ਪੰਜਾਬ ਸਟੇਟ ਜਿਲ੍ਹਾ ਮੋਗਾ ਦੇ ਪਿੰਡ ਰਾਮੂਵਾਲਾ ਕਲਾਂ ਦੇ ਇਕ ਕਿਸਾਨ ਵਲੋਂ ਐਤਵਾਰ ਨੂੰ ਸਵੇਰੇ ਆਪਣੇ 6 ਅਤੇ ਅੱਠ ਸਾਲ ਦਾ ਦੋਵੇਂ ਬੱਚਿਆਂ ਦੇ ਸਿਰ ਉੱਤੇ ਹਥੌੜੇ ਦੇ ਨਾਲ ਵਾਰ ਕਰਕੇ ਉਨ੍ਹਾਂ ਨੂੰ ਮੌਤ ਦੇ ਘਾਟ ਉਤਾਰਨ ਦੀ ਕੋਸ਼ਸ਼ ਕੀਤੀ ਗਈ ਅਤੇ ਫਿਰ ਆਪਣੇ ਆਪ ਨੂੰ ਕਰੰਟ ਲਾ ਕੇ ਜਾਨ ਦੇ ਦਿੱਤੀ। ਗੰਭੀਰ ਰੂਪ ਵਿਚ ਜਖ਼ਮੀ ਹੋਏ ਦੋਵਾਂ ਬੱਚਿਆਂ ਨੂੰ ਮੋਗੇ ਦੇ ਪ੍ਰਾਈਵੇਟ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ।
ਵੀਡੀਓ ਰਿਪੋਰਟ ਪੋਸਟ ਦੇ ਹੇਠਾਂ ਜਾ ਕੇ ਦੇਖੋ
ਇਹ ਕਿਸਾਨ ਲਾਲ ਸਿੰਘ ਉਮਰ 43 ਸਾਲ ਵਾਸੀ ਰਾਮੂਵਾਲਾ ਕਲਾਂ ਤਿੰਨ ਕਿਲੇ ਜ਼ਮੀਨ ਦਾ ਮਾਲਿਕ ਸੀ। ਉਸ ਦੀ 8 ਸਾਲ ਦਾ ਧੀ ਹਰਮਾਨਜੀਤ ਕੌਰ ਚੌਥੀ ਅਤੇ 6 ਸਾਲ ਦਾ ਪੁੱਤਰ ਕਰਣਵੀਰ ਸਿੰਘ ਪਹਿਲੀ ਜਮਾਤ ਤੋਂ ਵਿੱਚ ਅਕਾਲ ਅਕੈਡਮੀ ਵਿੱਚ ਪੜ੍ਹਦੇ ਹਨ। ਉਹ ਰੋਜਾਨਾ ਹੀ ਸੱਤ ਵਜੇ ਅਕੈਡਮੀ ਚਲੇ ਜਾਂਦੇ ਸਨ । ਐਤਵਾਰ ਨੂੰ ਛੁੱਟੀ ਹੋਣ ਦੇ ਕਾਰਨ ਆਪਣੇ ਕਮਰੇ ਵਿੱਚ ਸੌਂ ਰਹੇ ਸਨ। ਲਾਲ ਸਿੰਘ ਨੇ ਆਪਣੀ ਪਤਨੀ ਨੂੰ ਚਾਹ ਬਣਾਉਣ ਦੇ ਲਈ ਭੇਜ ਦਿੱਤਾ। ਇਸ ਤੋਂ ਬਾਅਦ ਆਪ ਉਹ ਆਪਣੇ ਬੱਚਿਆਂ ਦੇ ਕਮਰੇ ਵਿੱਚ ਦਾਖਲ ਹੋ ਗਿਆ। ਉੱਥੇ ਉਸ ਨੇ ਸੌਂ ਰਹੇ ਆਪਣੇ ਬੇਟੇ ਅਤੇ ਧੀ ਦੇ ਸਿਰ ਉੱਤੇ ਹਥੌੜੇ ਨਾਲ ਕਈ ਸੱਟਾਂ ਮਾਰ ਕੇ ਸਿਰ ਨੂੰ ਬੁਰੀ ਤਰ੍ਹਾਂ ਜਖਮੀ ਕਰ ਦਿੱਤਾ ਅਤੇ ਬੱਚੀਆਂ ਨੂੰ ਮਰੇ ਸਮਝ ਕੇ ਉਹ ਆਪ ਘਰੋਂ ਭੱਜ ਗਿਆ ਅਤੇ ਆਪਣੇ ਪਿੰਡ ਦੇ ਬਾਹਰ ਖੇਤਾਂ ਵਿੱਚ ਜਾਕੇ ਉੱਥੋਂ ਲੰਘਦੀਆਂ 63 ਹਜਾਰ ਕੇਵੀ ਦੀਆਂ ਤਾਰਾਂ ਦੇ ਖੰਭੇ ਉੱਤੇ ਚੜ੍ਹ ਕੇ ਆਤਮਹੱਤਿਆ ਕਰ ਲਈ।
ਦੋਵਾਂ ਬੱਚੀਆਂ ਦੀ ਹਾਲਤ ਗੰਭੀਰ
ਪਿੰਡ ਦੇ ਸਰਪੰਚ ਨੇ ਦੱਸਿਆ ਕਿ ਹਾਈ ਵੋਲਟੇਜ ਦੇ ਕਰੰਟ ਦੀ ਲਪੇਟ ਵਿੱਚ ਆਉਣ ਨਾਲ ਲਾਲ ਸਿੰਘ ਦਾ ਸਰੀਰ ਬੁਰੀ ਤਰ੍ਹਾਂ ਝੁਲਸ ਗਿਆ ਅਤੇ ਉਸ ਦੀ ਮੌਕੇ ਉੱਤੇ ਹੀ ਮੌਤ ਹੋ ਗਈ। ਇਸ ਘਟਨਾ ਦਾ ਪਤਾ ਚੱਲਦਿਆਂ ਹੀ ਪਿੰਡ ਦੇ ਲੋਕ ਮੌਕੇ ਉੱਤੇ ਪਹੁੰਚ ਗਏ । ਉਨ੍ਹਾਂ ਨੇ ਸਰਪੰਚ ਦੀ ਮਦਦ ਨਾਲ ਬੱਚਿਆਂ ਨੂੰ ਤੁਰੰਤ ਮੋਗੇ ਦੇ ਇਕ ਹਸਪਤਾਲ ਵਿੱਚ ਭਰਤੀ ਕਰਵਾਇਆ। ਜਿੱਥੇ ਹੁਣ ਉਹ ਜਿੰਦਗੀ ਅਤੇ ਮੌਤ ਦੀ ਲੜਾਈ ਲੜ ਰਹੇ ਹਨ। ਡਾਕਟਰਾਂ ਦੇ ਅਨੁਸਾਰ ਬੱਚਿਆਂ ਦੀ ਹਾਲਤ ਗੰਭੀਰ ਹੈ।
ਇਸ ਘਟਨਾ ਤੇ ਮ੍ਰਿਤਕ ਲਾਲ ਸਿੰਘ ਦੀ ਪਤਨੀ ਮਨਦੀਪ ਕੌਰ ਨੇ ਦੱਸਿਆ ਹੈ ਕਿ ਐਤਵਾਰ ਨੂੰ ਸਵੇਰੇ ਜਦੋਂ ਸੱਤ ਵਜੇ ਸਾਰੇ ਉੱਠ ਗਏ ਤਾਂ ਪਤੀ ਦੇ ਕਹਿਣ ਤੇ ਉਹ ਰਸੋਈ ਵਿੱਚ ਚਾਹ ਬਣਾਉਣ ਚਲੀ ਗਈ ਸੀ। ਜਦੋਂ ਸਾਢੇ ਸੱਤ ਵਜੇ ਉਹ ਬੱਚਿਆਂ ਦੇ ਕਮਰੇ ਵਿੱਚ ਗਈ ਤਾਂ ਦੇਖਿਆ ਕਿ ਉਸ ਦੇ ਦੋਵੇਂ ਬੱਚੇ ਬੁਰੀ ਤਰ੍ਹਾਂ ਨਾਲ ਖੂਨ ਵਿਚ ਲਿਬੜੇ ਪਏ ਸਨ। ਉਸ ਦੇ ਰੌਲਾ ਪਾਉਣ ਤੋਂ ਬਾਅਦ ਨੇੜੇ ਦੇ ਗੁਆਂਢੀ ਉਸ ਦੇ ਘਰ ਆਏ ਅਤੇ ਉਨ੍ਹਾਂ ਨੇ ਉਸ ਦੇ ਪਤੀ ਦੀ ਭਾਲ ਕੀਤੀ ਤਾਂ ਪਤਾ ਲੱਗਿਆ ਕਿ ਉਹ ਕਰੰਟ ਦੀ ਲਪੇਟ ਵਿੱਚ ਆਕੇ ਆਤਮਹੱਤਿਆ ਕਰ ਚੁੱਕਿਆ ਹੈ। ਮਨਦੀਪ ਕੌਰ ਨੇ ਦੱਸਿਆ ਕਿ ਉਨ੍ਹਾਂ ਦੇ ਸਿਰ ਵੱਖ ਵੱਖ ਬੈਂਕਾਂ ਦਾ ਕਰਜ਼ਾ ਹੈ। ਇਸ ਕਾਰਨ ਪਤੀ ਦਿਮਾਗੀ ਤੌਰ ਤੇ ਪ੍ਰੇਸ਼ਾਨ ਰਹਿੰਦਾ ਸੀ।
ਦੇਖੋ ਇਸ ਖ਼ਬਰ ਦੀ ਵੀਡੀਓ ਰਿਪੋਰਟ
