪਣੇ ਨਾਲ ਲੈ ਗਏ। ਅਜਿਹੇ ਵਿੱਚ ਪੁਲਿਸ ਨੂੰ ਬੈਂਕ ਦੇ ਅੰਦਰ ਤੋਂ ਫੁਟੇਜ ਨਹੀਂ ਮਿਲ ਸਕੀ। ਹੁਣ ਪੁਲਿਸ ਵਲੋਂ ਲਾਗ ਪਾਸ ਦੇ ਰਸਤਿਆਂ ਉੱਤੇ ਲੱਗੇ ਸੀਸੀਟੀਵੀ CCTV ਕੈਮਰਿਆਂ ਨੂੰ ਖੰਗਾਲਿਆ ਜਾ ਰਿਹਾ ਹੈ। SHO ਨੇ ਦਾਅਵਾ ਕੀਤਾ ਹੈ ਕਿ ਜਲਦੀ ਹੀ ਚਾਰੇ ਦੋਸ਼ੀਆਂ ਨੂੰ ਕਾਬੂ ਕਰ ਲਿਆ ਜਾਵੇਗਾ।
