ਤਮਿਲਨਾਡੂ ਦੇ ਸਲੇਮ ਵਿੱਚ ਇੱਕ ਨੌਜਵਾਨ ਨੇ ਆਪਣੀ ਮਨਪਸੰਦ ਸੁਪਰਬਾਇਕ ਖ੍ਰੀਦਣ ਦੇ ਲਈ ਜਿਸ ਤਰੀਕੇ ਨਾਲ ਪੇਮੈਂਟ ਕੀਤੀ ਹੈ ਉਹ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਅਸਲ ਵਿਚ ਇਸ ਬਾਇਕ ਨੂੰ ਖ੍ਰੀਦਣ ਲਈ ਉਸ ਨੇ ਤਿੰਨ ਸਾਲ ਤੱਕ ਹਰ ਰੋਜ ਇੱਕ ਇੱਕ ਰੁਪਏ ਦੇ ਸਿੱਕੇ ਜੋਡ਼ੇ ਅਤੇ ਜਦੋਂ ਇਹ ਰਕਮ ਪੂਰੀ ਹੋ ਗਈ ਤਾਂ ਇਨ੍ਹਾਂ ਨੂੰ ਬੋਰੀ ਵਿੱਚ ਭਰਕੇ ਉਹ ਬਾਇਕ ਖ੍ਰੀਦਣ ਲਈ ਸ਼ੋਰੂਮ ਪਹੁੰਚ ਗਿਆ ਅਤੇ ਲੱਖਾਂ ਰੁਪਏ ਦੀ ਪੇਮੈਂਟ ਸਿੱਕਿਆਂ ਨਾਲ ਕੀਤੀ।
ਸਾਰੇ ਕਰਮਚਾਰੀ ਹੋ ਗਏ ਹੈਰਾਨ
ਜਦੋਂ ਉਸ ਨੇ ਬੋਰੀ ਨੂੰ ਖੋਲਿਆ ਤਾਂ ਉੱਥੇ ਮੌਜੂਦ ਕਰਮਚਾਰੀਆਂ ਦੇ ਨਾਲ – ਨਾਲ ਵਾਹਨ ਖ੍ਰੀਦਣ ਲਈ ਪਹੁੰਚੇ ਹੋਰ ਲੋਕ ਵੀ ਹੈਰਾਨ ਰਹਿ ਗਏ। ਹੁਣ ਤੁਹਾਡੇ ਦਿਮਾਗ ਵਿੱਚ ਸਵਾਲ ਉਠ ਰਿਹਾ ਹੋਵੇਗਾ ਕਿ ਬੋਰੀ ਵਿੱਚ ਅਖੀਰ ਅਜਿਹਾ ਕੀ ਸੀ ਤਾਂ ਤੁਹਾਨੂੰ ਦੱਸ ਦੇਈਏ ਕਿ ਉਸਨੇ ਬੋਰੀ ਵਿੱਚ ਇੱਕ – ਇੱਕ ਰੁਪਏ ਦੇ ਸਿੱਕੇ ਭਰੇ ਹੋਏ ਸਨ। ਇਹ ਸਿੱਕੇ ਰੋਜ ਜੋੜ ਜੋੜਕੇ ਅਖੀਰ ਰਕਮ ਪੂਰੀ ਹੋਣ ਉੱਤੇ ਉਹ ਸ਼ੋਰੂਮ ਉੱਤੇ ਬਾਇਕ ਖ੍ਰੀਦਣ ਲਈ ਪਹੁੰਚਿਆ ਸੀ।
ਤਿੰਨ ਸਾਲ ਵਿੱਚ ਇਕੱਠੀ ਕੀਤੀ ਰਕਮ
ਤਮਿਲਨਾਡੁ ਦੇ ਸਲੇਮ ਦੇ ਰਹਿਣ ਵਾਲੇ ਇਸ ਰਾਜਾ ਨਾਮ ਦੇ ਨੌਜਵਾਨ ਨੇ ਬੋਰੀ ਵਿੱਚ ਇੱਕ – ਇੱਕ ਰੁਪਏ ਜੋੜ ਕੇ ਪੂਰੇ 2. 6 ਲੱਖ ਰੁਪਏ ਦੀ ਰਕਮ ਜੋਡ਼ੀ ਸੀ ਜਿਸ ਨੂੰ ਲੈ ਕੇ ਉਹ ਆਪਣੀ ਸੁਪਰ ਬਾਇਕ ਖ੍ਰੀਦਣ ਲਈ ਪਹੁੰਚਿਆ ਸੀ। ਉਸ ਨੇ ਇਸ ਰਕਮ ਨੂੰ ਤਿੰਨ ਸਾਲਾਂ ਵਿੱਚ ਜੋਡ਼ਿਆ ਸੀ। ਬੀਸੀਏ ਦੇ ਵਿਦਿਆਰਥੀ ਰਾਜਾ ਨੇ ਚਾਰ ਸਾਲ ਪਹਿਲਾਂ ਆਪਣੇ ਮਨਪਸੰਦ ਬਾਇਕ ਬਜਾਜ਼ ਡੋਮਿਨਾਰ ਨੂੰ ਖ੍ਰੀਦਣ ਦਾ ਮਨ ਬਣਾਇਆ ਸੀ ਲੇਕਿਨ ਉਸ ਸਮੇਂ ਉਸਦੇ ਕੋਲ ਇਸ ਨੂੰ ਖ੍ਰੀਦਣ ਲਈ ਪੈਸੇ ਨਹੀਂ ਸਨ। ਫਿਰ ਉਸ ਨੇ ਬਾਇਕ ਖ੍ਰੀਦਣ ਲਈ ਪੈਸੇ ਜੋੜਨ ਦਾ ਮਨ ਬਣਾਇਆ ਅਤੇ ਆਖਿਰ ਉਸ ਨੂੰ ਪਾ ਲਿਆ। ਹਾਲਾਂਕਿ ਉਸਨੂੰ ਬਾਇਕ ਖ੍ਰੀਦਣ ਲਈ ਕੀਤੀ ਗਈ ਪੇਮੈਂਟ ਨੇ ਸਾਰੀਆਂ ਨੂੰ ਹੈਰਾਨ ਜਰੂਰ ਕਰ ਦਿੱਤਾ।
ਸ਼ੋਅਰੂਮ ਵਾਲੇ ਪੈਸੇ ਗਿਣਦੇ ਹੋਏ ਮੁੜ੍ਹਕੋ ਮੁੜਕੀ
ਰਿਪੋਰਟ ਵਿੱਚ ਭਾਰਤ ਏਜੰਸੀ ਦੇ ਪ੍ਰਬੰਧਕ ਮਹਾਵਿਕਰਾਂਤ ਦੇ ਹਵਾਲੇ ਤੋਂ ਕਿਹਾ ਗਿਆ ਕਿ ਮੋਟਰਸਾਇਕਲ ਸ਼ੋਰੂਮ ਦੇ ਕਰਮਚਾਰੀਆਂ ਨੂੰ ਰਾਜਾ ਦੀ ਤਿੰਨ ਸਾਲ ਦੀ ਬਚਤ ਨੂੰ ਗਿਣਨ ਵਿੱਚ ਪੂਰੇ 10 ਘੰਟੇ ਦਾ ਸਮਾਂ ਲੱਗਿਆ। ਅਕਸਰ ਕਹਿੰਦੇ ਹਨ ਕਿ ਕਿਸੇ ਚੀਜ ਨੂੰ ਪਾਉਣ ਦਾ ਜਜਬਾ ਹੋਵੇ ਤਾਂ ਉਸ ਨੂੰ ਪੂਰਾ ਕਰਨ ਦੀ ਚਾਹਤ ਹੋਵੇ ਇੰਨਸਾਨ ਉਸ ਨੂੰ ਪਾ ਹੀ ਲੈਂਦਾ ਹੈ। ਰਿਪੋਰਟ ਦੇ ਅਨੁਸਾਰ ਰਾਜਾ ਇਸ ਬਾਇਕ ਨੂੰ ਖ੍ਰੀਦਣ ਲਈ ਹਰ ਰੋਜ ਇੱਕ – ਇੱਕ ਰੁਪਏ ਦੇ ਸਿੱਕੇ ਜੋੜਦਾ ਸੀ ਅਤੇ ਆਖ਼ਿਰਕਾਰ ਉਸ ਨੇ ਉਸ ਨੂੰ ਹਾਸਲ ਕਰ ਲਿਆ। ਇਸਦੇ ਨਾਲ ਹੀ ਇਸ ਅਨੋਖੀ ਖ੍ਰੀਦਦਾਰੀ ਲਈ ਉਹ ਹੁਣ ਉਹ ਸੋਸ਼ਲ ਮੀਡੀਆ ਉੱਤੇ ਵੀ ਚਰਚਾ ਦਾ ਵਿਸ਼ਾ ਬਣ ਚੁੱਕਿਆ ਹੈ।
